ട്രെയിനിൽ നിന്ന് പുറത്തേക്ക് തെറിച്ചു വീണയാൾ മരിച്ചു; അപകടം ചവിട്ടുപടിയിൽ ഇരുന്ന് യാത്ര ചെയ്യുന്നതിനിടെ

കഞ്ചിക്കോട്: ചവിട്ടുപടിയിൽ ഇരുന്ന് യാത്ര ചെയ്യുന്നതിനിടെ ട്രെയിനിൽ നിന്ന് പുറത്തേക്ക് തെറിച്ചു വീണയാൾ മരിച്ചു. പരിക്കേറ്റ് മുഖം വികൃതമായതിനാൽ ഇയാളെ തിരിച്ചറിഞ്ഞില്ല. ചൊവ്വാഴ്ച പുലർച്ച നാലരയോടെ കഞ്ചിക്കോട് മുക്രോണി താമരക്കുളത്ത് എ ലൈൻ ട്രാക്കിലാണ് അപകടം.

കോയമ്പത്തൂരിൽ നിന്ന് പാലക്കാട്ടേക്കു പോയ കോയമ്പത്തൂർ എക്സ്‌പ്രസ് ട്രെയിനിൽ നിന്നാണ് വീണത്. മറ്റു യാത്രക്കാരാണ് ഇയാൾ പുറത്തേക്ക് തെറിച്ചുവീണ വിവരം റെയിൽവേയെ അറിയിച്ചത്.

വാളയാർ പൊലീസെത്തി മൃതദേഹം ജില്ല ആശുപത്രി മോർച്ചറിയിലേക്ക് മാറ്റി.