താമരശ്ശേരി ചുരത്തിൽ കണ്ടെയ്നർ ലോറി കേടായി; വൻ ഗതാഗതക്കുരുക്ക്

താമരശ്ശേരി: കണ്ടെയ്നർ ലോറി കേടായതിനെതുടർന്ന് താമരശ്ശേരി ചുരത്തിൽ മണിക്കൂറുകളോളം നീണ്ട വൻ ഗതാഗതക്കുരുക്ക്. രാവിലെ 9ന് ചുരത്തിലെ എട്ടാം വളവിലാണ് ലോറി കുടങ്ങിയത്.

ഇതേതുടർന്ന് നൂറുകണക്കിന് വാഹനങ്ങളും യാത്രക്കാരും ചുരത്തിൽ കുടുങ്ങി. അടിവാരം പൊലീസും ചുരം സംരക്ഷണ സമിതി പ്രവർത്തകരും ഹൈവേ പൊലീസും രംഗത്തുണ്ട്. ഉച്ചയോടെ വൺവേ ആയി വണ്ടികൾ കടത്തിവിടുന്നുണ്ട്.