മൂന്നുപേരെ കടിച്ച പേപ്പട്ടിയെ പിടികൂടി കൂട്ടിലടച്ചു

കൊ​ടു​ങ്ങ​ല്ലൂ​ർ: ആ​ക്ര​മ​ണ​കാ​രി​യാ​യി ഭീ​തി​വി​ത​ച്ച പേ​പ്പ​ട്ടി​യെ പി​ടി​കൂ​ടി കൂ​ട്ടി​ല​ട​ച്ചു. ക​ടി​യേ​റ്റ ര​ണ്ടു കു​ട്ടി​ക​ൾ ഉ​ൾ​പ്പെ​ടെ മൂ​ന്നു​പേ​ർ ചി​കി​ത്സ​യി​ലാ​ണ്. എ​സ്.​എ​ൻ. പു​രം പ​ഞ്ചാ​യ​ത്തി​ലെ പി. ​വെ​മ്പ​ല്ലൂ​രി​ലാ​ണ് സം​ഭ​വം.

പ്ര​ദേ​ശ​ത്ത് ചു​റ്റി​ക്ക​റ​ങ്ങി​യി​രു​ന്ന തെ​രു​വ് നാ​യ്​ തി​ങ്ക​ളാ​ഴ്​​ച രാ​വി​ലെ മു​ത​ലാ​ണ് ആ​ക്ര​മ​ണ​കാ​രി​യാ​യ​ത്. സ്ഥി​രം ഭ​ക്ഷ​ണം ന​ൽ​കു​ന്ന മൂ​ന്ന​ര വ​യ​സു​കാ​ര​നെ അ​ക്ര​മി​ച്ചാ​യി​രു​ന്നു തു​ട​ക്കം. പി​ന്നീ​ട് ഇ​തി​നെ മെ​രു​ക്കാ​ൻ ചെ​ന്ന യു​വാ​വി​വ്​ ക​ടി​യേ​റ്റു. മ​റ്റൊ​രു കു​ട്ടി​യെ കൂ​ടി ക​ടി​ച്ചു പ​രി​ക്കേ​ൽ​പ്പി​ച്ചു. പ​രി​ക്കേ​റ്റ മൂ​വ​രും തൃ​ശൂ​ർ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ ചി​കി​ത്സ തേ​ടി. ഇ​തി​നി​ടെ മ​റ്റു പ​ല തെ​രു​വ് നാ​യ്​​ക്ക​ളെ​യും പേ​പ്പ​ട്ടി ക​ടി​ക്കാ​ൻ തു​ട​ങ്ങി.

ഭീ​തി വ്യാ​പി​ച്ച​തോ​ടെ വാ​ർ​ഡ് മെ​മ്പ​ർ കൃ​ഷ്ണേ​ന്ദു അ​ടി​യ​ന്ത​ര ന​ട​പ​ടി അ​വ​ശ്യ​പ്പെ​ട്ട് അ​ധി​കൃ​ത​രു​മാ​യി ബ​ന്ധ​പ്പെ​ടു​ക​യാ​യി​രു​ന്നു. തു​ട​ർ​ന്ന് വെ​റ്റ​റി​ന​റി ഡോ​ക്ട​ർ സെ​ബി, പ​ഞ്ചാ​യ​ത്ത് സെ​ക്ര​ട്ട​റി രാ​മ​ദാ​സ് എ​ന്നി​വ​രു​ടെ ശ്ര​മ​ഫ​ല​മാ​യി പ​രി​ശീ​ല​നം ല​ഭി​ച്ച ത​ളി​കു​ളം അ​നി​മ​ൽ കെ​യ​ർ സൊ​സൈ​റ്റി പ്ര​വ​ർ​ത്ത​ക​രെ​ത്തി. എ​ട്ടം​ഗ സം​ഘം വി​ദ​ഗ്ധ​മാ​യി പ​ട്ടി​യെ പി​ടി​കൂ​ടി കൂ​ട്ടി​ലാ​ക്കു​ക​യാ​യി​രു​ന്നു. ഇ​പ്പോ​ൾ നി​രീ​ക്ഷ​ണ​ത്തി​ലാ​ണ്.

ക​ടി​യേ​റ്റ മ​റ്റു നാ​യ്​​ക്ക​ൾ പ്ര​ദേ​ശ​ത്ത് ചു​റ്റി​ത്തി​രി​യു​ന്ന​ത് ആ​ശ​ങ്ക സൃ​ഷ്​​ടി​ച്ചി​ട്ടു​ണ്ട്. തീ​ര​ദേ​ശ​വാ​സി​ക​ൾ ജാ​ഗ്ര​ത പാ​ലി​ക്ക​ണ​മെ​ന്ന് ആ​വ​ശ്യ​പ്പെ​ട്ട് അ​ധി​കൃ​ത​ർ മൈ​ക്ക് പ്ര​ചാ​ര​ണം ന​ട​ത്തി. ലൈ​സ​ൻ​സി​ല്ലാ​തെ നാ​യ്​​ക്ക​ളെ വ​ള​ർ​ത്തു​ന്ന​തി​നെ​തി​രെ ന​ട​പ​ടി​യെ​ടു​ക്കു​മെ​ന്ന്​ മു​ന്ന​റി​യി​പ്പു​ണ്ട്.