ആന്ധ്രയിൽ നിന്ന്​ തക്കാളി എത്തി; വിലക്കയറ്റം നിയന്ത്രിക്കാൻ ഹോർട്ടികോർപ്​

തി​രു​വ​ന​ന്ത​പു​രം: പൊ​തു​വി​പ​ണി​യി​ലെ ത​ക്കാ​ളി​യു​ടെ വി​ല​ക്ക​യ​റ്റം നി​യ​ന്ത്രി​ക്കാ​ൻ ആ​ന്ധ്ര​പ്ര​ദേ​ശി​ലെ മു​ള​കാ​ല‍ചെ​രു​വി​ൽ​നി​ന്ന്​ 10 ട​ൺ ത​ക്കാ​ളി​കൂ​ടി കേ​ര​ള​ത്തി​ലെ​ത്തി. ഹോ​ർ​ട്ടി​കോ​ർ​പ് മു​ഖേ​ന​യാ​ണ്​ കൃ​ഷി വ​കു​പ്പ് ത​ക്കാ​ളി എ​ത്തി​ക്കു​ന്ന​ത്.

ത​മി​ഴ്നാ​ട്, ക​ർ​ണാ​ട​ക എ​ന്നി​വി​ട​ങ്ങ​ളി​ലെ ക​ർ​ഷ​ക​രി​ൽ​നി​ന്ന്​ ഹോ​ർ​ട്ടി​കോ​ർ​പ് കേ​ര​ള​ത്തി‍ലെ​ത്തി​ച്ച്​ വി​ൽ​പ​ന ന​ട​ത്തു​ന്ന ത​ക്കാ​ളി​ക്കും മ​റ്റ്​ പ​ച്ച​ക്ക​റി​ക​ൾ​ക്കും പു​റ​മെ​യാ​ണി​ത്. കൃ​ഷി വ​കു​പ്പ് ജ​നു​വ​രി ഒ​ന്നു​വ​രെ വി​വി​ധ ജി​ല്ല​ക​ളി​ൽ സം​ഘ​ടി​പ്പി​ക്കു​ന്ന ക്രി​സ്മ​സ്-​പു​തു​വ​ത്സ​ര വി​പ​ണി​ക​ളി​ലേ​ക്ക്​ കൂ​ടി​യാ​ണ് ത​ക്കാ​ളി അ​ടി​യ​ന്ത​ര​മാ​യി എ​ത്തി​ക്കു​ന്ന​തെ​ന്ന്​ കൃ​ഷി​മ​ന്ത്രി പി. ​പ്ര​സാ​ദ് പ​റ​ഞ്ഞു.

തെ​ങ്കാ​ശി​യി​ലെ ക​ര്‍ഷ​ക​രി​ല്‍നി​ന്ന്​ നേ​രി​ട്ട് വാ​ങ്ങു​ന്ന പ​ച്ച​ക്ക​റി അ​ടു​ത്ത​യാ​ഴ്ച മു​ത​ല്‍ എ​ത്തി​ത്തു​ട​ങ്ങു​മെ​ന്നും കൃ​ഷി​വ​കു​പ്പ് അ​റി​യി​ച്ചു. പ​ച്ച​ക്ക​റി​വി​ല പി​ടി​ച്ചു​നി​ർ​ത്താ​ൻ ത​മി​ഴ്നാ​ട് തെ​ങ്കാ​ശി​യി​ലെ ക​ർ​ഷ​ക​രി​ൽ​നി​ന്ന്​ പ​ച്ച​ക്ക​റി സ​മാ​ഹ​രി​ച്ച് വി​ത​ര​ണം ചെ​യ്യാ​ൻ രൂ​പ​വ​ത്​​ക​രി​ച്ച ക​ർ​ഷ​ക പ്ര​തി​നി​ധി​ക​ൾ ഉ​ൾ​പ്പെ​ടു​ന്ന സ​മി​തി​യു​മാ​യി ഹോ​ർ​ട്ടി​കോ​ർ​പ് ധാ​ര​ണ​പ​ത്രം ഒ​പ്പു​​വെ​ച്ചി​രു​ന്നു. ത​മി​ഴ്നാ​ട് അ​ഗ്രി മാ​ർ​ക്ക​റ്റി​ങ് ആ​ൻ​ഡ് ഹോ​ർ​ട്ടി​ക​ൾ​ച​ർ വ​കു​പ്പ്​ നി​ശ്ച​യി​ക്കു​ന്ന മൊ​ത്ത​വ്യാ​പാ​ര വി​ല അ​നു​സ​രി​ച്ചാ​ണ് പ​ച്ച​ക്ക​റി​ക​ൾ സം​ഭ​രി​ക്കു​ക.

തെ​ങ്കാ​ശി​യി​ലെ ഏ​ഴ്​ ഫാ​ർ​മ​ർ പ്രൊ​ഡ്യൂ​സ​ർ ഓ​ർ​ഗ​നൈ​സേ​ഷ​നു​ക​ളി​ൽ​നി​ന്ന്​ ഗ്രേ​ഡ് ചെ​യ്ത പ​ച്ച​ക്ക​റി​ക​ൾ സം​ഭ​രി​ക്കാ​ൻ ഹോ​ർ​ട്ടി​കോ​ർ​പ്പി​ന് ഇ​നി ക​ഴി​യും. അ​തി​നാ​ൽ ഇ​ട​നി​ല​ക്കാ​രു​ടെ ചൂ​ഷ​ണം ഒ​ഴി​വാ​കു​മെ​ന്നാ​ണ്​ വി​ല​യി​രു​ത്ത​ൽ. 11 മാ​സ​ത്തേ​ക്കാ​ണ് ധാ​ര​ണ. കി​ലോ​യ്ക്ക് ഒ​രു രൂ​പ കൈ​കാ​ര്യ​ച്ചെ​ല​വ് ഹോ​ർ​ട്ടി​കോ​ർ​പ് ന​ൽ​ക​ണം.

ത​ലേ​ദി​വ​സം ഹോ​ർ​ട്ടി​കോ​ർ​പ് ആ​വ​ശ്യ​പ്പെ​ടു​ന്ന പ​ച്ച​ക്ക​റി​ക​ൾ സ​മി​തി സ​മാ​ഹ​രി​ക്കു​ക​യും ഗു​ണ​നി​ല​വാ​രം ഹോ​ർ​ട്ടി​കോ​ർ​പ്പി‍െൻറ നേ​തൃ​ത്വ​ത്തി​ൽ ഉ​റ​പ്പു​വ​രു​ത്തി പി​റ്റേ​ദി​വ​സം വി​ത​ര​ണ​ത്തി​നാ​യി കേ​ര​ള​ത്തി​ലെ​ത്തി​ക്കു​ക​യു​മാ​ണ്​ ചെ​യ്യു​ക. വെ​ണ്ട, വ​ഴു​ത​ന, പ​ച്ച​മു​ള​ക്, ത​ക്കാ​ളി, മു​രി​ങ്ങ​ക്കാ​യ തു​ട​ങ്ങി​യ​വ ആ​ദ്യ​ഘ​ട്ട​ത്തി​ൽ എ​ത്തി​ക്കും. തു​ട​ർ​ന്ന്​ ആ​വ​ശ്യ​മാ​യ പ​ച്ച​ക്ക​റി​ക​ൾ എ​ത്തി​ക്കാ​നാ​ണ്​ ഉ​ദ്ദേ​ശി​ക്കു​ന്ന​തെ​ന്ന്​ കൃ​ഷി​വ​കു​പ്പ്​ വൃ​ത്ത​ങ്ങ​ൾ പ​റ​ഞ്ഞു.