കൊടിയേറി പൂരാവേശം; തൃ​ശൂ​ർ പൂ​രം 30ന്

തൃ​ശൂ​ർ: ആ​വേ​ശം വാ​നോ​ള​മു​യ​ർ​ത്തി പാ​റ​മേ​ക്കാ​വി​ലും തി​രു​വ​മ്പാ​ടി​യി​ലും ഘ​ട​ക​ക്ഷേ​ത്ര​ങ്ങ​ളി​ലും തൃ​ശൂ​ർ പൂ​രം കൊ​ടി​യേ​റി. തി​രു​വ​മ്പാ​ടി​യി​ൽ പാ​ര​മ്പ​ര്യ അ​വ​കാ​ശി​ക​ൾ ഭൂ​മി​പൂ​ജ ന​ട​ത്തി​യ ശേ​ഷം 11.30 ന് ​പൂ​ജി​ച്ച കൊ​ടി​ക്കൂ​റ കൊ​ടി​മ​ര​ത്തി​ൽ ചാ​ർ​ത്തി. ആ​ര​വ​ങ്ങ​ളു​യ​ർ​ത്തി ദേ​ശ​ക്കാ​ർ കൊ​ടി​മ​രം ഉ​യ​ർ​ത്തി.

പാ​റ​മേ​ക്കാ​വി​ൽ 11.50ഓ​ടെ വ​ലി​യ പാ​ണി​ക്ക് ശേ​ഷം പു​റ​ത്തേ​ക്കെ​ഴു​ന്ന​ള്ളി​യ ഭ​ഗ​വ​തി​യെ സാ​ക്ഷി​യാ​ക്കി​യാ​യി​രു​ന്നു കൊ​ടി​യേ​റ്റം. തി​രു​വ​മ്പാ​ടി​യി​ൽ വൈ​കീ​ട്ട് കൊ​ടി​യേ​റ്റ​ത്തി​ന്റെ ഭാ​ഗ​മാ​യി പൂ​രം പു​റ​പ്പാ​ട് ന​ട​ന്നു. നാ​യ്ക്ക​നാ​ലി​ലും ന​ടു​വി​ലാ​ലി​ലും നീ​ല, മ​ഞ്ഞ പൂ​ര​പ്പ​താ​ക​ക​ൾ ഉ​യ​ർ​ത്തി. ശ്രീ​മൂ​ല​സ്ഥാ​ന​ത്ത് മേ​ളം ക​ലാ​ശി​ച്ച ശേ​ഷം ന​ടു​വി​ൽ മ​ഠ​ത്തി​ൽ ആ​റാ​ട്ടും ക​ഴി​ഞ്ഞാ​ണ് ഭ​ഗ​വ​തി തി​രു​വ​മ്പാ​ടി ക്ഷേ​ത്ര​ത്തി​ൽ തി​രി​ച്ചെ​ത്തി​യ​ത്. ഇ​നി വി​വി​ധ​യി​ട​ങ്ങ​ളി​ൽ പ​റ​യെ​ടു​പ്പി​നും ആ​റാ​ട്ടി​നും ഭ​ഗ​വ​തി​യെ​ത്തും.

പാ​റ​മേ​ക്കാ​വി​ൽ കാ​ശി​നാ​ഥ​ൻ ഭ​ഗ​വ​തി​യു​ടെ തി​ട​മ്പേ​റ്റി മേ​ള​ത്തി​ന്റെ അ​ക​മ്പ​ടി​യോ​ടെ പു​റ​ത്തേ​ക്ക് എ​ഴു​ന്ന​ള്ളി​യ ശേ​ഷം മേ​ളം വ​ട​ക്കു​ന്നാ​ഥ​നി​ൽ കൊ​ട്ടി​ക്ക​ലാ​ശി​ച്ചു. ച​ന്ദ്ര​പു​ഷ്‌​ക​ർ​ണി​യി​ൽ ആ​റാ​ട്ട് ന​ട​ത്തി ദേ​വി ക്ഷേ​ത്ര​ത്തി​ലേ​ക്ക് മ​ട​ങ്ങി. കി​ഴ​ക്കൂ​ട്ട് അ​നി​യ​ൻ മാ​രാ​രു​ടെ നേ​തൃ​ത്വ​ത്തി​ലാ​യി​രു​ന്നു മേ​ളം. പി. ​ബാ​ല​ച​ന്ദ്ര​ൻ എം.​എ​ൽ.​എ, ക​ല​ക്ട​ർ വി.​ആ​ർ. കൃ​ഷ്ണ​തേ​ജ, മു​ൻ മ​ന്ത്രി വി.​എ​സ്. സു​നി​ൽ കു​മാ​ർ, കൗ​ൺ​സി​ല​ർ പൂ​ർ​ണി​മ സു​രേ​ഷ്, തി​രു​വ​മ്പാ​ടി ദേ​വ​സ്വം പ്ര​സി​ഡ​ന്റ് ടി.​എ. സു​ന്ദ​ർ​മേ​നോ​ൻ, സെ​ക്ര​ട്ട​റി കെ. ​ഗി​രീ​ഷ് കു​മാ​ർ, ദേ​വ​സ്വം ഭാ​ര​വാ​ഹി​ക​ൾ, പാ​റ​മേ​ക്കാ​വ് ദേ​വ​സ്വം സെ​ക്ര​ട്ട​റി ജി. ​രാ​ജേ​ഷ്, പ്ര​സി​ഡ​ന്റ് എം. ​ബാ​ല​ഗോ​പാ​ൽ തു​ട​ങ്ങി​യ​വ​ർ കൊ​ടി​യേ​റ്റ ച​ട​ങ്ങു​ക​ളി​ൽ പ​ങ്കെ​ടു​ത്തു.

ഘ​ട​ക​ക്ഷേ​ത്ര​മാ​യ ലാ​ലൂ​രി​ലാ​യി​രു​ന്നു ആ​ദ്യ കൊ​ടി​യേ​റ്റം. പി​ന്നീ​ട് അ​യ്യ​ന്തോ​ൾ കാ​ർ​ത്യാ​യ​നി ക്ഷേ​ത്ര​ത്തി​ലും വൈ​കീ​ട്ട് ചെ​മ്പൂ​ക്കാ​വ്, പ​ന​മു​ക്കും​പി​ള്ളി, പൂ​ക്കാ​ട്ടി​ക്ക​ര-​കാ​ര​മു​ക്ക്, ക​ണി​മം​ഗ​ലം, ചൂ​ര​ക്കോ​ട്ടു​കാ​വ്, കു​റ്റൂ​ർ നെ​യ്ത​ല​ക്കാ​വ് ക്ഷേ​ത്ര​ങ്ങ​ളി​ലും കൊ​ടി​യേ​റി. 30നാ​ണ് തൃ​ശൂ​ർ പൂ​രം. 28നാ​ണ് സാ​മ്പി​ൾ വെ​ടി​ക്കെ​ട്ട്.