ടോമിൻ തച്ചങ്കരിയുടെ ഭാര്യ അനിത തച്ചങ്കരി നിര്യാതയായി

കൊച്ചി: ആംഡ് ബറ്റാലിയൻ എ.ഡി.ജി.പി ടോമിൻ ജെ. തച്ചങ്കരിയുടെ ഭാര്യ അനിത തച്ചങ്കരി (54) നിര്യാതയായി. അർബുദ ബാധിതയായി ദീർഘകാലം ചികിത്സയിലായിരുന്നു. തിങ്കളാഴ്ച പുലർച്ച എറണാകുളം തമ്മനത്തെ വസതിയിലായിരുന്നു​ അന്ത്യം.

കൊച്ചിയിലെ റിയാൻ സ്​റ്റുഡിയോയുടെ മാേനജിങ് ഡയറക്ടറായിരുന്ന അനിത ലണ്ടൻ സ്​കൂൾ ഓഫ് മ്യൂസിക്കിൽനിന്ന്​ എയിറ്റ്ത്ത് വേ േഗ്രഡിൽ പിയാനോ കോഴ്സ്​ വിജയിച്ചിട്ടുണ്ട്. മികച്ച പിയാനോവാദകയാണ്​. തെരുവുനായ്ക്കളുടെ പുനരധിവാസത്തിനും മറ്റും ഒ​ട്ടേറെ ഇടപെടലുകൾ നടത്തിയിരുന്നു. കുടുംബത്തി​​െൻറ മേൽനോട്ടത്തിലുള്ള ബിസിനസിലും സജീവമായി.

കുറുന്തോട്ടത്തിൽ പരേതരായ വർഗീസ്​ ചെറിയാനും ബഹ്​ൈറനിൽ ഡോക്ടറായിരുന്ന മേരി ചാക്കോയുമാണ് മാതാപിതാക്കൾ. മക്കൾ: മേഘ, കാവ്യ. മരുമക്കൾ: ഗൗതം, ക്രിസ്​റ്റഫർ. മക്കളും മരുമക്കളും ബംഗളൂരുവിൽ ഐ.ടി പ്രഫഷനലുകളാണ്. സംസ്​കാരം ചൊവ്വാഴ്ച രാവിലെ 11ന് കൊച്ചി കോന്തുരുത്തി സ​െൻറ് ജോൺസ്​ നെപുംസ്യാൻ പള്ളി സെമിത്തേരിയിൽ.