അറ്റകുറ്റപ്പണി: ശനിയാഴ്ച​യും മാർച്ച്​ 26നും ട്രെയിനുകൾ വൈകും

തിരുവനന്തപുരം: കൊല്ലം-കായംകുളം സെക്​ഷനിൽ സിഗ്നൽ സംവിധാനത്തിൽ അറ്റകുറ്റപ്പണി നടക്കുന്നതിനാൽ ശനിയാഴ്ച​യും മാർച്ച്​ 26നും ട്രെയിൻ ഗതാഗത നിയന്ത്രണമുണ്ടാകുമെന്ന്​ റെയിൽവേ അറിയിച്ചു. ലോകമാന്യതിലക്​-തിരുവനന്തപുരം നേ​​ത്രാവതി (16345) കൊല്ലത്തിനും കായംകുളത്തിനുമിടയിൽ 40 മിനിറ്റ്​​ വൈകും. സെക്കന്ദരാബാദ്​-തിരുവനന്തപുരം സെൻട്രൽ ശബരി (17230) 15 മിനിറ്റും തിരുവനന്തപുരം-ചെന്നൈ മെയിൽ (12624) 20 മിനിറ്റും വൈകും.

മാർച്ച്​ 26ന്​ ലോകമാന്യതിലക്​-തിരുവനന്തപുരം നേത്രാവതി (16345) ഒരു മണിക്കൂർ 10​ മിനിറ്റും സെക്കന്ദരാബാദ്​-തിരുവനന്തപുരം ശബരി (17230) 40 മിനിറ്റും തിരുവനന്തപുരം-ചെന്നൈ മെയിൽ (12624) 30 മിനിറ്റും വൈകുമെന്ന്​ റെയിൽവേ അറിയിച്ചു.