തേൻ എടുക്കുന്നതിനിടെ ആദിവാസി യുവാവ് മരത്തിൽ നിന്ന്​ വീണ്​ മരിച്ചു

പേരാവൂർ: തേൻ എടുക്കുന്നതിനിടെ ആദിവാസി യുവാവ് മരത്തിൽ നിന്ന് വീണ് മരിച്ചു. കൊട്ടിയൂർ മേലെ പാൽചുരം കോളനിയിലെ വാ സുവിന്‍റെയും കല്യാണിയുടെയും മകൻ ശശിയാണ് (35) മരിച്ചത്. തൊണ്ടിയിൽ സുബ്രഹ്മണ്യസ്വാമി ക്ഷേത്രത്തിൽ രാവിലെ അഞ്ച് മണിയോടെയായിരുന്നു അപകടം.

അടുത്തയാഴ്ച ഉത്സവം നടക്കാനിരിക്കെ, ഭക്തജനങ്ങൾക്ക് അപകടമുണ്ടാകാതിരിക്കാനാണ് ക്ഷേത്ര പറമ്പിലെ മരത്തിലുള്ള പായ്ത്തേൻ ഒഴിവാക്കാൻ പാൽചുരത്ത് നിന്ന് ആദിവാസി സംഘം എത്തിയത്. തേൻ ശേഖരിച്ച് ഇറങ്ങുന്നതിനിടെയാണ് അപകടം.

ഭാര്യ: ശോഭ. മക്കൾ: ശോഭിനി, സജേഷ്, സജു. ശവസംസ്കാരം പിന്നീട്.