Begin typing your search above and press return to search.
proflie-avatar
Login
exit_to_app
exit_to_app
Timber
cancel
camera_alt

representation image

Homechevron_rightNewschevron_rightKeralachevron_rightകോടികളുടെ മുട്ടിൽ...

കോടികളുടെ മുട്ടിൽ വനംകൊള്ള പുറത്തുവരാൻ കാരണം മരവ്യാപാരിയുടെ ജാഗ്രത

text_fields
bookmark_border

കോഴിക്കോട്​: കോടികളുടെ മുട്ടിൽ വനംകൊള്ള പുറത്തുവന്നതിന്​ പിന്നിൽ മരവ്യാപാരിയായ 'വിസിൽ ബ്ലോവർ'. എറണാകുളം കരിമുകളിലെ മലബാർ ടിംബർ ഇൻഡസ്​ട്രീസിന്‍റെ മാനേജിങ്​ പാർട്​നറായ എം.എം. അലിയാർ വനം വകുപ്പിന്​ അയച്ച ഇമെയിലാണ്​ അന്വേഷണങ്ങൾക്ക്​ തുടക്കമിടാൻ പ്രധാനകാരണം.

'ഉത്തരവാദപ്പെട്ട കച്ചവടക്കാരനെന്ന നിലയ്ക്ക് അറിയിക്കുകയാണ്​, താങ്കൾ ഇക്കാര്യം അന്വേഷിക്കണം. എനിക്ക്​ വയനാട്ടിൽ നിന്ന് വന്ന 54 വീട്ടിത്തടിക്ക് വേണ്ടത്ര രേഖകളില്ല. ഈ മരം അനധികൃതമായി മുറിച്ചതാണോയെന്ന് സംശയമുണ്ട്. ഇക്കാര്യം ഏവിടെ വേണമെങ്കിലും വന്ന് ബോധിപ്പിക്കാം, നിയമനടപടി സ്വീകരിക്കാം' -എന്നായിരുന്നു അലിയാർ ചീഫ്​ കൺസർവേറ്റർ ​േഫാറസ്റ്റിന്​ അയച്ച മെയിൽ.

ഫെബ്രുവരി നാലുമുതൽ വയനാട്​ പ്രകൃതി സംരക്ഷണ സമിതി മുട്ടിൽ വനം കൊള്ളയെക്കുറിച്ച്​ വെളിപ്പെടുത്തി വാർത്തകൾ പുറത്തുവരാൻ തുടങ്ങിയിരുന്നെങ്കിലു​ം അധികൃതർ കാര്യഗൗരവമായി പരിഗണിച്ചിരുന്നില്ല. എന്നാൽ, ഫെബ്രുവരി ആറിന്​ അലിയാരിന്‍റെ ഇമെയിൽ ലഭിച്ചതോടെ അധികൃതർ ഉണർന്നുപ്രവർത്തിക്കാൻ തുടങ്ങി.

തടിക്ക്​ വേണ്ടത്ര രേഖകളില്ലാത്തതാണ്​ അലിയാറിന്​ സംശയ​ങ്ങൾ തോന്നാൻ കാരണം. സൂര്യ ടിംബേർസിന്‍റെ പ്രൊപ്രൈറ്ററായ റോജി അഗസ്റ്റിനിൽനിന്നാണ്​ അലിയാർ തടി വാങ്ങിയത്​. ഫെബ്രുവരി മൂന്നിന്​ 18,86,544 രൂപ ചെലവിൽ 54 വീട്ടിത്തടികൾ കരിമുകളിലെത്തുകയും ചെയ്​തു. എന്നാൽ 2005ലെ കേരള പ്രെമോഷൻ ഓഫ്​ ട്രീ ഗ്രോത്ത്​ ഇന്‍ നോൺ ഫോറസ്റ്റ്​ ലാൻഡ്​ നിയമപ്രകാരമുള്ള ഫോം മൂന്ന്​ നിർബന്ധിത പാസ് ഇവക്കൊപ്പം ഉണ്ടായിരുന്നില്ല. വിവരം റോജി അഗസ്റ്റിനെ അറിയിച്ചപ്പോൾ ഉടൻ എത്തിക്കാമെന്നായിരുന്നു മറുപടി. രേഖകൾ ആവശ്യപ്പെ​ട്ടെങ്കിലും അവ നൽകാൻ സൂര്യ ടിബേർസിന്​ കഴിഞ്ഞില്ല. ഇതോടെയാണ്​ അനധികൃതമായി മുറിച്ചുകടത്തിയവയാണ്​ ഈ തടികൾ എന്ന്​ അലിയാറിന്​ സംശയം തോന്നുന്നതും ചീഫ്​ കൺസർവേറ്റർ ഓഫ്​ ഫോറസ്റ്റിന്​ മെയിൽ അയക്കുന്നതും.

അന്വേഷണം ആരംഭിച്ചതോടെ കേസിലെ മുഖ്യപ്രതികളിൽ ഒരാളായി റോജി അഗസ്റ്റിൻ. റോജിക്കെതിരെ എവിടെ വേണമെങ്കിലും മൊഴി നൽകാമെന്നും സൂര്യ ടിംബേർസിനെതിരെ നിയമനടപടിയുമായി മുന്നോട്ടുപോകാൻ തയാറാണെന്നും അലിയാർ പറയുന്നു.

അലിയാറിന്‍റെ ഇമെയിൽ ലഭിച്ചയുടൻ സി.സി.എഫ്​ അഞ്ചംഗ സംഘത്തെ അന്വേഷണത്തിനായി നിയോഗിച്ചു. ഫെബ്രുവരി എട്ടിന്​ മേപ്പാടി ഫോറസ്റ്റ്​ റേഞ്ച്​ ഓഫിസർ എം.കെ. സമീറും സംഘവും കരിമുകളിലെത്തി വീട്ടിത്തടി കണ്ടുക്കെട്ടി. മുട്ടിൽ ഗ്രാമത്തിൽനിന്ന്​ വനം വകുപ്പിന്‍റെ മൗനാനുവാദത്തോടെ മുറിച്ചുകടത്തിയ 101 വീട്ടിമരത്തിന്‍റെ തടികളായിരുന്നു അവയെന്ന ഞെട്ടിക്കുന്ന വിവരം പുറത്തുവന്നു.

വനംക്കൊള്ളയിൽ സൂര്യ ടിംബഴ്​സിന്‍റെ പങ്ക്​ കണ്ടെത്തുന്നതിനായി ഫെബ്രുവരി എട്ടിനുതന്നെ മുട്ടിൽ വാഴവറ്റയിലെ ഓഫിസിൽ മു​ണ്ടക്കൈ ഡെപ്യൂട്ടി റേഞ്ച്​ ഓഫിസർ പി.ബി. മനോജ്​ കുമാറിന്‍റെ നേതൃത്വത്തിൽ പരിശോധന നടത്തിയിരുന്നു. ഇതിൽ സ്​റ്റോക്ക്​ രജിസ്റ്റർ, പർച്ചേസ്​ രജിസ്റ്റർ, മറ്റു രേഖകൾ തുടങ്ങിയവയിൽ അസ്വാഭാവിക കണ്ടെത്തിയതോടെ റോജി അഗസ്റ്റിനെതിരെയും കുരുക്ക്​ മുറുകുകയായിരുന്നു. അന്വേഷണം പുരോഗമിക്കു​േമ്പാൾ സംസ്​ഥാനത്തിന്‍റെ വിവിധ ഇടങ്ങളി​െല വനംകൊള്ളയുടെ വിവരങ്ങളാണ്​ പുറത്തുവന്നുകൊണ്ടിരിക്കുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:illegal tree fellingmuttil tree cutTimber trader
News Summary - Timber trader from Ernakulam blew lid off illegal tree felling at Muttil
Next Story