വയനാട് ചുരത്തിൽ ലോറി കുടുങ്ങി, ഗതാഗതം മുടങ്ങി; വാഹനങ്ങളുടെ നീണ്ട നിര

വൈത്തിരി: വയനാട് ചുരത്തിൽ എട്ടാം വളവിൽ കേടായ മൾട്ടി ആക്സിൽ ലോറി കുടുങ്ങിയതിനെ തുടർന്ന് ഗതാഗതം മുടങ്ങി. ഇന്ന് പുലർച്ചെയോടെയാണ് ലോറി കുടുങ്ങിയത്.

മണിക്കൂറുകളായിട്ടും ലോറി നീക്കാനാവാത്തതിനാൽ കിലോമീറ്ററുകൾ നീണ്ട വാഹനങ്ങളുടെ ക്യൂ ആണ് രൂപ​പ്പെട്ടത്. ആശുപത്രികളിലേക്കും വിമാനത്താവളങ്ങളിലേക്കും പോകുന്നവർ അടക്കം ബ്ലോക്കിൽ കുടുങ്ങി. ഒടുവിൽ ഹൈവേ ​പൊലീസും സന്നദ്ധ പ്രവർത്തകരും ഇടപെട്ട് ചെറിയ വാഹനങ്ങൾ കടത്തിവിടുന്നുണ്ട്.