ടൈറ്റാനിയം ജോലി തട്ടിപ്പ്​; ഡെപ്യൂട്ടി ജനറൽ മാനേജർക്ക്​​ സസ്​പെൻഷൻ, മറ്റ്​ പ്രതികൾ ഒളിവിൽ

​തി​രു​വ​ന​ന്ത​പു​രം: ടൈ​റ്റാ​നി​യം ജോ​ലി ത​ട്ടി​പ്പ് കേ​സി​ൽ ഉ​ദ്യോ​ഗാ​ർ​ഥി​ക​ളെ ഇ​ൻ​റ​ർ​വ്യൂ ചെ​യ്ത ഡെ​പ്യൂ​ട്ടി ജ​ന​റ​ൽ മാ​നേ​ജ​ർ (ലീ​ഗ​ൽ) ശ​ശി​കു​മാ​ര​ൻ ത​മ്പി​യെ സ​സ്പെ​ൻ​ഡ്​ ചെ​യ്തു. തി​രു​വ​ന​ന്ത​പു​രം ക​ന്റോ​ൺ​മെ​ന്റ്, വെ​ഞ്ഞാ​റ​മൂ​ട് പൊ​ലീ​സ് സ്റ്റേ​ഷ​നു​ക​ളി​ൽ ര​ജി​സ്റ്റ​ർ ചെ​യ്ത കേ​സു​ക​ളി​ൽ ശ​ശി​കു​മാ​ര​ൻ ത​മ്പി അ​ഞ്ചാം പ്ര​തി​യാ​ണ്. അ​റ​സ്റ്റി​ലാ​യ ദി​വ്യ ജ്യോ​തി​യു​ടെ ഭ​ർ​ത്താ​വ് രാ​ജേ​ഷ്, പ്രേം​കു​മാ​ർ, ശ്യാം​ലാ​ൽ, ശ​ശി​കു​മാ​ര​ൻ ത​മ്പി ഉ​ൾ​പ്പെ​ടെ മ​റ്റ് പ്ര​തി​ക​ൾ ഒ​ളി​വി​ലാ​ണ്.

ഒ​ന്നാം പ്ര​തി​യും പ്ര​ധാ​ന ഇ​ട​നി​ല​ക്കാ​രി​യു​മാ​യ ദി​വ്യ​യെ ക​ഴി​ഞ്ഞ ദി​വ​സ​മാ​ണ്​ അ​റ​സ്റ്റ് ചെ​യ്ത​ത്. ദി​വ്യ​യെ ക​സ്റ്റ​ഡി​യി​ൽ വാ​ങ്ങി ചോ​ദ്യം ചെ​യ്യാ​നു​ള്ള നീ​ക്ക​ം ആ​രം​ഭി​ച്ചി​ട്ടു​ണ്ട്. ടൈ​റ്റാ​നി​യ​ത്തി​ല്‍ ജോ​ലി വാ​ഗ്ദാ​നം ചെ​യ്ത്​ 14 ല​ക്ഷം രൂ​പ ത​ട്ടി​യെ​ന്ന ഉ​ദ്യോ​ഗാ​ർ​ഥി​യു​ടെ പ​രാ​തി​യി​ൽ ക​ഴി​ഞ്ഞ​മാ​സ​മാ​ണ്​ വെ​ഞ്ഞാ​റ​മൂ​ട് പൊ​ലീ​സ് എ​ഫ്.​ഐ.​ആ​ര്‍ ര​ജി​സ്റ്റ​ര്‍ ചെ​യ്ത​ത്. പൊ​ലീ​സി​ന്‍റെ ഭാ​ഗ​ത്ത്​ ഗു​രു​ത​ര വീ​ഴ്ച​യു​ണ്ടാ​യെ​ന്ന ആ​ക്ഷേ​പ​വു​മു​ണ്ട്​. ഒ​ക്ടോ​ബ​ര്‍ ആ​റി​ന് കേ​സെ​ടു​ത്തി​ട്ടും ക​ന്‍റോ​ണ്‍മെ​ന്‍റ് പൊ​ലീ​സ് ന​ട​പ​ടി​യെ​ടു​ക്കാ​തെ പൂ​ഴ്ത്തു​ക​യാ​യി​രു​ന്നു​വ​ത്രെ. പി​ന്നീ​ടെ​ത്തി​യ അ​ഞ്ച്​ പേ​രു​ടെ​യും പ​രാ​തി സ്വീ​ക​രി​ച്ചി​ല്ല. ആ​ദ്യ പ​രാ​തി​ക്കാ​രി ന​ല്‍കി​യ ചെ​ക്കും പ്രോ​മി​സ​റി നോ​ട്ടും അ​ട​ക്ക​മു​ള്ള നി​ര്‍ണാ​യ​ക തെ​ളി​വു​ക​ള്‍ പൊ​ലീ​സ് പ​രി​ഗ​ണി​ച്ചു​മി​ല്ല. വീ​ഴ്ച​ ചൂ​ണ്ടി​ക്കാ​ണി​ച്ച് ഡി.​സി.​പി​ക്ക് പ​രാ​തി ന​ൽ​കി​യ​തോ​ടെ​യാ​ണ്​ കേ​സി​ന് ജീ​വ​ന്‍വെ​ച്ച​ത്. ഡി.​സി.​പി പ്ര​ത്യേ​ക ഉ​ത്ത​ര​വി​റ​ക്കി കേ​സ്​ പൂ​ജ​പ്പു​ര പൊ​ലീ​സി​ന് കൈ​മാ​റി​.

പ​ണം കൈ​മാ​റു​ന്ന​തി​ന്‍റെ വി​ഡി​യോ​യും ചാ​റ്റും ഫോ​ണ്‍ സം​ഭാ​ഷ​ണ​ങ്ങ​ളു​മ​ട​ക്കം തെ​ളി​വു​ക​ളു​മാ​യാ​ണ് ഉ​ദ്യോ​ഗാ​ർ​ഥി​ക​ള്‍ പൊ​ലീ​സി​നെ സ​മീ​പി​ച്ച​ത്. പ​ണം വാ​ങ്ങി​യ ദി​വ്യ​യെ പാ​ള​യം ജേ​ക്ക​ബ് ജ​ങ്​​ഷ​നി​ലെ വീ​ട്ടി​ലെ​ത്തി​യാ​ണ് വെ​ഞ്ഞാ​റ​മൂ​ട് പൊ​ലീ​സ് ക​സ്റ്റ​ഡി​യി​ലെ​ടു​ത്ത​ത്.