ഇടുക്കിക്ക്​ ഇന്ന്​ 50ാം പിറന്നാൾ

തൊ​ടു​പു​ഴ: ജൈ​വ വൈ​വി​ധ്യ​വും അ​ണ​ക്കെ​ട്ടു​ക​ളു​ടെ പ്രൗ​ഢി​യും പ്ര​കൃ​തി​ഭം​ഗി​യും​കൊ​ണ്ട്​ കേ​ര​ള​ത്തെ ലോ​ക ഭൂ​പ​ട​ത്തി​ൽ അ​ട​യാ​ള​പ്പെ​ടു​ത്തി​യ ഇ​ടു​ക്കി ജി​ല്ല​ക്ക്​ ബു​ധ​നാ​ഴ്ച 50ാം പി​റ​ന്നാ​ൾ. സം​സ്ഥാ​ന​ത്തി​ന്‍റെ കാ​ർ​ഷി​ക സ​മൃ​ദ്ധി​ക്ക്​ മു​ത​ൽ​ക്കൂ​ട്ടാ​യി മാ​റി​യ സു​ഗ​ന്ധ​വ്യ​ഞ്ജ​ന​ങ്ങ​ളു​ടെ നാ​ട്​ മ​ഹാ​മാ​രി​ക്കാ​ല​ത്ത്​ ആ​ഘോ​ഷ​ങ്ങ​ളി​ല്ലാ​തെ​യാ​ണ്​ ജ​ന്മ​ദി​ന​ത്തെ വ​ര​വേ​ൽ​ക്കു​ന്ന​ത്.

കേ​ര​ള​ത്തി​ലെ 11ാമ​ത്​ ജി​ല്ല​യാ​യി 1972 ജ​നു​വ​രി 26നാ​ണ്​ ജി​ല്ല രൂ​പം​കൊ​ണ്ട​ത്. 4358 ച​തു​ര​ശ്ര കി.​മീ. വി​സ്തീ​ർ​ണ​മു​ള്ള ഇ​ടു​ക്കി കേ​ര​ള​ത്തി​ലെ ഏ​റ്റ​വും വ​ലി​യ ര​ണ്ടാ​മ​ത്തെ ജി​ല്ല​യാ​ണ്. 11,08,974 ആ​ണ് ജ​ന​സം​ഖ്യ. കു​ടി​യേ​റ്റ​ത്തി​ലൂ​ടെ വി​വി​ധ സം​സ്കാ​ര​ങ്ങ​ളു​ടെ സം​ഗ​മ​ഭൂ​മി​യാ​യി മാ​റി​യ ഇ​ടു​ക്കി അ​ര​നൂ​റ്റാ​ണ്ടി​നി​ടെ കൃ​ഷി​യി​ലും ഊ​ർ​ജോ​ൽ​പാ​ദ​ന​ത്തി​ലും​ കൈ​വ​രി​ച്ച നേ​ട്ട​ങ്ങ​ൾ അ​ദ്​​ഭു​താ​വ​ഹ​മാ​ണ്. സം​സ്ഥാ​ന​ത്തി​നാ​വ​ശ്യ​മാ​യ വൈ​ദ്യു​തി​യു​ടെ 66 ശ​ത​മാ​ന​വും ഇ​ടു​ക്കി​യി​ലെ പ​ദ്ധ​തി​ക​ൾ സം​ഭാ​വ​ന​ചെ​യ്യു​ന്നു. സം​സ്ഥാ​ന​ത്തി​ന്‍റെ ഖ​ജ​നാ​വ്​ നി​റ​ക്കു​ന്ന​വ​രി​ൽ ഓ​രോ വ​ർ​ഷ​വും ഇ​ടു​ക്കി​യു​ടെ സൗ​ന്ദ​ര്യം തേ​ടി​യെ​ത്തു​ന്ന ആ​യി​ര​ക്ക​ണ​ക്കി​ന്​ സ​ഞ്ചാ​രി​ക​ളു​മു​ണ്ട്. ഏ​ഷ്യ​യി​ലെ ഏ​റ്റ​വും വ​ലി​യ ആ​ർ​ച്ച്​ ഡാ​മാ​യ ഇ​ടു​ക്കി​യ​ട​ക്കം 14 അ​ണ​ക്കെ​ട്ടു​ക​ൾ ജി​ല്ല​യു​ടെ സ​മ്പ​ത്താ​ണ്.

ക​ട​ന്നു​പോ​യ പ്ര​ള​യ​ങ്ങ​ളും പി​ന്നാ​ലെ​യെ​ത്തി​യ കോ​വി​ഡ്​ മ​ഹാ​മാ​രി​യും കാ​ർ​ഷി​ക, സാ​മൂ​ഹി​ക മേ​ഖ​ല​ക​ളി​ൽ സൃ​ഷ്ടി​ച്ച ആ​ഘാ​തം ചെ​റു​ത​ല്ല. ജി​ല്ല​യു​ടെ സ​മ​ഗ്ര വി​ക​സ​നം ല​ക്ഷ്യ​മി​ട്ട്​ സ​ർ​ക്കാ​ർ പ്ര​ഖ്യാ​പി​ച്ച 12,000 കോ​ടി​യു​ടെ പാ​ക്കേ​ജി​ലെ ന​ട​പ​ടി​ക​ൾ സു​വ​ർ​ണ​ജൂ​ബി​ലി വ​ർ​ഷ​ത്തി​ലും ഇ​ഴ​യു​ക​യാ​ണ്. മു​ല്ല​പ്പെ​രി​യാ​റും പ​ട്ട​യ​വും ഭൂ​പ്ര​ശ്ന​ങ്ങ​ളും ഉ​യ​ർ​ത്തു​ന്ന സ​ങ്കീ​ർ​ണ​ത​ക​ൾ പ​രി​ഹാ​ര​മി​ല്ലാ​തെ തു​ട​രു​ന്നു. ജി​ല്ല​യി​ലെ ഗോ​ത്ര​വ​ർ​ഗ​ജ​ന​ത​ക്കും തോ​ട്ടം തൊ​ഴി​ലാ​ളി​ക​ൾ​ക്കു​മ​ട​ക്കം അ​ടി​സ്ഥാ​ന സൗ​ക​ര്യ​ങ്ങ​ൾ ഇ​നി​യും വേ​ണ്ട​തു​ണ്ട്. ഇ​ടു​ക്കി പാ​ക്കേ​ജ​ട​ക്കം പ​ദ്ധ​തി​ക​ളി​ലാ​ണ്​ ജി​ല്ല​യു​ടെ പ്ര​തീ​ക്ഷ. സു​വ​ർ​ണ​ജൂ​ബി​ലി​യോ​ട​നു​ബ​ന്ധി​ച്ച്​ ഒ​രു​വ​ർ​ഷം നീ​ളു​ന്ന പ​രി​പാ​ടി​ക​ൾ​ക്ക്​ ജി​ല്ല ഭ​ര​ണ​കൂ​ടം രൂ​പം​ന​ൽ​കി​യി​ട്ടു​ണ്ട്​.