പുൽപ്പള്ളിയിൽ ആദിവാസി യുവാവ് ആത്മഹത്യ ചെയ്തു

വയനാട്: പുൽപ്പള്ളി കന്നാരംപുഴയിൽ കുളിക്കാനിറങ്ങിയപ്പോൾ കർണാടക വനപാലകർ വെടിവെച്ച ആദിവാസി യുവാവ് ആത്മഹത്യ ചെയ്തു. പുൽപ്പള്ളി വണ്ടിക്കടവ് കോളനിയിലെ വിനോദാണ് (25) വീടിനുള്ളിൽ ആത്മഹത്യ ചെയ്തത്.

കഴിഞ്ഞ ദിവസം കുളിക്കാൻ ഇറങ്ങിയപ്പോൾ കർണാടക വനപാലകർ വെടിവക്കുകയായിരുന്നു. തലനാരിഴക്കാണ് രക്ഷപ്പെട്ടത്. സംഭവത്തിന് ശേഷം മൂകനായി കോളനിയിൽ തന്നെ കഴിയുകയായിരുന്നു വിനോദ്.