Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകണ്ണൂരിൽ ടി.ഒ. മോഹനൻ...

കണ്ണൂരിൽ ടി.ഒ. മോഹനൻ മേയറാകും; തർക്കം നീണ്ടതോടെ തീരുമാനിച്ചത്​ വോ​ട്ടെടുപ്പിലൂടെ

text_fields
bookmark_border
കണ്ണൂരിൽ ടി.ഒ. മോഹനൻ മേയറാകും; തർക്കം നീണ്ടതോടെ തീരുമാനിച്ചത്​ വോ​ട്ടെടുപ്പിലൂടെ
cancel

കണ്ണൂർ: സംസ്​ഥാനത്ത്​ യു.ഡി.എഫിന്​ ഭരണം കിട്ടിയ ഏക ​േകാർപറേഷനായ കണ്ണൂരിൽ അഡ്വ. ടി.ഒ. മോഹനൻ മേയറാകും. മുസ്​ലിം ലീഗിനാണ് ഡെപ്യൂട്ടി മേയർ സ്​ഥാനം​.

ഞായറാഴ്​ച നടന്ന കോർപറേഷനിലെ കോൺഗ്രസ്​ കൗൺസിലർമാരുടെ യോഗത്തിൽ വോ​െട്ടടുപ്പിലൂടെയാണ്​ അഡ്വ. ടി.ഒ. മോഹനനെ മേയർ സ്​ഥാനാർഥിയായി തെരഞ്ഞെടുത്തത്​. മിനുട്ടുകൾക്കകം മേയറെ കണ്ടെത്താൻ കഴിയുമെന്ന ഡി.സി.സി ധാരണക്ക്​ തിരിച്ചടിയായി​ തർക്കവും തുടർന്നു നടന്ന വോ​െട്ടടുപ്പും.

ഏതാനും ദിവസങ്ങളായി കോൺഗ്രസ്​ നേതൃത്വം നടത്തിയ മാരത്തോൺ ചർച്ചകളിലൊന്നും സമവായത്തിൽ മേയർ സ്​ഥാനാർഥിയെ കണ്ടെത്താൻ കഴിയാത്ത സാഹചര്യത്തിലാണ്​ കോർപറേഷൻ കോൺഗ്രസ്​ പാർട്ടി കൗൺസിൽ യോഗം വിളിച്ചു ചേർത്തത്​. ഇതിലും സമവായത്തിൽ എത്താനാകുന്നില്ലെങ്കിൽ വോ​െട്ടടുപ്പ്​ നടത്തി മേയർ സ്​ഥാനാർഥിയെ തീരുമനിക്കാൻ ​െക.പി.സി.സി ​ഡി.സി.സിക്ക്​ നിർദേശം നൽകിയിരുന്നു. മേൽനോട്ടം വഹിക്കാൻ ചുമതലപ്പെടുത്തിയ കെ.പി.സി.സി വൈസ്​ പ്രസിഡൻറ്​ ടി. സിദ്ദിഖി​െൻറ സാന്നിധ്യത്തിലായിരുന്നു യോഗം​.

മുൻ ഡെപ്യൂട്ടി മേയർ പി.കെ. രാഗേഷും അഡ്വ.ടി.ഒ. മോഹനനും തമ്മിലായിരുന്നു പ്രധാനമായും മേയർ സ്​ഥാനത്തിന്​ വേണ്ടി 'മത്സരിച്ചത്​'. കെ.പി.സി.സി ജനറൽ സെക്രട്ടറി അഡ്വ. മാർട്ടിൻ ജോർജ്​ അടക്കം മുന്നുപേരാണ്​ ആദ്യം രംഗത്തുണ്ടായിരുന്നത്​. പി.കെ. രാഗേഷും ടി.ഒ. മോഹനനും ഉറച്ചു നിന്നതോടെ മാർട്ടിൻ ജോർജ്​ ഒഴിവായി.

ടി.ഒ. മോഹനന്​ 11 വോട്ടും പി.​െക. രാഗേഷിന്​ ഒമ്പത്​ വോട്ടും കിട്ടി. രണ്ട്​ വോട്ടി​െൻറ ഭൂരിപക്ഷത്തിനാണ്​ അഡ്വ. ടി.ഒ. മോഹനൻ മേയറാകാൻ തെരഞ്ഞെടുക്കപ്പെട്ടത്​.

മിനുട്ടുകൾക്കകം മേയറെ തീരുമാനിക്കാൻ കഴിയുമെന്നായിരുന്നു കഴിഞ്ഞ ദിവസം ഡി.സി.സി പ്രസിഡൻറ്​ സതീശൻ പാച്ചേനി മാധ്യമ പ്രവർത്തകർരോട്​ അറിയിച്ചിരുന്നത്​. എന്നാൽ, ദിവസങ്ങളായി ചർച്ച നടത്തിയിട്ടും ഇക്കാര്യത്തിൽ സമവായത്തിൽ എത്താനായില്ല. തർക്കം രൂക്ഷമായ സാഹചര്യത്തിലായിരുന്നു കെ.പി.സി.സി ഇടപെട്ട്​ നിരീക്ഷകനെ നിയമിച്ചതും കോൺഗ്രസ്​ കൗൺസിലർമാരുടെ യോഗം വിളച്ചു ചേർത്തതും. രഹസ്യ ബാലറ്റിലൂടെയാണ്​ അഡ്വ.ടി.ഒ. മോഹനനെ തെരഞ്ഞെടുത്തത്​.

ഡി.സി.സി ഒാഫിസിൽ നടന്ന യോഗത്തിൽ കെ.പി.സി.സി വർക്കിങ്​ പ്രസിഡൻറ്​ കെ. സുധാകരൻ എം.പി, ഡി.സി.സി പ്രസിഡൻറ്​ സതീശൻ പാച്ചേനി എന്നിവരും സംബന്ധിച്ചു.

കെ.എസ്​.യുവിലൂടെ രാ്​ട്രീയ പ്രവർത്തനം തുടങ്ങിയ അഡ്വ. ടി.ഒ. മോഹനൻ ഡി.സി.സി ജനറൽ ​െസക്രട്ടറിയായിരുന്നു. നിലവിൽ കെ.പി.സി.സി നിർവാഹക സമിതിയംഗമാണ്​. 34 വർഷമായി കോൺഗ്രസ്​ നേതൃനിരയിൽ പ്രവർത്തിക്കുന്നു. കണ്ണൂർ നഗര സഭയിൽ ക്ഷേമകാര്യ സ്​റ്റാൻഡിങ്​ കമ്മിറ്റി ചെയർമാനായും പ്രഥമ കണ്ണൂർ കോർപറേഷനിൽ പൊതുമരാമത്ത്​ കാര്യ സ്​റ്റാൻഡിങ്​ കമ്മിറ്റി ചെയർമാനായും പ്രവർത്തിച്ചു. അഞ്ചാം തവണയാണ്​ മത്സരിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kannur corporationkannur mayorPanchayat election
News Summary - TO Mohanan Kannur mayor
Next Story