ട്രാന്‍സ്‌ജെന്‍ഡേഴ്‌സിന് മർദ്ദനം: കസബ എസ്.ഐക്കെതിരെ നടപടി

തിരുവനന്തപുരം: കോഴിക്കോട് തുടർവിദ്യാഭ്യാസ കലോത്സവത്തിൽ പങ്കെടുക്കാനെത്തിയ ഭിന്നലിംഗക്കാർക്ക്​ പൊലീസ്​ മർദനമേറ്റ സംഭവത്തിൽ കസബ എസ്​.​െഎക്കെതിരെ കേസെടുത്ത്​ അന്വേഷണം നടത്താൻ ഡി.ജി.പി ലോക്​നാഥ്​ ബെഹ്​റയുടെ നിർദേശം. സംഭവത്തെക്കുറിച്ച്​ അന്വേഷിക്കാൻ കോഴിക്കോട് ഡി.സി.പി മെറിൻ ജോസഫിനെ ചുമതലപ്പെടുത്തി.

സംഭവത്തെക്കുറിച്ച്​ അന്വേഷിച്ച്​ നടപടിയെടുക്കാൻ ഉത്തരമേഖല ഡി.ജി.പി രാജേഷ്​ ദിവാന്​ മുഖ്യമന്ത്രി പിണറായി വിജയൻ നിർദേശം നൽകിയിരുന്നു. അതിന്​ പിന്നാലെയാണ്​ കേസെടുത്ത്​ അന്വേഷിക്കാൻ നിർദേശിച്ച്​ ഡി.സി.പിക്ക്​ ചുമതലനൽകി ഡി.ജി.പി ഉത്തരവ്​ പുറപ്പെടുവിച്ചത്​.