സർക്കാർ ഉപദേശം കാത്തിരുന്നാൽ ചീഫ് സെക്രട്ടറി അകത്താകും -കെ. മുരളീധരൻ

കോഴിക്കോട്: ടി.പി. സെൻകുമാറിന്‍റെ പുനർനിയമനത്തിൽ സർക്കാർ ഉപദേശം കാത്തിരുന്നാൽ ചീഫ് സെക്രട്ടറി അകത്താകുമെന്ന് കോൺഗ്രസ് നേതാവ് കെ. മുരളീധരൻ എം.എൽ.എ. ഡി.ജി.പി ലോക്നാഥ് ബെഹ്റയോടുള്ള മുഖ്യമന്ത്രി പിണറായി വിജയന്‍റെ പ്രത്യേക താൽപര്യമാണ് സെൻകുമാറിന്‍റെ പുനർനിയമനം വൈകാൻ കാരണം. പ്രധാനമന്ത്രി നരേന്ദ്ര മോദിയും പിണറായിയും തമ്മിലുള്ള പാലമാണ് െബഹ്റയെന്നും മുരളീധരൻ ആരോപിച്ചു.