നടിയും മോഡലുമായ ഷെറിൻ സെലിൻ മാത്യു മരിച്ച നിലയിൽ

കൊച്ചി: നടിയും മോഡലുമായ ട്രാൻസ്ജെൻഡർ ഷെറിൻ സെലിൻ മാത്യുവിനെ (27) മരിച്ച നിലയിൽ കണ്ടെത്തി. കൊച്ചി പാലാരിവട്ടത്തെ ഫ്ലാറ്റിൽ തൂങ്ങി മരിച്ച നിലയിലാണ് ഷെറിനെ കണ്ടെത്തിയത്.

രാവിലെ 10.30 ഓടെയാണ് സംഭവം പുറത്തറിഞ്ഞത്. സുഹൃത്തുക്കൾ വിവരമറിയിച്ചതിനെ തുടർന്ന് പൊലീസ് സ്ഥലത്തെത്തി ഇൻക്വസ്റ്റ് ആരംഭിച്ചു.

മരണ കാരണം വ്യക്തമല്ല. കഴിഞ്ഞ കുറച്ചു ദിവസങ്ങളായി സുഹൃത്തുക്കളുമായി ചില പ്രശ്നങ്ങൾ ഉണ്ടായിരുന്നെന്ന് പറയപ്പെടുന്നു. സമൂഹ മാധ്യമങ്ങളിലെ പോസ്റ്റുകളിലും ഇവർ ഇത്തരം വിഷമങ്ങൾ സൂചിപ്പിച്ചിരുന്നു.