ബംഗളൂരുവിൽനിന്ന് എം.ഡി.എം.എയുമായി എത്തിയ മൂന്ന് യുവാക്കൾ ​കൊല്ലത്ത് പിടിയിൽ

ബംഗളൂരുവിൽനിന്ന് മാരക മയക്കുമരുന്നായ എം.ഡി.എം.എയുമായി കേരളത്തിലേക്ക് എത്തിയ മൂന്ന് യുവാക്കൾ കൊല്ലത്ത് പിടിയിലായി. ചവറയിൽ വെച്ചാണ് 214 ഗ്രാം എം.ഡി.എം.എയുമായിയുമായി ഇവർ പിടിയിലായത്. കുണ്ടറ സ്വദേശികളായ നജ്മൽ, സെയ്താലി, അൽത്താഫ് എന്നിവരെയാണ് പൊലീസ് കസ്റ്റഡിയിലെടുത്തത്. പുലർച്ചെ മൂന്നു മണിയോടെ പൊലീസിന്റെ വാഹന പരിശോധനക്കിടെയാണ് പ്രതികൾ പിടിയിലായത്.