ടി.പി കേസ്​: കുഞ്ഞനന്തന്​ ശിക്ഷയിളവിന്​ നീക്കം; പൊലീസ്​ റിപ്പോർട്ട്​ തേടി

കണ്ണൂർ: ടി.പി. ചന്ദ്രശേഖരൻ വധക്കേസിൽ ജീവപര്യന്തം തടവിന്​ ശിക്ഷിക്കപ്പെട്ട സി.പി.എം പാനൂർ ഏരിയ കമ്മിറ്റിയംഗം പി.കെ.  കുഞ്ഞനന്തന്​ ശിക്ഷയിൽ ഇളവിന്​ നീക്കം. 70 വയസ്സ്​ കഴിഞ്ഞ തടവുകാർക്കുള്ള ആനുകൂല്യത്തിൽ ഉൾപ്പെടുത്തിയാണ്​ ശിക്ഷയിളവിന്​ നടപടി തുടങ്ങിയത്​. ശിക്ഷയിളവ്​ നൽകുന്നതു​ സംബന്ധിച്ച്​ ജയിൽ ഉപദേശക സമിതി പൊലീസ്​ റിപ്പോർട്ട്​ തേടി.റിപ്പോർട്ട്​ തയാറാക്കുന്നതി​​​െൻറ ഭാഗമായി കൊളവല്ലൂർ പൊലീസ്,​ ടി.പിയുടെ ഭാര്യ കെ.കെ. രമ ഉൾപ്പെടെയുള്ളവരിൽനിന്ന്​ മൊഴിയെടുത്തു. ശിക്ഷയിളവ്​ തീരുമാനിക്കുംമുമ്പ്​ ഇരയുടെ ​കുടുംബാംഗങ്ങളുടെ അഭിപ്രായം തേടണമെന്നാണ്​ ചട്ടം. കുഞ്ഞനന്തന്​ ശിക്ഷയിളവ്​ നൽകുന്നതിനെ അംഗീകരിക്കില്ലെന്ന മൊഴിയാണ്​ ​രമ നൽകിയത്​. 

ക്രമസമാധാന പ്രശ്​നവ​ും ​പൊലീസ്​ റിപ്പോർട്ടിൽ ഉൾപ്പെടുത്തേണ്ടതുണ്ട്​. റിപ്പോർട്ട്​ ​ജില്ല പൊലീസ്​ മേധാവി കണ്ട്​ അംഗീകരിച്ച ശേഷമാണ്​ ജയിൽ ഉപദേശക സമിതിക്ക്​ നൽകുക. റിപ്പോർട്ട്​ ​​തയാറാക്കി വരുകയാണെന്നും പൂർണമായും ബോധ്യപ്പെട്ടാൽ മാത്രമേ ഇളവിന്​ ശിപാർശ ചെയ്യുകയുള്ളൂവെന്നും ജില്ല പൊലീസ്​ മേധാവി ശിവവിക്രം പറഞ്ഞു. പൊലീസ്​ റി​േപ്പാർട്ട്​ അനുകൂലമായാൽ ഡി.എം.ഒയും മറ്റും ഉൾപ്പെട്ട മെഡിക്കൽ ബോർഡ്​ പരിശോധിച്ച്​ അനുകൂല റിപ്പോർട്ട്​ നൽകണം. അത്​ ജയിൽ ഉപദേശക സമിതി അംഗീകരിച്ച്​ സർക്കാറിന്​ നൽകും. സർക്കാർ നൽകുന്ന പട്ടികയിൽ ​ഗവർണർ ഒപ്പുവെച്ചാൽ മാത്രമേ ഇളവ്​ ബാധകമാവുകയുള്ളു.

ആർ.എം.പി നേതാവ്​ ടി.പി. ചന്ദ്രശേഖരൻ 2012 മേയ്​ നാലിന്​ ​വടകര ഒഞ്ചിയത്ത്​ ​െകാല്ലപ്പെട്ട കേസിൽ 13ാം പ്രതിയാണ്​ പി.കെ.  കുഞ്ഞനന്തൻ.  കുഞ്ഞനന്തൻ ഉൾപ്പെടെ 11 പ്രതികളെ 2014 ജനുവരി 28നാണ്​ കോടതി ശിക്ഷിച്ചത്​.  ഗൂഢാലോചന കുറ്റമാണ്​ കുഞ്ഞനന്തനെതിരെ ചുമത്തിയിട്ടുള്ളത്​. ശിക്ഷിക്കപ്പെട്ടതിന്​ ശേഷവും, പാനൂർ മേഖലയിൽ സി.പി.എമ്മിലെ പ്രമുഖനായ കുഞ്ഞനന്ത​ൻ  നിരപരാധിയാണെന്ന നിലപാടാണ്​ മുഖ്യമന്ത്രി പിണറായി വിജയൻ അടക്കമുള്ള സി.പി.എം നേതാക്കൾക്കുള്ളത്​.  കുഞ്ഞനന്തനെ പാർട്ടി ഏരിയ കമ്മിറ്റിയംഗമായി നിലനിർത്തുകയും​ ചെയ്​തു.

കുഞ്ഞനന്തൻ അടക്കമുള്ള ​ടി.പി കേസിലെ മുഴുവൻ പ്രതികൾക്കും ശിക്ഷയിളവ്​ നൽകാനുള്ള നീക്കം നേരത്തേ വിവാദമായിരുന്നു. ടി.പി കേസ്​ പ്രതികളുൾപ്പെട്ട പട്ടിക ഗവർണർ മടക്കുകയായിരുന്നു.  അതിനു​ പിന്നാലെയാണ്​ പ്രായാധിക്യത്തി​​​െൻറ ആനുകൂല്യത്തിൽ  കുഞ്ഞനന്തനെയും  ഉൾപ്പെടുത്തുന്നത്​. ഹൃദയസംബന്ധമായ അസുഖ​െത്ത തുടർന്ന്​ ആൻജിയോ പ്ലാസ്​റ്റിക്ക്​ വിധേയനായ കുഞ്ഞനന്തന്​ അനാരോഗ്യ പ്രശ്​നവും അനുകൂല ഘടകമാവും. 

ശിക്ഷയിളവ്​ അംഗീകരിക്കില്ല; കോടതിയിൽ നേരിടും -കെ.കെ. രമ
കണ്ണൂർ: പി.കെ. കുഞ്ഞനന്തന്​ ശിക്ഷയിളവ്​ നൽകി മോചിപ്പിക്കാൻ തീരുമാനിച്ചാൽ കോടതിയിൽ നേരിടുമെന്ന്​ ടി.പി. ചന്ദ്രശേഖര​​​െൻറ ഭാര്യയും ആർ.എം.പി നേതാവുമായ കെ.കെ. രമ.  ടി.പിയുടെ ​െകാലയാളികൾ പാർട്ടിക്ക്​ വേണ്ടപ്പെട്ടവരാ​െണന്ന സത്യം ഒരിക്കൽകൂടി  മറനീക്കിയിരിക്കുന്നു. പ്രതികൾക്ക്​ ഇഷ്​ടം പോലെ പരോളും ജയിലിൽ​ വേണ്ട സൗകര്യങ്ങളും ചെയ്​തുകൊടുക്കുന്നത്​ സി.പി.എമ്മും അവരുടെ സർക്കാറുമാണ്​.  കോടതി ശിക്ഷിച്ച പ്രതികളെ ഭരണസ്വാധീനം ഉപയോഗിച്ച്​ മോചിപ്പിക്കുന്നത്​ കോടതി വിധി അട്ടിമറിക്കുന്നതിന്​ സമമാണ്​. കുഞ്ഞനന്തൻ  ഉൾപ്പെ​െടയുള്ളവർക്ക്​ ലഭിച്ച ശിക്ഷ കുറഞ്ഞുപോയെന്നു കാണിച്ച്​ തങ്ങൾ നൽകിയ ഹരജി കോടതിയുടെ പരിഗണനയിലിരിക്കെ സർക്കാറിന്​ ശിക്ഷയിളവ്​ നൽകാനാവില്ല. ടി.പി കേസ്​ പ്രതികളെ മോചിപ്പിക്കുന്നത്​  തനിക്കും കുടുംബത്തിനും ഭീഷണിയാണെന്നും രമ  ചൂണ്ടിക്കാട്ടി.