തൃശൂർ കോർപറേഷൻ മാസ്റ്റർ പ്ലാൻ: ഹൈകോടതി വിശദീകരണം തേടി

കൊച്ചി: തൃശൂർ കോർപറേഷൻ മാസ്റ്റർ പ്ലാൻ നടപ്പാക്കുന്നത്​ നിയമ വിരുദ്ധമായാണെന്ന ഹരജിയിൽ ഹൈകോടതി വിശദീകരണം തേടി. ടൗൺ പ്ലാനിങ്​​ ആക്​ട്​ അടക്കം ലംഘിച്ചാണ്​ പ്ലാൻ നടപ്പാക്കുന്നതെന്നാരോപിച്ച്​ തൃശൂർ സ്വദേശി ലിയോ ലൂയിസാണ്​ ഹരജി നൽകിയത്​. ​

കോർപറേഷന്‍റെ ഇത്തരം നിയമവിരുദ്ധ നടപടികൾ ഉടനടി തടയണമെന്നതടക്കം ഹരജിയിൽ ആവശ്യപ്പെടുന്നു. ആക്ഷേപങ്ങളും നിർദേശങ്ങളും അധികൃതർ പരിഗണിക്കുന്നില്ല. ഈ സാഹചര്യത്തിൽ നിലവിലെ മാസ്റ്റർ പ്ലാൻ അന്തിമമാക്കരുതെന്ന നിർദേശം നൽകണമെന്നതടക്കം ആവശ്യമുന്നയിച്ചാണ്​ ഹരജി.