ട്രെയിൻ യാത്രക്കി​െ​ട അമ്മയെയും മകളെയും ബോധം കെടുത്തി സ്വർണവും പണവും കവർന്നു

കോട്ടയം: ട്രെയിൻ യാ​ത്രക്കിടെ അമ്മക്കും മകൾക്കും ചായ നൽകി ബോധം കെടുത്തിയശേഷം എട്ടര പവൻ സ്വർണവും പണവും കവർന്നു.  ട്രെയിൻ യാത്രക്കാരായ മൂവാറ്റുപുഴ അഞ്ചൽ​െപട്ടി നെല്ലിക്കുന്നേൽ സെബാസ്​റ്റ്യ​​​​െൻറ ഭാര്യ ഷീല സെബാസ്​റ്റ്യൻ (58), മകൾ ചിക്കു മരിയ സെബാസ്​റ്റ്യൻ (20) എന്നിവരാണ് വൻ കവർച്ചക്കിരയായത്. ഇരുവരുടെയും എട്ടര പവൻ സ്വർണം, മൊബൈൽ ഫോണുകൾ, കൈയിലുണ്ടായിരുന്ന പണം എന്നിവയെല്ലാം നഷ്​ടമായി. കോട്ടയത്ത്​ അബോധാവസ്ഥയിൽ ട്രെയിനിൽ കണ്ടെത്തിയ ഇവരെ റെയിൽവേ പൊലീസാണ്​ ആശുപത്രിയിലെത്തിച്ചത്. 

സെക്കന്തബാദിൽ നഴ്സിങ്​ പഠനം പൂർത്തിയാക്കിയ മകൾ ചിക്കു ഐ.ഇ.എൽ.ടി.എസിന്​ പഠിക്കുകയാണ്. മകളുടെ സർട്ടിഫിക്കറ്റുകൾ പരിശോധിക്കുന്നതിനാണ്​ കഴിഞ്ഞദിവസം ഇരുവരും യാത്രപുറപ്പെട്ടത്. വെള്ളിയാഴ്‌ച വൈകീട്ട്​ ശബരി എക്‌സ്‌പ്രസി​​​​െൻറ്​ എസ്​ 8 കമ്പാർട്ട്മ​​​െൻറിലാണ്​ ഇരുവരും കയറിയത്. ആലുവക്കാണ്​ ടിക്ക​െറ്റടുത്തത്. തൊട്ടടുത്ത സീറ്റുകളിൽ ഇതര സംസ്ഥാനക്കാരായ മൂന്നുപേരും ഉണ്ടായിരുന്നതായി ഇവർ പൊലീസിനു മൊഴിനൽകി.

വെള്ളിയാഴ്‌ച വൈകീട്ടും ശനിയാഴ്​ച  രാവിലെയും ഇതര സംസ്ഥാനസംഘം അമ്മക്കും മകൾക്കും ട്രെയിനിൽനിന്ന്​ ചായ വാങ്ങിനൽകിയിരുന്നു. ട്രെയിൻ സേലത്തുനിന്ന്​ പുറപ്പെട്ടശേഷം ശനിയാഴ്​ച രാവിലെയാണ്​ ചായ വാങ്ങിനൽകിയത്​. ചായകുടിച്ച് അൽപസമയത്തിനുശേഷം ഇരുവരും അബോധാവസ്ഥയിലായി. 

ശനിയാഴ്​ച വൈകീട്ട്​ ട്രെയിൻ കോട്ടയം സ്​റ്റേഷനിൽ എത്താറായപ്പോൾ രണ്ടുപേർ‌ അബോധാവസ്ഥയിൽ കിടക്കുന്നത് ടി.ടി.ഇ ആണ്​  കണ്ടത്. തുടർന്ന്​ വിവരം പൊലീസ് കൺട്രോൾ റൂമിൽ അറിയിച്ചു. റെയിൽവേ പൊലീസ് എത്തി ഇരുവരെയും മെഡിക്കൽ കോളജ് ആശുപത്രിയിലേക്ക്​ മാറ്റി. ബോധം തിരികെലഭിച്ച ഇരുവരുടെയും മൊഴിയെടുത്തതോടെയാണ് സ്വർണവും മൊബൈൽ ഫോണും പണവും ഉൾപ്പെടെ നഷ്​ടമായെന്ന്​ കണ്ടെത്തിയത്​. ഷീലയുടെ സ്വർണമാല, വള, മോതിരം എന്നിവയും മകളുടെ ഒന്നര പവൻ വരുന്ന മാലയും പാദസരങ്ങളുമാണ് നഷ്‌ടമായത്. സംഭവത്തിൽ റെയിൽവേ പൊലീസ് അന്വേഷണം ആരംഭിച്ചു.