വയനാട്​ ചുരത്തിൽ ഗതാഗത തടസം

വൈത്തിരി: വയനാട് ചുരത്തിൽ ഗതാഗത തടസ്സപ്പെട്ടു. ഇന്ന് രാവിലെ ആറു മണിയോടെ കെ.എസ്.ആർ.ടി.സിയുടെ വോൾവോ ബസ് ഏഴാം വളവിൽ കുടുങ്ങിയതിനെ തുടർന്നാണ്​ വയനാട് ചുരത്തിലൂടെയുള്ള വാഹന ഗതാഗതം തടസ്സപ്പെട്ടത്​. കെ.എസ്.ആർ.ടി.സി താമരശ്ശേരി ഗാരേജിൽ നിന്നും മെക്കാനിക്കുകൾ വാഹനം നീക്കം ചെയ്യാൻ പുറപ്പെട്ടിട്ടുണ്ട്. താമരശ്ശേരി പൊലീസ് സ്ഥലത്തുണ്ട്. കഴിഞ്ഞ രണ്ടു ദിവസങ്ങളിൽ വളവുകയിൽ ചരക്കു ലോറികൾ കേടുവന്ന്​ ഗതാഗതം താറുമാറായിരുന്നു