പുൽപള്ളിയിൽ കടുവ പശുക്കിടാവിനെ കൊന്നു

പുൽപള്ളി: പള്ളിചിറയിൽ കടുവ പശുക്കിടാവിനെ കൊന്നു. ചങ്ങമ്പം രാമകൃഷ്ണൻെറ രണ്ട്​ വയസ് പ്രായമുള്ള കിടാവിനെയാണ് കടുവ കൊന്നത്. ബുധനാഴ്ച്ച രാത്രി 7.30 ഓടെയാണ് സംഭവം. തൊഴുത്തിൽ കെട്ടിയ കിടാവിൻെറ ഉറക്കെയുള്ള കരച്ചിൽ കേട്ട് വീട്ടുകാർ പുറത്തിറങ്ങി നോക്കിയപ്പോഴാണ് സംഭവം അറിയുന്നത്.

ഒരാഴ്ച്ച മുമ്പ്​ രാമകൃഷ്ണൻെറ മറ്റൊരു പശുക്കിടാവിനെയും കടുവ കൊന്നിരുന്നു. പകൽ മേയ്ക്കാൻ വിട്ട പശുകിടാവിനെയാണ് പിടികൂടിയത്. പ്രദേശത്ത് കടുവ ശല്യം വർധിച്ചതായി കർഷകർ പറയുന്നു.

കടുവയെ നിരീക്ഷിക്കാനായി പ്രദേശത്ത് ക്യാമറ സ്ഥാപിച്ചിട്ടുണ്ട്. ചെതലയത്ത് റേഞ്ച് ഓഫീസർ ശശികുമാറിൻെറ നേതൃത്വത്തിൽ തെരച്ചിൽ നടത്തി.