വ​രൂ...​വാ​ദ്യ-​മേ​ള ‘സ​ദ്യ​യു​ണ്ണാം’

തൃ​ശൂ​ർ: വാ​ദ്യ​വും മേ​ള​വും ആ​സ്വ​ദി​ക്കു​ന്ന​വ​ർ​ക്ക്​ തൃ​ശൂ​ർ പൂ​രം അ​തി​നാ​യു​ള്ള​ത് മാ​ത്ര​മു​ള്ള​താ​ണ്. മ​റ്റ്​ കാ​ഴ്ച​ക​ളെ​ക്കാ​ൾ അ​വ​ർ​ക്കി​ഷ്ടം മേ​ള​പ്പെ​രു​ക്കം കൂ​ടു​കൂ​ട്ടു​ന്ന ഇ​ട​ങ്ങ​ളാ​ണ്. ഇ​ത്ത​ര​ക്കാ​ർ​ക്കു​ള്ള ‘സ​ദ്യ വി​ള​മ്പു​ന്ന’ ഇ​ട​ങ്ങ​ളു​ണ്ട്​ പൂ​ര​ത്തി​ൽ.

ചൊ​വ്വാ​ഴ്ച അ​തി​രാ​വി​ലെ ക​ണി​മം​ഗ​ലം ശാ​സ്താ​വി​ന്‍റെ വ​ര​വി​നൊ​പ്പം പ​ഞ്ച​വാ​ദ്യ​വും പാ​ണ്ടി​യും പ​ഞ്ചാ​രി​യും മാ​റി മാ​റി പൂ​ര​ന​ഗ​രി​യെ കൊ​ഴു​പ്പി​ക്കും. ഘ​ട​ക പൂ​ര​ങ്ങ​ളാ​ണ് ആ​ദ്യം വാ​ദ്യ വി​സ്മ​യ​ത്തി​ലേ​ക്ക്​ ആ​സ്വാ​ദ​ക​രെ ക്ഷ​ണി​ക്കു​ന്ന​ത്.

അ​തി​ന്‍റെ വാ​ല​റ്റ​ത്ത്​ പ്ര​ധാ​ന പൂ​ര​ങ്ങ​ളാ​യ തി​രു​വ​മ്പാ​ടി​യും പാ​റ​മേ​ക്കാ​വും ക​ണ്ണി ചേ​രു​ന്ന​തോ​ടെ ആ​സ്വാ​ദ​നം പാ​ര​മ്യ​ത്തി​ലെ​ത്തും. ചൂ​ര​ക്കോ​ട്ടു​കാ​വി​നും നെ​യ്ത​ല​ക്കാ​വി​നും മേ​ളം മാ​ത്രം, മ​റ്റ് ഘ​ട​ക ക്ഷേ​ത്ര​ങ്ങ​ൾ​ക്കെ​ല്ലാം പ​ഞ്ച​വാ​ദ്യ​വു​മു​ണ്ട്.

പ​ന​മു​ക്കും​പി​ള്ളി​ക്ക്​ മാ​ത്ര​മാ​ണ് പ​ഞ്ചാ​രി. തി​രു​വ​മ്പാ​ടി​യു​ടെ മ​ഠ​ത്തി​ൽ വ​ര​വും മേ​ള​വും പാ​റ​മേ​ക്കാ​വി​ന്‍റെ ഇ​ല​ഞ്ഞി​ത്ത​റ മേ​ള​വും രാ​ത്രി പ​ഞ്ച​വാ​ദ്യ​വും ആ​കു​മ്പോ​ൾ ‘വാ​ദ്യ​സ​ദ്യ’ കെ​​ങ്കേ​മ​മാ​കും.

മ​ഠ​ത്തി​ൽ വ​ര​വ് പ​ഞ്ച​വാ​ദ്യം -രാ​വി​ലെ 11.30

തൃ​ശൂ​ർ പൂ​ര​ത്തി​ലെ ‘പ​ഞ്ചാ​മൃ​തം’ എ​ന്നാ​ണ് മ​ഠ​ത്തി​ൽ വ​ര​വ് പ​ഞ്ച​വാ​ദ്യ​ത്തി​ന്‍റെ വി​ശേ​ഷം. മ​ഠ​ത്തി​ൽ വ​ര​വ് പ​ഞ്ച​വാ​ദ്യ​ത്തി​ലെ നി​റ​സാ​ന്നി​ധ്യം കോ​ങ്ങാ​ട് മ​ധു​വി​നാ​ണ്​ ഇ​ത്ത​വ​ണ​യും പ്ര​മാ​ണം.

ക​രി​യ​ന്നൂ​ർ നാ​രാ​യ​ണ​ൻ ന​മ്പൂ​തി​രി​യും കോ​ങ്ങാ​ട് മോ​ഹ​ന​നും ഇ​ടം, വ​ലം കൂ​ട്ടാ​കു​മ്പോ​ൾ മ​ദ്ദ​ള​ത്തി​ൽ കോ​ട്ട​ക്ക​ൽ ര​വി പ്ര​മാ​ണി​യാ​യു​ണ്ട്. പ​ല്ല​ശ്ശ​ന സു​ധാ​ക​ര​ൻ ഇ​ട​യ്ക്ക​യി​ലും മ​ഠ​ത്തി​ൽ മ​ണി​ക​ണ്ഠ​ൻ കൊ​മ്പി​ലും നാ​യ​ക​ത്വം വ​ഹി​ക്കും. താ​ള​പ്ര​മാ​ണി ചേ​ല​ക്ക​ര സൂ​ര്യ​നാ​ണ്. ശം​ഖ്​ കോ​ട​ന്നൂ​ർ ശ​ങ്ക​ര​നും.

മേ​ളം - 2.30

തി​രു​വ​മ്പാ​ടി​യു​ടെ മേ​ളം ആ​രം​ഭി​ക്കു​ന്ന​ത് നാ​യ്ക്ക​നാ​ലി​ൽ പ​ഞ്ച​വാ​ദ്യം കൊ​ട്ടി​ക്കാ​ലാ​ശി​ച്ച ശേ​ഷ​മാ​ണ്. കി​ഴ​ക്കൂ​ട്ട് അ​നി​യ​ൻ മാ​രാ​ർ പാ​റ​മേ​ക്കാ​വി​ന്‍റെ ഇ​ല​ഞ്ഞി​ത്ത​റ മേ​ള​ത്തി​ന്‍റെ പ്ര​മാ​ണി​യാ​യ​തോ​ടെ തി​രു​വ​മ്പാ​ടി​യു​ടെ നാ​യ​ക​ത്വം ല​ഭി​ച്ച ചേ​രാ​നെ​ല്ലൂ​ർ ശ​ങ്ക​ര​ൻ​കു​ട്ടി മാ​രാ​ർ ത​ന്നെ​യാ​ണ് ഇ​ക്കു​റി​യും പ്ര​മാ​ണം.

ത​ലോ​ർ പീ​താം​ബ​ര​ൻ മാ​രാ​ർ​ക്കാ​ണ്​ വീ​ക്കം ചെ​ണ്ട പ്ര​മാ​ണം. കു​ഴ​ലി​ന് കൊ​മ്പ​ത്ത് അ​നി​ൽ​കു​മാ​റും താ​ള​ത്തി​ന് ഏ​ഷ്യാ​ഡ് ശ​ശി​യും കൊ​മ്പി​ന് ഓ​ട​ക്ക​ലി മു​ര​ളി​യും നേ​തൃ​ത്വം ന​ൽ​കും.

ഇ​ല​ഞ്ഞി​ത്ത​റ മേ​ളം -ഉ​ച്ചക്ക് 2.00

അ​സാ​മാ​ന്യ സിം​ഫ​ണി​യെ​ന്ന ലോ​ക ഖ്യാ​തി​യു​ള്ള പാ​റ​മേ​ക്കാ​വി​ന്‍റെ ‘ഇ​ല​ഞ്ഞി​ത്ത​റ മേ​ളം’ ആ​ക​ർ​ഷ​കമാ​ണ്. വ​ട​ക്കും​നാ​ഥ​ന്‍റെ മ​തി​ല​ക​ത്ത്​ ഇ​ല​ഞ്ഞി​യു​ടെ ചാ​രെ ഉ​ച്ച​ക്ക്​ മേ​ള​ത്തി​ന്​ കോ​ല്​ വീ​ഴും. കി​ഴ​ക്കൂ​ട്ട് അ​നി​യ​ൻ മാ​രാ​രു​ടെ മൂ​ന്നാം ത​വ​ണ​ത്തെ പ്ര​മാ​ണ​ത്തി​ന് ഇ​ത്ത​വ​ണ ഇ​ല​ഞ്ഞി​ചു​വ​ട് സാ​ക്ഷ്യം വ​ഹി​ക്കു​ന്ന​ത്.

പെ​രു​വ​നം സ​തീ​ശ​ൻ, പ​ഴു​വി​ൽ ര​ഘു എ​ന്നി​വ​ർ കി​ഴ​ക്കൂ​ട്ടി​ന്​ കൂ​ട്ട്​ നി​ൽ​ക്കും. വീ​ക്കം ചെ​ണ്ട പെ​രു​വ​നം ഗോ​പാ​ല​കൃ​ഷ്ണ​ന്‍റെ​യും കൊ​മ്പ്​ മ​ച്ചാ​ട് രാ​മ​ച​ന്ദ്ര​ന്‍റെ​യും ഇ​ല​ത്താ​ളം ചേ​ർ​പ്പ് ന​ന്ദ​ന്‍റെ​യും കൈ​ക​ളി​ൽ ഭ​ദ്ര​മാ​വും.

പ​ഞ്ച​വാ​ദ്യം -രാ​ത്രി 11.00

പാ​റ​മേ​ക്കാ​വി​ന് പ​ഞ്ച​വാ​ദ്യം രാ​ത്രി​യാ​ണ്. പ​ക​ൽ പൂ​ര​ത്തി​ന് ശേ​ഷം ക്ഷേ​ത്ര​ത്തി​ൽ തി​രി​ച്ചെ​ത്തു​ന്ന ഭ​ഗ​വ​തി രാ​ത്രി 11നാ​ണ് വീ​ണ്ടും എ​ഴു​ന്ന​ള്ളു​ന്ന​ത്. ചോ​റ്റാ​നി​ക്ക​ര ന​ന്ദ​പ്പ​ൻ മാ​രാ​രാ​ണ്​ പ​ഞ്ച​വാ​ദ്യ​ത്തി​ന്‍റെ നാ​യ​ക​ൻ.

ക​ലാ​മ​ണ്ഡ​ലം കു​ട്ടി​നാ​രാ​യ​ണ​ൻ മ​ദ്ദ​ള​ത്തി​ലും മ​ച്ചാ​ട്​ രാ​മ​ച​ന്ദ്ര​ൻ കൊ​മ്പി​ലും നേ​തൃ​ത്വം ന​ൽ​കും. താ​ള​ത്തി​ൽ പ​ര​ക്കാ​ട് ബാ​ബു​വും ഇ​ട​ക്ക​യി​ൽ തി​രു​വി​ല്വാ​മ​ല ജ​യ​നും ശം​ഖി​ൽ മാ​ക്കോ​ത്ത് രാ​ജ​നു​മാ​ണ് നേ​തൃ​ത്വം.