തിങ്കളാഴ്ച ട്രെയിനുകൾ വൈകും

തിരുവനന്തപുരം: സേലം ജങ്ഷന് സമീപം പാലത്തിൽ നവീകരണ ജോലികൾ നടക്കുന്നതിനാൽ ട്രെയിൻ ഗതാഗതത്തിൽ നിയന്ത്രണമുണ്ടാകുമെന്ന് റെയിൽവേ അറിയിച്ചു. തിങ്കളാഴ്ച രാവിലെ ആറിന് ആലപ്പുഴയിൽ നിന്ന് പുറപ്പെടേണ്ട ആലപ്പുഴ-ധൻബാധ് എക്സ്പ്രസ് (13352 ) മൂന്നു മണിക്കൂർ വൈകി ഒമ്പതിനാകും യാത്ര തുടങ്ങുക.

തിങ്കളാഴ്ച രാവിലെ 9.10ന് ആരംഭിക്കേണ്ട എറണാകുളം-ബംഗളൂരു ഇന്‍റർസിറ്റി (12678) മൂന്നു മണിക്കൂർ വൈകി 12.10നേ സർവിസ് തുടങ്ങൂ. കൊച്ചുവേളി-കോർബ എക്സ്പ്രസ് (22648) യാത്രാമധ്യേ 40 മിനിറ്റ് വൈകും.