Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമധുവി​നെ ഏഴുപേർ...

മധുവി​നെ ഏഴുപേർ ചേർന്ന്​ മർദിച്ചെന്ന്​ മൊഴി; പോസ്​റ്റ്​മോർട്ടം ശനിയാഴ്​ച

text_fields
bookmark_border
madhu tribal
cancel
camera_alt?????????? ?????? ??????? ???

അ​ഗ​ളി(​പാ​ല​ക്കാ​ട്): ക​ട​ക​ളി​ൽ​നി​ന്ന് സാ​ധ​നം മോ​ഷ്​​ടി​ക്കു​ന്നെ​ന്നാ​രോ​പി​ച്ച് ആ​ദി​വാ​സി യു​വാ​വ് മ​ധു​(32) വി​നെ ആ​ൾ​ക്കൂ​ട്ടം മ​ർ​ദി​ച്ചു​കൊ​ന്ന സം​ഭ​വ​ത്തി​ൽ സംസ്​ഥാനത്തൊട്ടാകെ പ്ര​തി​ഷേ​ധം ആ​ളു​ന്നു. മനഃസാക്ഷിയെ മരവിപ്പിച്ച കൊലയിൽ രോഷം ​പ്രകടിപ്പിച്ച്​ ​ആദി​വാ​സി സം​ഘ​ട​ന​ക​ളു​ടെ​യും രാ​ഷ്​​ട്രീ​യ പാ​ർ​ട്ടി​ക​ളു​ടെ​യും നേ​തൃ​ത്വ​ത്തി​ൽ അട്ടപ്പാടിയിൽ പ്ര​ക​ട​നം ന​ട​ന്നു. 

കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് 10 പേ​രെ ക​സ്​​റ്റ​ഡി​യി​ലെ​ടു​ത്തു. മുഴുവൻ പ്രതിക​ളെയും ഉ​ട​ൻ പി​ടി​കൂ​ടു​മെ​ന്ന്​ തൃ​ശൂ​ർ റേ​ഞ്ച് ഐ.​ജി എം.​ആ​ർ. അ​ജി​ത് കു​മാ​ർ പ​റ​ഞ്ഞു. പ്രതികളിൽ ചിലർ ശ്രീകൃഷ്​ണപുരം പൊലീസ്​ സ്​റ്റേഷനിൽ കീഴടങ്ങിയതായി സൂചനയുണ്ട്​.പാ​ല​ക്കാ​ട് എ​സ്.​പി​യു​ടെ​യും അ​ഗ​ളി ഡി​വൈ.​എ​സ്.​പി​യു​ടേ​യും നി​യ​ന്ത്ര​ണ​ത്തി​ലു​ള്ള പ്രത്യേക സംഘത്തെ അ​ന്വേ​ഷ​ണ​ത്തി​ന് നി​യോ​ഗി​ച്ചു. അ​സ്വാ​ഭാ​വി​ക മ​ര​ണ​ത്തി​നാ​ണ് കേ​സ്. ആ​ദി​വാ​സി പീ​ഡ​ന വി​രു​ദ്ധ നി​യ​മ​ത്തി​ന്​ കീ​ഴി​ൽ കൊ​ല​പാ​ത​ക കു​റ്റം അ​ട​ക്ക​മു​ള്ള വ​കു​പ്പു​ക​ൾ പ്ര​തി​ക​ൾ​ക്കെ​തി​രെ ചു​മ​ത്തു​മെ​ന്നും ഐ.​ജി അ​റി​യി​ച്ചു.  ശ​നി​യാ​ഴ്ച അ​ട്ട​പ്പാ​ടി സ​ന്ദ​ർ​ശി​ക്കുമെന്ന്​ മ​ന്ത്രി എ.​കെ. ബാ​ല​ൻ പറഞ്ഞു. 
സം​ഭ​വ​ത്തി​ൽ കേ​ന്ദ്ര മ​നു​ഷ്യാ​വ​കാ​ശ ക​മീ​ഷ​ൻ സ​ർ​ക്കാ​റി​നോ​ട് റി​പ്പോ​ർ​ട്ട് തേ​ടി. ത​ന്നെ വാ​ഹ​ന​ത്തി​ൽ ക​യ​റ്റി​യ ആ​ളു​ക​ളാ​ണ് മ​ർ​ദി​ച്ച​തെ​ന്ന് മ​ധു പൊ​ലീ​സി​ന് മൊ​ഴി ന​ൽ​കി​യി​ട്ടു​ണ്ടെ​ന്ന് എ​ഫ്.​ഐ.​ആ​റി​ൽ രേ​ഖ​പ്പെ​ടു​ത്തി​യി​ട്ടു​ണ്ട്. 

സം​ഭ​വ​ത്തി​ൽ പ​ങ്കു​ള്ള എ​ല്ലാ​വ​രെ​യും പി​ടി​കൂ​ട​ണ​മെ​ന്നാ​വ​ശ്യ​പ്പെ​ട്ട്  മ​ധു​വി​​​െൻറ ബ​ന്ധു​ക്ക​ളും പ്ര​തി​ഷേ​ധ​ക്കാ​രും മൃ​ത​ദേ​ഹം സൂ​ക്ഷി​ച്ച അ​ഗ​ളി പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ലെ മോ​ർ​ച്ച​റി​ക്ക് മു​ന്നി​ൽ കു​ത്തി​യി​രു​ന്നു. മ​ണ്ണാ​ർ​ക്കാ​ട്-​ചി​ന്ന​ത്ത​ടാ​കം റോ​ഡ് ഉ​പ​രോ​ധി​ച്ചു. പോ​സ്​​റ്റു​മോ​ർ​ട്ട​ത്തി​ന് തൃ​ശൂ​രി​ലേ​ക്ക് കൊ​ണ്ടു​പോ​കാ​നാ​യി മ​ധു​വി​​​െൻറ മൃ​ത​ദേ​ഹം ക​യ​റ്റി​യ ആം​ബു​ല​ൻ​സ് പ്ര​തി​ഷേ​ധ​ക്കാ​ർ ത​ട​ഞ്ഞു. 

മ​ധു​വി​​​െൻറ അമ്മ മ​ല്ലി​യു​ടെ നേ​തൃ​ത്വ​ത്തി​ൽ ഊ​രു​വാ​സി​ക​ളാ​ണ് ആം​ബു​ല​ൻ​സ് ത​ട​ഞ്ഞ​ത്. പ്ര​തി​ക​ളെ പി​ടി​കൂ​ടി​യാ​ലേ മൃ​ത​ദേ​ഹം കൊ​ണ്ടു​പോ​കാ​ൻ അ​നു​വ​ദി​ക്കൂ​െ​വ​ന്ന്​ പൊ​ലീ​സി​നെ അ​റി​യി​ച്ചു. പാ​ല​ക്കാ​ട് എ​സ്.​പി പ്ര​തീ​ഷ് കു​മാ​ർ ച​ർ​ച്ച ന​ട​ത്തി​യ​തി​നെ തു​ട​ർ​ന്നാ​ണ് ആം​ബു​ല​ൻ​സ് ക​ട​ത്തി​വി​ട്ട​ത്. അ​ഗ​ളി പൊ​ലീ​സ് സ്​​റ്റേ​ഷ​നു മു​ന്നി​ലും സ​മ​രം തു​ട​ർ​ന്നു. സം​ഭ​വ​ത്തി​ൽ ഉ​ൾ​പ്പെ​ട്ട മു​ഴു​വ​ൻ ആ​ളു​ക​ൾ​ക്കെ​തി​രെ​യും ആ​ദി​വാ​സി പീ​ഡ​ന നി​രോ​ധ​ന നി​യ​മ​പ്ര​കാ​രം കേ​സെ​ടു​ത്ത് അ​റ​സ്​​റ്റ് ചെ​യ്യാ​തെ പ്ര​തി​ഷേ​ധ​മ​വ​സാ​നി​പ്പി​ക്കി​ല്ലെ​ന്ന് സ​മ​ര​ക്കാ​ർ അ​റി​യി​ച്ചു.  ഐ.​ജി​യു​ടെ ഉ​റ​പ്പി​​ൽ സ​മ​ര​ക്കാ​ർ ഗ​താ​ഗ​തം മു​ട​ക്കി​യു​ള്ള സ​മ​രം പ​ന്ത​ലി​ലേ​ക്ക് മാ​റ്റി. 

വ്യാ​ഴാ​ഴ്ച​യാ​ണ് മ​ധു ക്രൂ​ര​മാ​യി കൊ​ല്ല​പ്പെ​ട്ട​ത്. പ​ല​ച​ര​ക്ക് ക​ട​യി​ൽ​നി​ന്ന് സാ​ധ​ന​ങ്ങ​ൾ മോ​ഷ്​​ടി​ച്ചെ​ന്നാ​രോ​പി​ച്ച് വ്യാ​ഴാ​ഴ്ച ഉ​ച്ച​യോ​ടെ​യാ​ണ്​ മ​ധു​വി​നെ മു​ക്കാ​ലി​ക്ക​ടു​ത്ത് ഭ​വാ​നി പു​ഴ​ക്ക​ര​യി​ലെ ഗു​ഹ​യി​ൽ​നി​ന്ന് ഒ​രു​സം​ഘ​ം പി​ടി​കൂ​ടി​യ​ത്. കാ​ട്ടി​ൽ​നി​ന്ന് മ​ർ​ദി​ച്ച​വ​ശ​നാ​ക്കി​യ മ​ധു​വി​നെ മു​ക്കാ​ലി​യി​ലെ​ത്തി​ച്ച് പ​ര​സ്യ​വി​ചാ​ര​ണ​ക്ക് വി​ധേ​യ​നാ​ക്കി. പി​ന്നീ​ടാ​ണ് പൊ​ലീ​സി​നെ അ​റി​യി​ച്ച​ത്. മാ​ര​ക​മാ​യി പ​രി​ക്കേ​റ്റ മ​ധു പൊ​ലീ​സ് വാ​ഹ​ന​ത്തി​ൽ ഛർ​ദ്ദി​ച്ച് ബോ​ധ​ര​ഹി​ത​നാ​യി വീ​ഴു​ക​യാ​യി​രു​ന്നു. ആ​ശു​പ​ത്രി​യി​ൽ എ​ത്തി​യ​പ്പോ​ഴേ​ക്കും മ​രി​ച്ചു.

പോസ്​റ്റുമോർട്ടം ശനിയാഴ്ച രാവിലെ
മു​ള​ങ്കു​ന്ന​ത്തു​കാ​വ്: മ​ധുവി​​െൻറ പോ​സ്​​റ്റ്​​മോ​ർ​ട്ടം ശ​നി​യാ​ഴ്ച കാ​ല​ത്ത് എ​ട്ടി​ന്​ ന​ട​ക്കും. വെ​ള്ളി​യാ​ഴ്ച വൈ​കീ​ട്ട് 3.45 നാ​ണ് മൃ​ത​ദേ​ഹം ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി മോ​ർ​ച്ച​റി​യി​ലെ​ത്തി​ച്ച​ത്. അ​ര​മ​ണി​ക്കൂ​റോ​ളം മൃ​ത​ദേ​ഹം വ​രാ​ന്ത​യി​ൽ കി​ട​ത്തി. വി​വാ​ദ​മാ​യ കേ​സാ​യ​തി​നാ​ൽ ന​ട​പ​ടി ക്ര​മം പാ​ലി​ച്ച് വി​ശ​ദ പ​രി​ശോ​ധ​ന ന​ട​ത്തി പോ​സ്​​റ്റു​മോ​ർ​ട്ടം ന​ട​ത്താ​നാ​ണ്​ ശ​നി​യാ​ഴ്​​ച​ത്തേ​ക്ക്​ മാ​റ്റി​യ​തെ​ന്ന് ഫോ​റ​ൻ​സി​ക് മേ​ധാ​വി ഡോ. ​ബ​ല​റാം പ​റ​ഞ്ഞു.

കള്ളനെന്ന് പറഞ്ഞ് മർദിച്ചു
അ​ഗ​ളി: കാ​ട്ടി​ൽ​നി​ന്ന് പി​ടി​ച്ച് കൊ​ണ്ടു​വ​ന്ന് ക​ള്ള​നെ​ന്ന് പ​റ​ഞ്ഞ് ആ​ൾ​ക്കൂ​ട്ടം മ​ർ​ദി​ച്ച​താ​യി മ​രി​ച്ച ആ​ദി​വാ​സി യു​വാ​വ് മ​ധു​വി‍​​െൻറ മൊ​ഴി. ജീ​പ്പി​ൽ ക​യ​റ്റി​ക്കൊ​ണ്ടു​വ​രു​മ്പോ​ൾ ച​വി​ട്ടു​ക​യും അ​ടി​ക്കു​ക​യും ചെ​യ്ത​താ​യും മ​ധു മൊ​ഴി ന​ൽ​കി​യ​താ​യി പൊ​ലീ​സി​​​െൻറ പ്ര​ഥ​മ​വി​വ​ര റി​പ്പോ​ർ​ട്ടി​ൽ പ​റ​യു​ന്നു. അ​ഗ​ളി സ്​​റ്റേ​ഷ​നി​ലെ അ​ഡീ​ഷ​ന​ൽ സ​ബ് ഇ​ൻ​സ്പെ​ക്ട​ർ പ്ര​സാ​ദ് വ​ർ​ക്കി​യാ​ണ് റി​പ്പോ​ർ​ട്ട്​ ത​യാ​റാ​ക്കി​യ​ത്.

കാ​ട്ടി​ൽ​നി​ന്ന് പി​ടി​ച്ച് കൊ​ണ്ടു​വ​ന്ന മ​ധു​വി​നെ വ്യാ​ഴാ​ഴ്ച വൈ​കീ​ട്ട് മൂ​ന്നോ​ടെ​യാ​ണ് മു​ക്കാ​ലി ജ​ങ്​​ഷ​നി​ൽ എ​ത്തി​ച്ച​ത്. അ​വി​ടെ പ്ര​ദ​ർ​ശി​പ്പി​ച്ചു. അ​തി​നു​ശേ​ഷ​മാ​ണ് പൊ​ലീ​സ് എ​ത്തി​യ​ത്. ഹു​സൈ​ൻ, മാ​ത്ത​ച്ച​ൻ, മ​നു, അ​ബ്​​ദു​ൽ റ​ഹ്​​മാ​ൻ, അ​ബ്​​ദു​ൽ ല​ത്തീ​ഫ്, അ​ബ്​​ദു​ൽ ക​രീം, എ.​പി. ഉ​മ്മ​ർ എ​ന്നി​വ​രാ​ണ് മ​ധു​വി​നെ പൊ​ലീ​സി​ൽ ഏ​ൽ​പ്പി​ച്ച​ത്. കു​റ​ച്ച് അ​രി പൊ​ലീ​സ് വാ​ഹ​ന​ത്തി​ൽ ക​യ​റ്റി​യ​താ​യും റി​പ്പോ​ർ​ട്ടി​ൽ പ​റ​യു​ന്നു.

മജിസ്​​േ​ട്രറ്റ്​ അന്വേഷിക്കും
തൃ​ശൂ​ർ: ആ​ദി​വാ​സി, പി​ന്നാ​ക്ക വി​ഭാ​ഗ​ങ്ങ​ളു​ടെ മേ​ൽ കൈ​വെ​ക്കാ​ൻ ആ​രെ​യും അ​നു​വ​ദി​ക്കി​ല്ലെ​ന്ന് മ​ന്ത്രി എ.​കെ. ബാ​ല​ൻ. ഒ​രു പാ​വ​ത്തെ ത​ല്ലി​ക്കൊ​ന്ന​ത് കേ​ര​ള​ത്തി​ൽ സം​ഭ​വി​ക്കാ​ൻ പാ​ടി​ല്ലാ​ത്ത​താ​ണ്. മ​ജി​സ്​​റ്റീ​രി​യ​ൽ അ​ന്വേ​ഷ​ണം ന​ട​ത്താ​ൻ മ​ണ്ണാ​ർ​ക്കാ​ട് ജു​ഡീ​ഷ്യ​ൽ ഫ​സ്​​റ്റ്​ ക്ലാ​സ് മ​ജി​സ്ട്രേ​റ്റി​നെ ചു​മ​ത​ല​പ്പെ​ടു​ത്തി​യെ​ന്ന്​  മ​ന്ത്രി പ​റ​ഞ്ഞു.

യു​വാ​വി​​െൻറ കു​ടും​ബ​ത്തി​ന് സ​ർ​ക്കാ​ർ സ​ഹാ​യം ല​ഭ്യ​മാ​ക്കും. പൊ​ലീ​സ് വാ​ഹ​ന​ത്തി​ലാ​ണ് മ​ര​ണം സം​ഭ​വി​ച്ച​ത്. അ​തു​കൊ​ണ്ടു കൂ​ടി​യാ​ണ് മ​ജി​സ്​​റ്റീ​രി​യി​ൽ അ​ന്വേ​ഷ​ണം. പൊ​ലീ​സി​ന് വീ​ഴ്ച​ പ​റ്റി​യി​ട്ടി​ല്ല. തൃ​ശൂ​ർ റേ​ഞ്ച് ഐ.​ജി​യു​ടെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം. മു​ഴു​വ​ൻ പ്ര​തി​ക​ളേ​യും ഇ​ന്നു​ത​ന്നെ പി​ടി​കൂ​ടും. ആ​ദി​വാ​സി യു​വാ​വ് ഭ​ക്ഷ​ണ​ത്തി​നാ​യി മോ​ഷ​ണം ന​ട​ത്തി എ​ന്ന് വി​ശ്വ​സി​ക്കു​ന്നി​ല്ല. ഭ​ക്ഷ​ണം കി​ട്ടാ​തി​രി​ക്കു​ന്ന സാ​ഹ​ച​ര്യം ആ​ദി​വാ​സി​ക​ൾ​ക്കി​ല്ല. ഒ​റ്റ​പ്പെ​ട്ട സം​ഭ​വ​മാ​ണി​ത്. ഏ​ത് പാ​ർ​ട്ടി​ക്കാ​രാ​യാ​ലും പ്ര​തി​ക​ളെ പി​ടി​കൂ​ടും. കു​റ്റ​ക്കാ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കും. ഇ​ത്ത​രം കാ​ര്യ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ മാ​തൃ​കാ​പ​ര​മാ​യ ശി​ക്ഷ പ്ര​തി​ക​ൾ​ക്ക് ന​ൽ​കേ​ണ്ട​തു​ണ്ട്. 
ശ​ക്ത​മാ​യ ന​ട​പ​ടി സ്വീ​ക​രി​ക്കാ​ൻ സം​സ്ഥാ​ന പൊ​ലീ​സ് മേ​ധാ​വി​ക്ക് മു​ഖ്യ​മ​ന്ത്രി നി​ർ​ദേ​ശം ന​ൽ​കി​യി​ട്ടു​ണ്ടെ​ന്നും മ​ന്ത്രി പ​റ​ഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsmadhumalayalam newsAttappadi adivasi Murder
News Summary - tribal-youths-death-in-attappadi - kerala news
Next Story