ട്രെയിനിലെ അതിക്രമം: സ്വർണം കണ്ടെടുത്തു; പ്രതിയെ സഹായിച്ച രണ്ടുപേർ അറസ്​റ്റിൽ

കൊ​ച്ചി: ഗു​രു​വാ​യൂ​ര്‍-​പു​ന​ലൂ​ര്‍ പാ​സ​ഞ്ച​റി​ല്‍ യു​വ​തി​യെ ആ​ക്ര​മി​ച്ച് ക​വ​ർ​ന്ന സ്വ​ർ​ണം ക​ണ്ടെ​ടു​ത്തു. പ്ര​തി നൂ​റ​നാ​ട് സ്വ​ദേ​ശി ബാ​ബു​ക്കു​ട്ട​ന് സ്വ​ര്‍ണാ​ഭ​ര​ണ​ങ്ങ​ള്‍ വി​ല്‍ക്കാ​നും ഒ​ളി​വി​ൽ താ​മ​സി​ക്കാ​നും സൗ​ക​ര്യം ഒ​രു​ക്കി​യ ര​ണ്ടു​പേ​രെ അ​റ​സ്​​റ്റ്​ ചെ​യ്തു. സു​ഹൃ​ത്തു​ക്ക​ളും വ​ര്‍ക്ക​ല ചെ​മ്മ​രു​തി സ്വ​ദേ​ശി​ക​ളു​മാ​യ പ​ന​നി​ല്‍ക്കും​വി​ള വീ​ട്ടി​ല്‍ പ്ര​ദീ​പ്(37), ഒ​ലി​പ്പു​വി​ള വീ​ട്ടി​ല്‍ മു​ത്തു(20) എ​ന്നി​വ​രാ​ണ് അ​റ​സ്​​റ്റി​ലാ​യ​ത്.

വ​ര്‍ക്ക​ല ചെ​മ്മ​രു​തി​യി​ല്‍ ബാ​ബു​ക്കു​ട്ട​ന് ഒ​ളി​ച്ചു​താ​മ​സി​ക്കാ​ന്‍ ഇ​രു​വ​രും സൗ​ക​ര്യം ഒ​രു​ക്കു​ക​യാ​യി​രു​ന്നു. വ​ര്‍ക്ക​ല​യി​ലെ ജ്വ​ല്ല​റി​യി​ല്‍ ഇ​വ​ര്‍ വി​റ്റ സ്വ​ർ​ണം ക​ണ്ടെ​ടു​ത്തു. ഒ​രു​പ​വ​ൻ വീ​ത​മു​ള്ള സ്വ​ര്‍ണ​മാ​ല​യും വ​ള​യു​മാ​ണ് പ്ര​തി ക​വ​ര്‍ന്ന​ത്. ഉ​രു​ക്കി സ്വ​ര്‍ണ​ക്ക​ട്ടി​യാ​ക്കി​യ നി​ല​യി​ലാ​ണ് ക​ണ്ടെ​ത്തി​യ​ത്.

കേ​സി​ല്‍ കൂ​ടു​ത​ല്‍ പ്ര​തി​ക​ളെ തി​രി​ച്ച​റി​ഞ്ഞി​ട്ടു​ണ്ടെ​ന്നും ഉ​ട​ൻ അ​റ​സ്​​റ്റി​ലാ​കു​മെ​ന്നും റെ​യി​ല്‍വേ പൊ​ലീ​സ് അ​റി​യി​ച്ചു.

ക​സ്​​റ്റ​ഡി കാ​ലാ​വ​ധി അ​വ​സാ​നി​ച്ച പ്ര​തി ബാ​ബു​ക്കു​ട്ട​ൻ നി​ല​വി​ല്‍ ജ​യി​ലി​ല്‍ ക​ഴി​യു​ക​യാ​ണ്. തു​ട​ര്‍ച്ച​യാ​യി പ്ര​തി​ക്ക് അ​പ​സ്മാ​ര​മു​ണ്ടാ​യ​തി​നെ​ത്തു​ട​ർ​ന്ന് തെ​ളി​വെ​ടു​പ്പ് മു​ട​ങ്ങി​യി​രു​ന്നു. ആ​രോ​ഗ്യ​നി​ല മെ​ച്ച​പ്പെ​ടു​ന്ന​തി​ന് അ​നു​സ​രി​ച്ച് വീ​ണ്ടും ക​സ്​​റ്റ​ഡി​യി​ൽ വാ​ങ്ങും. റെ​യി​ല്‍വേ എ​സ്.​പി എ​സ്. രാ​ജേ​ന്ദ്ര​ന്‍, എ​റ​ണാ​കു​ളം ഡി​വൈ.​എ​സ്.​പി. കെ.​എ​സ്. പ്ര​ശാ​ന്ത്, സി.​ഐ ക്രി​സ്പി​ന്‍ സാം, ​എ​സ്.​ഐ എ.​എ​ല്‍. അ​ഭി​ലാ​ഷ്, കോ​ട്ട​യം എ​സ്.​ഐ അ​രു​ണ്‍ നാ​രാ​യ​ണ​ന്‍ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ അ​റ​സ്​​റ്റ്​ ചെ​യ്ത​ത്.

ഏ​പ്രി​ൽ 28നാ​ണ് മു​ള​ന്തു​രു​ത്തി സ്വ​ദേ​ശി​നി ആ​ക്ര​മ​ണ​ത്തി​നും ക​വ​ര്‍ച്ച​ക്കും ഇ​ര​യാ​യ​ത്. തു​ട​ർ​ന്ന് പ്രാ​ണ​ര​ക്ഷാ​ർ​ഥം യു​വ​തി ട്രെ​യി​നി​ൽ​നി​ന്ന് പു​റ​ത്തേ​ക്ക് ചാ​ടു​ക​യാ​യി​രു​ന്നു.