ആര്യങ്കാവിൽ കമ്പിവേലിയിൽ കുരുങ്ങി പുലി ചത്തു

പു​ന​ലൂ​ർ/​മ​ല​യാ​റ്റൂ​ർ: ​​കൊ​ല്ലം ആ​ര്യ​ങ്കാ​വ് വ​നം റേ​ഞ്ചി​ലെ ഇ​ട​പ്പാ​ള​യ​ത്ത് സ്വ​കാ​ര്യ​വ്യ​ക്തി​യു​ടെ കൃ​ഷി​യി​ട​ത്തി​ൽ സ്ഥാ​പി​ച്ച ക​മ്പി​വേ​ലി​യി​ൽ അ​ക​പ്പെ​ട്ട് പു​ലി ച​ത്തു. ഇ​ട​പ്പാ​ള​യം ആ​റു​മു​റി​ക്ക​ട ഭാ​ഗ​ത്ത് വ​ന​ത്തോ​ട് ചേ​ർ​ന്ന റെ​യി​ൽ​വേ പു​റ​മ്പോ​ക്കി​ലെ കൃ​ഷി​യി​ട​ത്തി​ൽ ഞാ​യ​റാ​ഴ്ച രാ​വി​ലെ പ​ത്ത​ര​യോ​ടെ​യാ​ണ് പു​ള്ളി​പ്പു​ലി ച​ത്ത​ത്. എ​റ​ണാ​കു​ളം ജി​ല്ല​യി​ൽ കാ​ല​ടി  മ​ല​യാ​റ്റൂ​ർ വ​ന​മേ​ഖ​ല​യി​ൽ​നി​ന്ന് ജ​ന​വാ​സ കേ​ന്ദ്ര​ത്തി​ലി​റ​ങ്ങി വ​ള​ർ​ത്തു​മൃ​ഗ​ങ്ങ​ളെ കൊ​ന്നു​തി​ന്നു​ന്ന പു​ലി വ​ന​പാ​ല​ക​ർ സ്​​ഥാ​പി​ച്ച  കെ​ണി​യി​ൽ കു​ടു​ങ്ങി.  

ആ​ര്യ​ങ്കാ​വി​ൽ ഷെ​മീ​ർ എ​ന്ന​യാ​ളു​ടെ കൃ​ഷി​യി​ട​ത്തി​ലെ സം​ര​ക്ഷ​ണ​വേ​ലി​യി​ലാ​ണ് ആ​റു വ​യ​സ്സു​ള്ള പു​ലി കു​ടു​ങ്ങി​യ​ത്. കൃ​ഷി​യി​ട​ത്തോ​ട് ചേ​ർ​ന്ന ക​ട്ടി​ങ്ങി​ൽ​നി​ന്ന്​ താ​ഴേ​ക്ക് ചാ​ടു​മ്പോ​ൾ പു​ലി​യു​ടെ ഒ​രു​കാ​ൽ ക​മ്പി​വ​ല​യി​ൽ കു​രു​ങ്ങി. തു​ട​ർ​ന്ന് ക​മ്പി​വ​ല ത​ക​ർ​ന്ന് താ​ഴേ​ക്ക് അ​പ​ക​ട​ക​ര​മാ​യ നി​ല​യി​ൽ വീ​ണ​തി​നാ​ൽ പു​ലി​ക്ക് ഏ​ഴു​ന്നേ​ൽ​ക്കാ​നാ​യി​ല്ല. രാ​വി​ലെ ആ​േ​റാ​ടെ ഇ​തു​വ​ഴി ടാ​പ്പി​ങ്ങി​ന് പോ​യ തൊ​ഴി​ലാ​ളി​ക​ളാ​ണ് ക​മ്പി​വ​ല​യി​ൽ പു​ലി കു​ടു​ങ്ങി​ക്കി​ട​ക്കു​ന്ന​ത് ക​ണ്ട​ത്. ഇ​വ​ർ ഉ​ട​ൻ ആ​ര്യ​ങ്കാ​വ് വ​നം റേ​ഞ്ച് അ​ധി​കൃ​ത​രെ വി​വ​ര​മ​റി​യി​ച്ചു. വ​ന​പാ​ല​ക​ർ സ്ഥ​ല​ത്തെ​ത്തി വേ​ലി അ​റു​ത്തു​മാ​റ്റി പു​ലി​യെ ര​ക്ഷ​പ്പെ​ടു​ത്താ​ൻ പ്രാ​ഥ​മി​ക ന​ട​പ​ടി​ക​ൾ സ്വീ​ക​രി​ച്ചെ​ങ്കി​ലും വി​ജ​യി​ച്ചി​ല്ല. തു​ട​ർ​ന്ന് മ​യ​ക്കു​വെ​ടി​വെ​ച്ച് ര​ക്ഷ​പ്പെ​ടു​ത്താ​ൻ പദ്ധതിയിട്ടുവെങ്കിലും അതിനുമു​െമ്പ പു​ലി കെ​ണി​യി​ൽ കി​ട​ന്ന് ചാ​കു​ക​യാ​യി​രു​ന്നു.  

മ​ല​യാ​റ്റൂ​ർ ഇ​ല്ലി​ത്തോ​ട് ഒ​ന്നാം ബ്ലോ​ക്കി​ൽ ദ​ർ​ശ​ന ധ്യാ​ന​കേ​ന്ദ്ര​ത്തി​നും മി​നി ഇ​ൻ​ഡ​സ്​​ട്രി​യ​ൽ ഏ​രി​യ​ക്കും സ​മീ​പ​മു​ള്ള റ​ബ​ർ തോ​ട്ട​ത്തി​ലാ​ണ്  കോ​ട​നാ​ട് മൃ​ഗ​ശാ​ല​യി​ൽ​നി​ന്ന് കൊ​ണ്ടു​വ​ന്ന ഇ​രു​മ്പ്​​കൂ​ട് ​െവ​ച്ചി​രു​ന്ന​ത്. ഞാ​യ​റാ​ഴ്ച പു​ല​ർ​ച്ച ഉ​ച്ച​ത്തി​ലു​ള്ള മു​ര​ള​ൽ കേ​ട്ട​തി​നെ തു​ട​ർ​ന്ന് എ​ത്തി​യ​വ​രാ​ണ് പു​ലി കു​ടു​ങ്ങി​യ വി​വ​രം വ​ന​പാ​ല​ക​രെ അ​റി​യി​ച്ച​ത്.