ആശമാരുടെ ഉപരോധം പൊളിക്കാൻ ‘പരിശീലനം’; എ​ല്ലാ ആ​ശ​മാ​രും തിങ്കളാഴ്ച നി​ർ​ബ​ന്ധ​മാ​യും പ​ങ്കെ​ടു​ക്ക​ണ​മെ​ന്ന്

തി​രു​വ​ന​ന്ത​പു​രം: ആ​ശ വ​ർ​ക്ക​ർ​മാ​ർ തി​ങ്ക​ളാ​ഴ്ച ന​ട​ത്താ​നി​രി​ക്കു​ന്ന സെ​ക്ര​ട്ടേ​റി​യ​റ്റ്‌ ഉ​പ​രോ​ധം പൊ​ളി​ക്കാ​നു​ള്ള തീ​വ്ര​പ​രി​ശ്ര​മ​വു​മാ​യി സ​ർ​ക്കാ​ർ. അ​ന്നേ​ദി​വ​സം എ​ൻ.​എ​ച്ച്‌.​എ​മ്മി​ന്റെ (നാ​ഷ​ന​ൽ ഹെ​ൽ​ത്ത്‌ മി​ഷ​ൻ) നേ​തൃ​ത്വ​ത്തി​ൽ വി​വി​ധ ജി​ല്ല​ക​ളി​ൽ പ​രി​ശീ​ല​ന പ​രി​പാ​ടി​ക​ൾ ഉ​ൾ​പ്പെ​ടെ നി​ശ്​​ച​യി​ച്ചി​രി​ക്കു​ക​യാ​ണ്. കൊ​ല്ല​ത്ത്‌ ആ​ശ പ്ര​വ​ർ​ത്ത​ക​ർ​ക്കാ​യി ഉ​ച്ച​ക്ക്‌ ര​ണ്ട്​ മു​ത​ൽ മൂ​ന്നു​വ​രെ പാ​ലി​യേ​റ്റി​വ്‌ കെ​യ​ർ ആ​ക്‌​ഷ​ൻ പ്ലാ​ൻ, പാ​ലി​യേ​റ്റി​വ്‌ കെ​യ​ർ ഗ്രി​ഡ്‌ എ​ന്നി​വ സം​ബ​ന്ധി​ച്ച്​ പ​രി​ശീ​ല​നം ന​ൽ​കാ​നാ​ണ്‌ ജി​ല്ല പ്രോ​ഗ്രാം മാ​നേ​ജ​ർ ഉ​ത്ത​ര​വി​റ​ക്കി​യ​ത്‌.

എ​ല്ലാ ആ​ശ​മാ​രും നി​ർ​ബ​ന്ധ​മാ​യും പ​ങ്കെ​ടു​ക്ക​ണ​മെ​ന്നും പ​ങ്കെ​ടു​ക്കാ​ത്ത​വ​രു​ടെ ഹാ​ജ​ർ നി​ല മെ​ഡി​ക്ക​ൽ ഓ​ഫി​സ​ർ പ​രി​ശോ​ധി​ച്ച്‌ അ​ന്നു​ത​ന്നെ ജി​ല്ല​ത​ല​ത്തി​ലേ​ക്ക്‌ അ​യ​ക്ക​ണ​മെ​ന്നും ഉ​ത്ത​ര​വി​ൽ പ​റ​യു​ന്നു.

തി​രു​വ​ന​ന്ത​പു​രം ഉ​ൾ​പ്പെ​ടെ ജി​ല്ല​ക​ളി​ലും ഉ​റ​വി​ട ന​ശീ​ക​ര​ണം, പാ​ലി​യേ​റ്റി​വ്‌ ഡ്യൂ​ട്ടി, റി​പ്പോ​ർ​ട്ട്‌ മീ​റ്റി​ങ്, പ​രി​ശീ​ല​ന​ങ്ങ​ൾ തു​ട​ങ്ങി​യ​വ സം​ഘ​ടി​പ്പി​ച്ചി​ട്ടു​ണ്ട്. ഇ​തി​ൽ പ​ങ്കെ​ടു​ക്കു​ന്ന​വ​രു​ടെ​യും ഹാ​ജ​ർ​നി​ല അ​റി​യി​ക്ക​ണ​മെ​ന്നും റി​പ്പോ​ർ​ട്ടി​ലു​ണ്ട്‌. സം​സ്ഥാ​ന​ത്തൊ​ട്ടാ​കെ​നി​ന്നു​ള്ള ആ​ശ വ​ർ​ക്ക​ർ​മാ​ർ സെ​ക്ര​ട്ടേ​റി​യ​റ്റ്‌ ഉ​പ​രോ​ധ​ത്തി​ൽ പ​ങ്കെ​ടു​ക്കു​മെ​ന്ന്‌ വാ​ർ​ത്ത​ക​ൾ വ​ന്ന​തി​നു​പി​ന്നാ​ലെ​യാ​ണ്‌ ഈ ​നീ​ക്കം.