കള്ളുഷാപ്പ്​ നടത്തിപ്പ്​ ബിനാമികൾക്ക്​: പൊലീസും എക്​സൈസും അന്വേഷിക്കും

തി​രു​വ​ന​ന്ത​പു​രം: ക​ള്ളു​ഷാ​പ്പു​ക​ൾ ബി​നാ​മി​ക​ൾ​ക്ക് മ​റി​ച്ചു​ന​ൽ​കി​യ സം​ഭ​വ​ത്തി​ൽ തൊ​ഴി​ലാ​ളി യൂ​നി​യ​ൻ നേ​താ​ക്ക​ളു​ടെ​യും എ​ക്സൈ​സ് ഉ​ദ്യോ​ഗ​സ്ഥ​രു​ടെ​യും പ​ങ്കി​നെ​ക്കു​റി​ച്ച് പൊ​ലീ​സും എ​ക്​​സൈ​സും വെ​വ്വേ​റെ അ​ന്വേ​ഷ​ണം ന​ട​ത്തും. വി​വി​ധ ജി​ല്ല​ക​ളി​ലു​ള്ള 80 ല​ധി​കം ഷാ​പ്പു​ക​ൾ ബി​നാ​മി​ക​ൾ​ക്ക്​ ന​ൽ​കി​യ​താ​യി എ​ക്​​സൈ​സ്​ ഇ​ന്‍റ​ലി​ജ​ൻ​സ്​ വി​ഭാ​ഗം ന​ട​ത്തി​യ പ​രി​ശോ​ധ​ന​യി​ൽ ക​ണ്ടെ​ത്തി​യി​രു​ന്നു.

തൊ​ഴി​ലാ​ളി യൂ​നി​യ​നു​ക​ൾ ന​ട​ത്തു​ന്ന ഷാ​പ്പു​ക​ൾ നി​യ​മ​വി​രു​ദ്ധ​മാ​യി തൃ​ശൂ​ർ സ്വ​ദേ​ശി ശ്രീ​ധ​ര​ന്​ ന​ട​ത്തി​പ്പി​നാ​യി ന​ൽ​കി​യ​തി​ന്റെ രേ​ഖ​ക​ൾ എ​ക്സൈ​സ് സം​ഘം പി​ടി​ച്ചെ​ടു​ത്തി​ട്ടു​ണ്ട്. തി​രു​വ​ന​ന്ത​പു​രം, കൊ​ല്ലം, ആ​ല​പ്പു​ഴ, തൃ​ശൂ​ർ ജി​ല്ല​ക​ളി​ലെ 12 റേ​ഞ്ചു​ക​ളി​ലെ 60 ക​ള്ളു​ഷാ​പ്പു​ക​ളു​ടെ ലൈ​സ​ൻ​സ് സ​സ്പെ​ൻ​ഡ് ചെ​യ്തി​രു​ന്നു.

പൊ​ലീ​സ് അ​ന്വേ​ഷ​ണം ആ​വ​ശ്യ​പ്പെ​ട്ട് എ​ക്സൈ​സ് ക​മീ​ഷ​ണ​ർ എ​സ്. ആ​ന​ന്ദ​കൃ​ഷ്ണ​ൻ ആ​ഭ്യ​ന്ത​ര​വ​കു​പ്പി​ന് ക​ത്തു ന​ൽ​കി​യ സാ​ഹ​ച​ര്യ​ത്തി​ലാ​ണ്​ പൊ​ലീ​സ്,​ എ​ക്സൈ​സ്​ അ​ന്വേ​ഷ​ണ​ങ്ങ​ൾ സ​മാ​ന്ത​ര​മാ​യി ന​ട​ക്കു​ന്ന​ത്. ആ​രോ​പ​ണം നേ​രി​ടു​ന്ന ക​ള്ളു​ഷാ​പ്പു​ക​ളു​ടെ ന​ട​ത്തി​പ്പു​കാ​ർ​ക്ക് ഇ​തി​ന​കം നോ​ട്ടീ​സ്​ ന​ൽ​കി​യി​ട്ടു​ണ്ട്. ബു​ധ​നാ​ഴ്ച എ​ക്സൈ​സ് ക​മീ​ഷ​ണ​റു​ടെ ഓ​ഫി​സി​ൽ തെ​ളി​വെ​ടു​പ്പ് ന​ട​ക്കും.

ബി​നാ​മി​യാ​യി ക​ള്ളു​ഷാ​പ്പ് ന​ട​ത്ത​ണ​മെ​ങ്കി​ൽ തൊ​ഴി​ലാ​ളി യൂ​നി​യ​നു​ക​ളു​ടെ​യും ഉ​ദ്യോ​ഗ​സ്ഥ​രു​ടെ​യും സ​ഹാ​യം ല​ഭി​ക്കാ​തെ ക​ഴി​യി​ല്ലെ​ന്നാ​ണ്​ വി​ല​യി​രു​ത്ത​ൽ. ആ​രി​ൽ​നി​ന്നു​ള്ള സ​ഹാ​യ​മാ​ണ്​ ശ്രീ​ധ​ര​ന്​ ല​ഭി​ച്ച​തെ​ന്ന്​ ഉ​ൾ​പ്പെ​ടെ കാ​ര്യ​ങ്ങ​ൾ അ​ന്വേ​ഷി​ക്കും.ഷാ​പ്പു​ക​ൾ ലേ​ല​ത്തി​ൽ ഏ​റ്റെ​ടു​ക്കാ​ൻ ക​രാ​റു​കാ​ർ വ​രാ​താ​കു​മ്പോ​ൾ തൊ​ഴി​ലാ​ളി യൂ​നി​യ​നു​ക​ൾ​ക്കാ​ണ് ന​ൽ​കു​ന്ന​ത്. 500 രൂ​പ​യാ​ണ് വാ​ർ​ഷി​ക ഫീ​സ്. ഇ​ങ്ങ​നെ എ​ടു​ത്ത ഷാ​പ്പു​ക​ൾ പി​ന്നീ​ട് ഉ​യ​ർ​ന്ന തു​ക​ക്ക്​ ബി​നാ​മി​ക​ൾ​ക്ക്​ കൈ​മാ​റു​ക​യാ​യി​രു​ന്നു.

പ​ഞ്ചാ​ബി​ലെ ഡി​സ്റ്റ​ല​റി​യി​ൽ​നി​ന്ന്​ സ്പി​രി​റ്റ് വാ​ങ്ങാ​ൻ ശ്രീ​ധ​ര​ൻ പ​ണം ന​ൽ​കി​യ​തി​ന്റെ തെ​ളി​വു​ക​ളും എ​ക്സൈ​സ് ശേ​ഖ​രി​ച്ചി​രു​ന്നു.വീ​ര്യം കൂ​ട്ടി ക​ള്ള് വി​ൽ​ക്കാ​നാ​ണ് സ്പി​രി​റ്റ് എ​ത്തി​ച്ച​തെ​ന്നാ​ണ് എ​ക്സൈ​സ് ഉ​ദ്യോ​ഗ​സ്ഥ​ർ പ​റ​യു​ന്ന​ത്. എ​ന്നാ​ൽ, ക​ള്ള് കൊ​ണ്ടു​വ​രു​ന്ന​തി​ന്റെ​യും ഷാ​പ്പ് ന​ട​ത്തി​പ്പി​ന്റെ​യും രേ​ഖ​ക​ൾ പ​രി​ശോ​ധി​ക്കേ​ണ്ട​ത് എ​ക്സൈ​സാ​ണ്. ഉ​ദ്യോ​ഗ​സ്ഥ​രു​ടെ ഭാ​ഗ​ത്തു​നി​ന്ന്​ ഇ​ക്കാ​ര്യ​ത്തി​ൽ ഗു​രു​ത​ര വീ​ഴ്ച​യു​ണ്ടാ​യ​താ​യാ​ണ്​ ക​ണ്ടെ​ത്ത​ൽ.