വൈത്തിരിക്ക്​ സമീപം ദേശീയപാതയിൽ മരംവീണ്​ ഗതാഗതം നിലച്ചു

വൈത്തിരി (വയനാട്​): ദേശീയപാത തളിപ്പുഴയിൽ വൻമരം റോഡിന്​ കുറുകെ വീണ് ഗതാഗതം തടസ്സപ്പെട്ടു. വ്യാഴാഴ്​ച രാത്രിയാണ്​ സംഭവം. പ്രദേശത്ത്​ ശക്​തമായ കാറ്റും മഴയുമുണ്ട്​.

കൂറ്റൻ മരം വീണതോടെ ഏറെനേരം ഗതാഗതം മുടങ്ങി. വാഹനങ്ങളുടെ നീണ്ടനിര​ രൂപപ്പെട്ടു​. പൊലീസും ഫയർഫോഴ്​സും സ്​ഥലത്തെത്തി രക്ഷാപ്രവർത്തനം തുടരുകയാണ്​. വൈത്തിരിയുടെ വിവിധ ഭാഗങ്ങളിൽ കാറ്റില്‍ നിരവധി മരങ്ങളാണ്​ വീണത്.