ഡോ. വന്ദന ദാസ്​ വധക്കേസിൽ വിചാരണ നടപടികൾ നീട്ടി

കൊ​ല്ലം: കൊ​ട്ടാ​ര​ക്ക​ര താ​ലൂ​ക്ക്​ ആ​ശു​പ​ത്രി​യി​ൽ ഡോ. ​വ​ന്ദ​ന ദാ​സ്​ കൊ​ല്ല​പ്പെ​ട്ട കേ​സി​ൽ വി​ചാ​ര​ണ ന​ട​പ​ടി​ക​ൾ നീ​ട്ടി. പ്ര​തി​ഭാ​ഗ​ത്തി​ന്​ വേ​ണ്ടി ഹാ​ജ​രാ​യ ര​ണ്ട്​ അ​ഭി​ഭാ​ഷ​ക​രും മ​രി​ച്ച സാ​ഹ​ച​ര്യ​ത്തി​ൽ പ​ക​രം അ​ഭി​ഭാ​ഷ​ക​നെ ക​ണ്ടെ​ത്താ​ൻ സ​മ​യം അ​നു​വ​ദി​ച്ചു​കൊ​ണ്ടാ​ണ്​ കേ​സ്​ ന​ട​പ​ടി​ക​ൾ നീ​ട്ടി​യ​ത്. വ​ന്ദ​ന ദാ​സ്​ വ​ധ​ക്കേ​സി​ലെ പ്ര​തി സ​ന്ദീ​പി​നു​വേ​ണ്ടി ഹാ​ജ​രാ​യ ആ​ളൂ​ർ ക​ഴി​ഞ്ഞ മാ​സം 30നാ​ണ്​ മ​രി​ച്ച​ത്.

പ്ര​തി​ഭാ​ഗം സ​ഹാ​യി​യാ​യി എ​ത്തി​യി​രു​ന്ന മു​ൻ ഗ​വ. പ്ലീ​ഡ​ർ പി.​ജി. മ​നു ക​ഴി​ഞ്ഞ​മാ​സം 13ന്​ ​കൊ​ല്ല​ത്ത്​​വെ​ച്ച്​ തൂ​ങ്ങി​മ​രി​ച്ചി​രു​ന്നു. പ്ര​തി​ഭാ​ഗം അ​ഭി​ഭാ​ഷ​ക​രാ​യി​രു​ന്ന ര​ണ്ടു​പേ​രും മ​രി​ച്ച​ത്​ കേ​സി​ന്‍റെ തു​ട​ർ​ന​ട​പ​ടി​ക​ളെ ബാ​ധി​ക്കും. അ​തി​നാ​ലാ​ണ്​ അ​ഭി​ഭാ​ഷ​ക​നെ ക​ണ്ടെ​ത്താ​ൻ സ​മ​യം അ​നു​വ​ദി​ച്ച​ത്.

കേ​സി​ലെ ഒ​ന്നാം സാ​ക്ഷി​യാ​യ ഡോ. ​മു​ഹ​മ്മ​ദ്​ ഷി​ബി​ന്‍റെ ക്രോ​സ്​ വി​സ്താ​ര​മാ​ണ്​ കോ​ട​തി​യി​ൽ ഇ​പ്പോ​ൾ ന​ട​ന്നു​വ​രു​ന്ന​ത്. സ്വ​യ​ര​ക്ഷ​ക്കാ​യാ​ണ്​ വ​ന്ദ​​ന​യെ ​ആ​ക്ര​മി​ച്ച​തെ​ന്നും കോ​ട​തി​യി​ൽ ഹാ​ജ​രാ​ക്കി​യ ക​ത്രി​ക ഉ​പ​യോ​ഗി​ച്ച​ല്ല വ​ന്ദ​ന​യെ കു​ത്തി​യ​തെ​ന്നു​മൊ​ക്കെ​യു​ള്ള പ്ര​തി​ഭാ​ഗം വാ​ദം ഒ​ന്നാം​സാ​ക്ഷി വി​സ്താ​ര വേ​ള​യി​ൽ നി​ഷേ​ധി​ച്ചി​രു​ന്നു.