പുലി കടിച്ചു കൊണ്ടു പോയ നാലു വയസുകാരന്‍റെ മൃതദേഹം കണ്ടെത്തി

അതിരപ്പിള്ളി: വാൽപാറയിൽ പുലി കടിച്ചു കൊണ്ടുപോയ നാലുവയസ്സുകാരനെ മരിച്ച നിലയിൽ കണ്ടെത്തി. വാൽപാറ നടുമല എസ്​റ്റേറ്റിലെ ഷറഫലിയുടെയും സഫിയയുടെയും മകനായ സൈദുല്ലയെയാണ്​ (നാല്​) വ്യാഴാഴ്​ച വൈകീട്ട്​ ആറോടെ പുലി കടിച്ചെടുത്ത്​ കൊണ്ടുപോയത്​. വീടി​​െൻറ അടുക്കള വാതിലിൽ നിൽക്കുന്ന കുട്ടിയെയായിരുന്നു പുലി പിടിച്ചത്​.

കുട്ടിയെ കുളിപ്പിച്ച ശേഷം അടുക്കളയിലേക്ക്​ പോയ സമയത്തായിരുന്നു പുലിയുടെ ആക്രമണം. അമ്മയുടെ നിലവിളി കേട്ട്​ നാട്ടുകാർ ആയുധമായെത്തി തിരച്ചിൽ നടത്തിയെങ്കിലും കണ്ടെത്താനായില്ല. രാത്രി 8.30 ഒാടെയാണ്​ ​തല വേർപെട്ട നിലയിൽ  350 മീറ്റർ മാറി കുട്ടിയുടെ ശരീരം കാട്ടിൽ നിന്ന്​ കണ്ടുകിട്ടിയത്​.

ശരീരം അൽപം മാറി വേറെ ഭാഗത്തുനിന്നാണ്​ കിട്ടിയത്​.ഒ​രു വർഷം മുമ്പാണ്​ ഝാർഖണ്ടിൽ നിന്ന്​ തേയിലത്തോട്ടത്തിൽ ജോലിക്കായാണ്​ വാൽപാറയിലെത്തിയത്​. മൃതദേഹം മാറ്റുന്നതിനിടെ പൊലീസിന്​ നേരെ നാട്ടുകാർ പ്രതിഷേധിച്ചു.