മൊ​ബൈ​ലി​ൽ ചി​ത്ര​മെ​ടു​ത്ത് പി​ഴ ഈ​ടാ​ക്ക​രു​തെ​ന്ന തീരുമാനം മാറ്റി ട്രാൻസ്​പോർട്ട് കമീഷണർ

കോ​ഴി​ക്കോ​ട്: മൊ​ബൈ​ലി​ൽ ചി​ത്ര​മെ​ടു​ത്ത് പി​ഴ ഈ​ടാ​ക്ക​രു​തെ​ന്ന നി​ർ​ദേ​ശ​ം തിരുത്തി ട്രാ​ൻ​സ്​​പോ​ർ​ട്ട് ക​മീ​ഷ​ണ​ർ. കേ​ന്ദ്ര മോ​ട്ടോ​ർ​വാ​ഹ​ന നി​യ​മം അ​നു​ശാ​സി​ക്കു​ന്ന 12 കു​റ്റ​ങ്ങ​ളി​ൽ മാ​ത്രം കാ​മ​റ വ​ഴി പി​ഴ ചു​മ​ത്തി​യാ​ൽ മ​തി​യെ​ന്ന ഗ​താ​ഗ​ത ക​മീ​ഷ​ണ​റു​ടെ നി​ർ​ദേ​ശം വി​വാ​ദ​​യ​തോ​ടെ​യാ​ണ് ശ​നി​യാ​ഴ്ച വൈ​കീ​ട്ട് വി​ളി​ച്ചു​ചേ​ർ​ത്ത ആ​ർ.​ടി.​ഒ​മാ​രു​ടെ​യും ജോ​യ​ന്റ് ആ​ർ.​ടി.​ഒ​മാ​രു​ടെ​യും യോ​ഗ​ത്തി​ൽ തീ​രു​മാ​നം മാ​റ്റി​യ​ത്. കേ​ന്ദ്ര മോ​ട്ടോ​ർ​വാ​ഹ​ന നി​യ​മം അ​നു​ശാ​സി​ക്കു​ന്ന 12 കു​റ്റ​ങ്ങ​ളി​ൽ ഏ​തെ​ങ്കി​ലും ഒ​ന്നു​ണ്ടെ​ങ്കി​ൽ ഇ​ൻ​ഷു​റ​ൻ​സ്, ഫി​റ്റ്ന​സ്, പെ​ർ​മി​റ്റ് ഇ​ല്ലാ​ത്ത​തു​ൾ​പ്പെ​ടെ​യു​ള്ള എ​ല്ലാ കു​റ്റ​കൃ​ത്യ​ങ്ങ​ൾ​ക്കും ഇ-​ച​ലാ​ൻ വ​ഴി പി​ഴ ചു​മ​ത്താ​മെ​ന്നാ​ണ് അ​റി​യി​ച്ച​ത്.

ഇ​തു​സം​ബ​ന്ധി​ച്ച് ഉ​ട​ൻ ഉ​ത്ത​ര​വി​റ​ക്കു​മെ​ന്നും യോ​ഗ​ത്തി​ൽ ട്രാ​ൻ​സ്പോ​ർ​ട്ട് ക​മീ​ഷ​ണ​ർ അ​റി​യി​ച്ചു. വാ​ഹ​ന​ത്തി​ന് ഇ​ൻ​ഷു​റ​ൻ​സ് പ​രി​ര​ക്ഷ ഇ​ല്ലാ​തി​രി​ക്കു​ക, ര​ജി​സ്ട്രേ​ഷ​ൻ-​ഫി​റ്റ്ന​സ് കാ​ലാ​വ​ധി ക​ഴി​യു​ക, പു​ക പ​രി​ശോ​ധ​ന ന​ട​ത്താ​തി​രി​ക്കു​ക തു​ട​ങ്ങി​യ കു​റ്റ​ങ്ങ​ൾ​ക്ക് മൊ​ബൈ​ൽ ഫോ​ണി​ൽ എ​ടു​ക്കു​ന്ന ചി​ത്ര​ത്തി​ന്റെ അ​ടി​സ്ഥാ​ന​ത്തി​ൽ പി​ഴ ഈ​ടാ​ക്ക​രു​തെ​ന്നാ​യി​രു​ന്നു ക​ഴി​ഞ്ഞ ദി​വ​സ​ത്തെ ഉ​ത്ത​ര​വ്.