ട്രാന്‍സ്‌ജെന്‍ഡറുകളുടെ ലിംഗമാറ്റ ശസ്ത്രക്രിയ: ചെലവ്​ സർക്കാർ വഹിക്കും

തി​രു​വ​ന​ന്ത​പു​രം: ട്രാ​ന്‍സ്‌​ജെ​ന്‍ഡ​റു​ക​ളു​ടെ ലിം​ഗ​മാ​റ്റ ശ​സ്ത്ര​ക്രി​യ​യു​ടെ ചെ​ല​വ്​ ഇ​നി​മു​ത​ല്‍ സം​സ്ഥാ​ന സ​ര്‍ക്കാ​ര്‍ വ​ഹി​ക്കും. ആ​രോ​ഗ്യ​മ​ന്ത്രി കെ.​കെ. ശൈ​ല​ജ​യു​ടെ അ​ധ്യ​ക്ഷ​ത​യി​ല്‍ ചേ​ര്‍ന്ന ട്രാ​ന്‍സ്‌​ജെ​ന്‍ഡ​ര്‍ ജ​സ്​​റ്റി​സ് ബോ​ര്‍ഡ് യോ​ഗ​ത്തി​ലാ​ണ് തീ​രു​മാ​നം. ഇ​തു​സം​ബ​ന്ധി​ച്ച ഉ​ത്ത​ര​വ് ഉ​ട​ന്‍ ഇ​റ​ങ്ങും. ശ​സ്ത്ര​ക്രി​യ​ക്ക് ചെ​ല​വാ​കു​ന്ന തു​ക​യി​ല്‍ പ​ര​മാ​വ​ധി ര​ണ്ടു​ല​ക്ഷം രൂ​പ സ​ര്‍ക്കാ​ര്‍ വ​ഹി​ക്കും. 

സാ​മൂ​ഹി​ക​നീ​തി​വ​കു​പ്പ് മു​ഖേ​ന​യാ​ണ് തു​ക ന​ല്‍കു​ന്ന​ത്. ശ​സ്ത്ര​ക്രി​യ ചെ​ല​വ് സ്വ​യം​വ​ഹി​ച്ച​വ​ര്‍ക്ക് ആ ​തു​ക തി​രി​കെ സ​ര്‍ക്കാ​ര്‍ ന​ല്‍കാ​നും തീ​രു​മാ​ന​മാ​യി. ശ​സ്ത്ര​ക്രി​യ സം​സ്ഥാ​ന​ത്തി​ന​ക​ത്തോ പു​റ​ത്തോ ആ​കാം. അ​ധി​ക​തു​ക ആ​വ​ശ്യ​മാ​യി വ​രു​ന്ന​വ​ര്‍ക്ക് കൂ​ടു​ത​ല്‍ പ​രി​ശോ​ധ​ന​ക​ള്‍ക്ക് ശേ​ഷം തു​ക അ​നു​വ​ദി​ക്കും.

ആ​ണ്‍, പെ​ണ്‍ ട്രാ​ന്‍സ്‌​ജെ​ന്‍ഡ​ര്‍ വി​ഭാ​ഗ​ങ്ങ​ളു​ടെ ലിം​ഗ​സ​മ​ത്വം എ​ന്ന ല​ക്ഷ്യ​പ്രാ​പ്തി​ക്കാ​യി കേ​ര​ളം രാ​ജ്യ​ത്താ​ദ്യ​മാ​യി ട്രാ​ന്‍സ്‌​ജെ​ന്‍ഡ​ര്‍ പോ​ളി​സി പ്ര​ഖ്യാ​പി​ച്ചി​രു​ന്നു. ട്രാ​ന്‍സ്‌​ജെ​ന്‍ഡ​റു​ക​ള്‍ക്കാ​യി ക​ലാ​ല​യ​ങ്ങ​ളി​ല്‍ ര​ണ്ടു​ശ​ത​മാ​നം അ​ധി​ക സീ​റ്റ് സ​ര്‍ക്കാ​ര്‍ അ​ലോ​ട്ട് ചെ​യ്ത​ത​ത് അ​ടു​ത്തി​ടെ​യാ​ണ്.