തൃശൂർ കസ്​റ്റംസ്​ ഡിവിഷൻ പിടികൂടിയത്​ 50 കോടിയുടെ കള്ളക്കടത്ത്​ സ്വർണം

തൃ​ശൂ​ർ: തൃശൂർ കസ്​റ്റംസ്​ ഡിവിഷൻ ഇതുവരെ 50 കോടിയുടെ കള്ളക്കടത്ത്​ സ്വർണം പിടികൂടിയതായി അധികൃതർ അറിയിച്ചു. 2019 ഒ​ക്​​ടോ​ബ​ർ 16ന്​ ​തൃ​ശൂ​രി​ലെ വി​വി​ധ കേ​ന്ദ്ര​ങ്ങ​ളി​ൽ​ ക​സ്​​റ്റം​സ്​ പ്രി​വ​ൻ​റി​വ്​ തൃ​ശൂ​ർ ഡി​വി​ഷ​ൻ ന​ട​ത്തി​യ പ​രി​ശോ​ധ​ന​യി​ൽ 45 കോ​ടി രൂ​പ വി​ല വ​രു​ന്ന 123 കി​ലോ​ഗ്രാം സ്വ​ർ​ണം പി​ടി​ച്ചെ​ടു​ത്ത കേ​സി​ൽ അ​ന്വേ​ഷ​ണം പൂ​ർ​ത്തി​യാ​യ​താ​യി കൊ​ച്ചി ക​സ്​​റ്റം​സ്​ ക​മീ​ഷ​ണ​ർ സു​മി​ത്​ കു​മാ​ർ വാ​ർ​ത്ത​ക്കു​റി​പ്പി​ൽ അ​റി​യി​ച്ചു.

2019-'20ൽ ​ആ​കെ 48 കോ​ടി രൂ​പ വി​ല വ​രു​ന്ന 138 കി​ലോ ക​ള്ള​ക്ക​ട​ത്ത്​ സ്വ​ർ​ണ​വും എ​ട്ടു​ല​ക്ഷം രൂ​പ​യു​ടെ വി​ദേ​ശ ക​ള്ള​ക്ക​ട​ത്ത്​ സി​ഗ​ര​റ്റും ര​ണ്ടു​ല​ക്ഷം രൂ​പ മൂ​ല്യ​മു​ള്ള വി​ദേ​ശ ക​റ​ൻ​സി​യും ഡിവിഷനിൽ പി​ടി​കൂ​ടി. 2020-'21ൽ 2.70 ​കോ​ടി രൂ​പ വി​ല​യു​ള്ള 5.80 കി​ലോ ക​ള്ള​ക്ക​ട​ത്ത്​ സ്വ​ർ​ണ​വും 20 ല​ക്ഷം രൂ​പ വി​ല​യു​ള്ള ക​ള്ള​ക്ക​ട​ത്ത്​ സി​ഗ​ര​റ്റും 1.49 കോ​ടി രൂ​പ മൂ​ല്യ​മു​ള്ള വി​ദേ​ശ ക​റ​ൻ​സി​യും 78 ല​ക്ഷം ഇ​ന്ത്യ​ൻ രൂ​പ​യും പി​ടി​ച്ചെ​ടു​ത്തു.

2019 ഒ​ക്​​ടോ​ബ​റി​ലെ റെ​യ്​​ഡു​ക​ളി​ൽ 1900 യു.​എ​സ്​ ഡോ​ള​റും 1.4 കോ​ടി രൂ​പ​യും ര​ണ്ട്​ വാ​ഹ​ന​ങ്ങ​ളും പി​ടി​ച്ചെ​ടു​ത്തി​രു​ന്നു. ക​ള്ള​ക്ക​ട​ത്ത്​ സ്വ​ർ​ണ​ത്തി​െൻറ നി​യ​മ​വി​രു​ദ്ധ വ്യാ​പാ​ര​ത്തെ​ക്കു​റി​ച്ചു​ള്ള വി​ശ​ദ​മാ​യ അ​ന്വേ​ഷ​ണ​ത്തി​ൽ സ്വ​ർ​ണം കൊ​ണ്ടു​പോ​കാ​നു​ള്ള ഇ-​വേ ബി​ല്ലി​െൻറ വ്യാ​പ​ക​മാ​യ ദു​രു​പ​യോ​ഗം വ്യ​ക്ത​മാ​യ​താ​യി ക​സ്​​റ്റം​സ്​ അ​റി​യി​ച്ചു.

ക്രെ​ഡി​റ്റ്​ വ്യാ​പാ​ര​ത്തി​നും വാ​ങ്ങ​ലി​നും നി​കു​തി ഇ​ൻ​വോ​യ്​​സ്​ ത​യാ​റാ​ക്കി​യും പ​ണി​ക്കു​ള്ള സ്വ​ർ​ണ​മെ​ന്ന പേ​രി​ൽ മു​ൻ​കാ​ല തീ​യ​തി വെ​ച്ച്​ വൗ​ച്ച​റു​ക​ൾ ഉ​ണ്ടാ​ക്കി​യും ഇ​തു​വ​ഴി ജി.​എ​സ്.​ടി അ​ട​ച്ച്​ സ്വ​ർ​ണ​ത്തി​ന്​ നി​യ​മ​സാ​ധു​ത വ​രു​ത്തി​യു​മാ​ണ്​ ദു​രു​പ​യോ​ഗം ന​ട​ന്ന​ത്.

സം​സ്ഥാ​ന​ത്തി​െൻറ വി​വി​ധ ഭാ​ഗ​ങ്ങ​ളി​ൽ​നി​ന്ന്​ 200ല​ധി​കം ഓ​ഫി​സ​ർ​മാ​ർ 2019ലെ ​റെ​യ്​​ഡു​ക​ളി​ൽ പ​​ങ്കെ​ടു​ത്തി​രു​ന്നു.

കേ​ര​ള​ത്തി​ൽ ക​സ്​​റ്റം​സ്​ ന​ട​ത്തി​യ ഏ​റ്റ​വും വ​ലി​യ റെ​യ്​​ഡാ​യി​രു​ന്നു അ​ത്. കോ​വി​ഡ്​ വ്യാ​പ​നം അ​ന്വേ​ഷ​ണ​ത്തെ ബാ​ധി​ച്ച​പ്പോ​ൾ ര​ണ്ട്​ ത​വ​ണ​യാ​യി അ​ന്വേ​ഷ​ണ കാ​ലാ​വ​ധി നീ​ട്ടി ന​ൽ​കി​യി​രു​ന്നു. 20 പേ​രെ​യാ​ണ്​ കേ​സു​മാ​യി ബ​ന്ധ​പ്പെ​ട്ട്​ അ​റ​സ്​​റ്റ്​ ചെ​യ്​​ത​ത്.

ത​മി​ഴ്​​നാ​ട്ടി​ലും കേ​ര​ള​ത്തി​ലു​മു​ള്ള വി​വി​ധ കേ​ന്ദ്ര​ങ്ങ​ളി​ൽ തു​ട​ർ പ​രി​ശോ​ധ​ന​ക​ളും ന​ട​ത്തി. ഇ​തി​ൽ ചെ​ന്നൈ​യി​ലെ​യും മ​ധു​ര​യി​ലെ​യും ചി​ല ജ്വ​ല്ല​റി​ക​ളി​ൽ​നി​ന്നാ​യി നാ​ലു​കി​ലോ ക​ള്ള​ക്ക​ട​ത്ത്​ സ്വ​ർ​ണം പി​ടി​ച്ചെ​ടു​ത്തു.

ഇ​തി​ൽ വ്യാ​ജ രേ​ഖ​ക​ൾ, ബി​ല്ലു​ക​ൾ, വൗ​ച്ച​റു​ക​ൾ, അ​ക്കൗ​ണ്ട്​ ബു​ക്കു​ക​ൾ എ​ന്നി​വ ച​മ​ച്ച​തി​ന്​ മൂ​ന്ന്​ ചാ​ർ​​ട്ടേ​ഡ്​ അ​ക്കൗ​ണ്ട​ൻ​റു​മാ​രും ര​ണ്ട്​ ടാ​ക്​​സ്​ ക​ൺ​സ​ൽ​ട്ട​ൻ​റു​മാ​രും ഉ​ൾ​പ്പെ​ടെ 100ല​ധി​കം കു​​റ്റാ​രോ​പി​ത​ർ​ക്കെ​തി​രാ​യി 29 കേ​സു​ക​ൾ എ​ടു​ത്തി​ട്ടു​ണ്ട്. 21 കാ​ര​ണം​കാ​ണി​ക്ക​ൽ നോ​ട്ടീ​സ്​ ന​ൽ​കി​യ​താ​യും ക​സ്​​റ്റം​സ്​ ക​മീ​ഷ​ണ​ർ അ​റി​യി​ച്ചു.