ഗവിയിൽ പെരിയാർ ടൈഗർ റിസർവിലെ വാച്ചറെ കടുവ കൊന്നു

കോ​ന്നി: ശ​ബ​രി​മ​ല വ​ന​ത്തി​ൽ ക​ടു​വ​യു​ടെ ആ​ക്ര​മ​ണ​ത്തി​ൽ വ​നം​വ​കു​പ്പ്​ വാ​ച്ച​ർ കൊ​ല്ല​പ്പെ​ട്ടു. പെ​രി​യാ​ർ ടൈ​ഗ​ർ റി​സ​ർ​വി​ലെ താ​ൽ​ക്കാ​ലി​ക വാ​ച്ച​ർ ഗ​വി സ്വ​ദേ​ശി അ​നി​ല്‍കു​മാ​റാ​ണ്​ (32) മ​രി​ച്ച​ത്. മാം​സം മു​ഴു​വ​ൻ ന​ഷ്​​ട​പ്പെ​ട്ട നി​ല​യി​ലാ​യി​രു​ന്നു മൃ​ത​ദേ​ഹ​മെ​ന്ന്​ വ​നം​വ​കു​പ്പ്​ അ​ധി​കൃ​ത​ർ പ​റ​ഞ്ഞു.

പൊ​ന്ന​മ്പ​ല​മേ​ട് പാ​ത​യി​ല്‍ ചെ​ന്താ​മ​ര എ ​പോ​യ​ന്റ്​ ഭാ​ഗ​ത്ത്​ ചൊ​വ്വാ​ഴ്ച രാ​വി​ലെ​യാ​ണ്​ മൃ​ത​ദേ​ഹാ​വ​ശി​ഷ്ട​ങ്ങ​ള്‍ ക​ണ്ടെ​ത്തി​യ​ത്. ജോ​ലി ക​​ഴി​ഞ്ഞ്​ ശ​നി​യാ​ഴ്ച ​വൈ​കീ​ട്ട്​ 5.30ഓ​ടെ ഗ​വി​യി​ലെ​ത്തി​യ അ​നി​ൽ​കു​മാ​ർ മ​ല​ഞ്ച​ര​ക്ക് സാ​ധ​ന​ങ്ങ​ൾ വാ​ങ്ങാ​ൻ കൊ​ച്ചു​പ​മ്പ വ​ഴി പ​മ്പ​ക്ക്​ പോ​കു​ക​യാ​യി​രു​ന്നു. ഇ​തി​നി​ടെ, ക​ടു​വ​യു​ടെ ആ​ക്ര​മ​ണം ഉ​ണ്ടാ​യ​താ​യാ​ണ്​ സം​ശ​യി​ക്കു​ന്ന​ത്.

മൂ​ന്നു​ദി​വ​സ​മാ​യി​ട്ടും കാ​ണാ​ത്ത​തി​നെ​ത്തു​ട​ർ​ന്ന് ന​ട​ത്തി​യ തി​ര​ച്ചി​ലി​ലാ​ണ് മൃ​ത​ദേ​ഹം ക​ണ്ടെ​ത്തി​യ​ത്. തി​ങ്ക​ളാ​ഴ്ച ​വൈ​കീ​ട്ട്​ വ​നം​വ​കു​പ്പ് ഉ​ദ്യോ​ഗ​സ്ഥ​ർ​ക്ക് പ​രി​ശോ​ധ​ന​ക്കി​ടെ ഇ​ദ്ദേ​ഹ​ത്തി​ന്റെ കീ​റി​യ വ​സ്ത്ര​ങ്ങ​ൾ ല​ഭി​ച്ചി​രു​ന്നു. ചൊ​വ്വാ​ഴ്ച രാ​വി​ലെ വീ​ണ്ടും സ്ഥ​ല​ത്തെ​ത്തി​യ​പ്പോ​ഴാ​ണ്​ മൃ​ത​ദേ​ഹം ല​ഭി​ച്ച​ത്.

ഇ​ൻ​ക്വ​സ്റ്റ്​ ന​ട​പ​ടി​ക​ൾ പൂ​ർ​ത്തി​യാ​ക്കി രാ​ത്രി​യോ​ടെ മൃ​ത​ദേ​ഹം വ​ണ്ടി​പ്പെ​രി​യാ​ർ താ​ലൂ​ക്ക്​ ആ​ശു​പ​ത്രി​യി​ലേ​ക്ക്​ മാ​റ്റി. ഭാ​ര്യ: മ​ഞ്ജു. മ​ക്ക​ൾ: വി​ദ്യ, ആ​ദ​ർ​ശ്.