ചികിത്സപ്പിഴവ്​: ഇടതു​കണ്ണിനുള്ള കുത്തിവെപ്പെടുത്തത്​ വലതു​കണ്ണിന്

തി​രു​വ​ന​ന്ത​പു​രം: സ​ർ​ക്കാ​ർ ക​ണ്ണാ​ശു​പ​ത്രി​യി​ൽ ഗു​രു​ത​ര ചി​കി​ത്സ​പ്പി​ഴ​വ്. ഇ​ട​തു​ക​ണ്ണി​നു​ള്ള ചി​കി​ത്സ​ക്കെ​ത്തി​യ രോ​ഗി​ക്ക്​ ഇ​ഞ്ച​ക്​​ഷ​ൻ ന​ൽ​കി​യ​ത്​ വ​ല​തു​ക​ണ്ണി​ൽ. പി​ഴ​വ്​ ക​​ണ്ടെ​ത്തി​യ​തി​നെ തു​ട​ർ​ന്ന്​ ഡോ​ക്ട​റെ​ സ​സ്​​പെ​ൻ​ഡ്​ ചെ​യ്തു. ബീ​മാ​പ​ള്ളി സ്വ​ദേ​ശി​യാ​യ അ​സൂ​റ ബീ​വി ഇ​ട​തു​ക​ണ്ണി​ലെ കാ​ഴ്ച മ​ങ്ങ​ലി​ന്​ ഒ​രു മാ​സ​മാ​യി റീ​ജ​ന​ൽ ഇ​ൻ​സ്റ്റി​റ്റ്യൂ​ട്ട്​ ഓ​ഫ്​ ഒ​ഫ്താ​ൽ​മോ​ള​ജി​യി​ൽ ചി​കി​ത്സ​യി​ലാ​യി​രു​ന്നു. ഒ​രാ​ഴ്ച മു​മ്പാ​ണ്​ ചി​കി​ത്സ​യു​ടെ ഭാ​ഗ​മാ​യ ഇ​ഞ്ച​ക്​​ഷ​നു​വേ​ണ്ടി ജൂ​ൺ ര​ണ്ടി​ന്​ അ​ഡ്​​മി​റ്റാ​ക​ണ​മെ​ന്ന്​ നി​ർ​ദേ​ശി​ച്ച​ത്.

ഇ​ഞ്ച​ക്​​ഷ​നു​ള്ള മ​രു​ന്ന്​ വി​പ​ണി​യി​ലി​ല്ലാ​ത്ത​തി​നാ​ൽ ഒ​രാ​ൾ​ക്ക്​ 6000 രൂ​പ അ​യ​ച്ചു​കൊ​ടു​ത്താ​ണ്​ മ​രു​ന്നെ​ത്തി​ച്ച​തെ​ന്ന്​ മ​ക​ൻ മാ​ജി​ദ്​ പ​റ​യു​ന്നു. തി​ങ്ക​ളാ​ഴ്ച​ വൈ​കീ​ട്ട്​ ത​ന്നെ മ​രു​ന്ന്​ ഓ​പ​റേ​ഷ​ൻ തി​യ​റ്റ​റി​ൽ എ​ത്തി​ച്ചു. ര​ക്ത​സ​മ്മ​ർ​ദം മൂ​ലം ക​ണ്ണി​ലെ ഞ​ര​മ്പു​ക​ളി​ലു​ണ്ടാ​യ നീ​ർ​ക്കെ​ട്ട്​ മാ​റു​ന്ന​തി​നു​ള്ള​താ​ണ്​ ഈ ​ഇ​ഞ്ച​ക്​​ഷ​ൻ.

ചൊ​വ്വാ​ഴ്ച രാ​വി​​ലെ ഏ​ഴ​ര​യോ​ടെ, രോ​ഗി​യെ സ​ർ​ജ​റി ബ്ലോ​ക്കി​ലേ​ക്ക്​ കൊ​ണ്ടു​പോ​കു​ക​യും ഇ​ഞ്ച​ക്​​ഷ​ന്​ മു​ന്നോ​ടി​യാ​യി ഇ​ട​തു​ക​ണ്ണ്​ ക്ലീ​ൻ ചെ​യ്യു​ക​യും ചെ​യ്തു. എ​ന്നാ​ൽ, കു​ത്തി​വെ​പ്പെ​ടു​ത്ത​താ​ക​ട്ടെ കാ​ര്യ​മാ​യി കു​ഴ​പ്പ​മൊ​ന്നു​മി​ല്ലാ​ത്ത വ​ല​തു​ക​ണ്ണി​ലും. ഈ ​സ​മ​യം രോ​ഗി​ക്കും കാ​ര്യം മ​ന​സ്സി​ലാ​യി​രു​ന്നി​ല്ല. കു​ത്തി​വെ​പ്പ്​ ക​ഴി​ഞ്ഞ് താ​ഴ​ത്തെ നി​ല​യി​ലു​ള്ള വാ​ർ​ഡി​ൽ കൊ​ണ്ടു​വ​ന്ന​പ്പോ​ഴാ​ണ് വ​ല​തു​ക​ണ്ണ് ബാ​ൻ​ഡേ​ജി​ട്ട് മ​റ​ച്ചി​രി​ക്കു​ന്ന​ത് ശ്ര​ദ്ധ​യി​ൽ​പെ​ട്ട​തെ​ന്ന്​ മാ​ജി​ദ്​ പ​റ​യു​ന്നു. അ​പ്പോ​ൾ ത​ന്നെ വാ​ർ​ഡി​ലു​ണ്ടാ​യി​രു​ന്ന ഡ്യൂ​ട്ടി ന​ഴ്സി​നോ​ട് വി​വ​രം അ​റി​യി​ച്ചു. അ​വ​ർ ഉ​ട​ൻ ഫോ​ണി​ൽ ആ​രെ​യോ വി​ളി​ക്കു​ക​യും ത​ന്നോ​ട്​ വേ​ഗം കു​ത്തി​വെ​പ്പ്​​ ന​ൽ​കി​യ ഡോ​ക്ട​റെ കാ​ണാ​ൻ നി​ർ​ദേ​ശി​ക്കു​ക​യും ചെ​യ്തു.

‘ചു​വ​ന്ന് ചെ​ങ്ക​ണ്ണ് പോ​ലെ ഇ​ൻ​ഫെ​ക്​​ഷ​നാ​യി ക​ണ്ട​തി​നാ​ലാ​ണ് വ​ല​തു​ക​ണ്ണി​ന്​ കു​ത്തി​വെ​പ്പ്​​ ന​ൽ​കി​യ​തെ​ന്നാ​യി​രു​ന്നു​’ ഡോ​ക്ട​ർ പ​റ​ഞ്ഞ​തെ​ന്ന്​ മ​ക​ൻ വ്യ​ക്ത​മാ​ക്കു​ന്നു. ചി​കി​ത്സ​പ്പി​ഴ​വി​നെ തു​ട​ർ​ന്ന്​ കു​ടും​ബം വ​ഞ്ചി​യൂ​ർ ​പൊ​ലീ​സി​ലും ഒ​പ്പം ആ​രോ​ഗ്യ​മ​ന്ത്രി​ക്കും ഡി.​എം.​ഒ​ക്കും ഡി.​എം.​ഇ​ക്കും പ​രാ​തി ന​ൽ​കി. ചൊ​വ്വാ​ഴ്ച രാ​ത്രി ത​ന്നെ സം​ഭ​വം അ​ധി​കൃ​ത​ർ​ക്ക്​ റി​പ്പോ​ർ​ട്ട്​ ചെ​യ്ത​താ​യി ക​ണ്ണാ​ശു​പ​ത്രി ഡ​യ​റ​ക്ട​ർ വ്യ​ക്ത​മാ​ക്കി. പി​ന്നാ​ലെ​യാ​ണ്​ അ​ന്വേ​ഷ​ണ​വി​ധേ​യ​മാ​യി ഡോ. ​സു​ജീ​ഷി​നെ സ​സ്​​പെ​ൻ​ഡ്​ ചെ​യ്ത​ത്.