You are here

ജനശതാബ്ദി എക്‌സ്പ്രസിലെ യാത്രക്കാരന് കോവിഡ്; യാത്രക്കിടെ ആശുപത്രിയിൽ പ്രവേശിപ്പിച്ചു

14:08 PM
31/07/2020
covid-5.jpg

കൊച്ചി: ജനശതാബ്ദി എക്‌സ്പ്രസിലെ യാത്രക്കാരന് യാത്രക്കിടെ കൊവിഡ് സ്ഥിരീകരിച്ചതിനെ തുടർന്ന് കളമശേരി മെഡിക്കൽ കോളജിൽ പ്രവേശിപ്പിച്ചു. കോഴിക്കോട് നിന്നും കന്യാകുമാരിയിലേക്ക് യാത്ര ചെയ്യുകയായിരുന്ന ഇദ്ദേഹത്തിന്‍റെ പരിശോധനാഫലം തൃശൂരിൽ എത്തിയപ്പോഴാണ് അറിഞ്ഞത്. തുടർന്ന് എറണാകുളത്ത് ഇറങ്ങി മെഡിക്കൽ കോളജിലേക്ക് മാറുകയായിരുന്നു. ഇദ്ദേഹം യാത്ര ചെയ്ത തുടർന്ന് ജനശതാബ്ദിയുടെ മൂന്ന് കംപാർട്ട്‌മെന്റുകൾ സീൽ ചെയ്തു. തിരുവനന്തപുരത്ത് വെച്ച് കമ്പാർട്ടുമെന്‍റുകൾ അണുവിമുക്തമാക്കും.

കന്യാകുമാരി സ്വദേശിയായ ഇയാൾ കോഴിക്കോട് കുന്ദമംഗലത്ത സ്വകാര്യ സ്ഥാപനത്തിൽ ജോലി ചെയ്യുകയാണ്. ഇതിനിടയിലാണ് സ്രവ സാമ്പിളുകൾ പരിശോധനക്ക് നൽകിയത്. സ്വദേശത്തേക്ക് യാത്ര ചെയ്യുന്നതിനിടെയാണ് പരിശോധനാ ഫലം പോസിറ്റീവ് ആയ വിവരം ആരോഗ്യ വകുപ്പ് അറിയിച്ചത്.  തുടർന്ന് കളമശേരി മെഡിക്കൽ കോളജിൽ പ്രവേശിപ്പിക്കുകയായിരുന്നു. 

Loading...
COMMENTS