വ്യവസായിയെ മൈസൂരിലെത്തിച്ച് മൂന്ന്​ ലക്ഷം കവർച്ച; കൊ​ടു​വ​ള്ളി സ്വദേശി അറസ്​റ്റിൽ

കൊ​ച്ചി: പെ​ണ്ണു​കാ​ണാ​ൻ എ​ന്ന വ്യാ​ജേ​ന വ്യ​വ​സാ​യി​യെ എ​റ​ണാ​കു​ള​ത്തു​നി​ന്ന്​ മൈ​സൂ​രി​ലെ​ത്തി​ച്ച്​ ഭീ​ഷ​ണി​പ്പെ​ടു​ത്തി മൂ​ന്ന്​ ല​ക്ഷം ത​ട്ടി​യ സം​ഭ​വ​ത്തി​ൽ ഒ​ളി​വി​ലി​രു​ന്ന ര​ണ്ടാം പ്ര​തി അ​റ​സ്​​റ്റി​ൽ.

താ​മ​ര​ശ്ശേ​രി കൊ​ടു​വ​ള്ളി വാ​വാ​ട് ബീ​രാ​െൻറ വീ​ട്ടി​ൽ അ​ൻ​വ​ർ ഇ​ബ്രാ​ഹി​മി​നെ​യാ​ണ്​ (43) എ​റ​ണാ​കു​ളം സെ​ൻ​ട്ര​ൽ പൊ​ലീ​സ് കോ​ഴി​ക്കോ​ടു​​നി​ന്ന്​ അ​റ​സ്​​റ്റ്​ ചെ​യ്ത​ത്. ക​ഴി​ഞ്ഞ​വ​ർ​ഷം ഫെ​ബ്രു​വ​രി​യി​ലാ​ണ്​ സം​ഭ​വം.

എ​റ​ണാ​കു​ള​ത്ത് ബി​സി​ന​സ് ന​ട​ത്തു​ന്ന കോ​ഴി​ക്കോ​ട് സ്വ​ദേ​ശി​യാ​ണ് ത​ട്ടി​പ്പി​നി​ര​യാ​യ​ത്. ഇ​യാ​ളു​മാ​യി സൗ​ഹൃ​ദം സ്ഥാ​പി​ച്ച പ്ര​തി​ക​ൾ മൈ​സൂ​രി​ൽ പെ​ണ്ണു​കാ​ണാ​ൻ എ​ന്നു​പ​റ​ഞ്ഞ് കൊ​ണ്ടു​പോ​യി. മൈ​സൂ​രി​ലെ അ​ജ്ഞാ​ത സ്ഥ​ല​ത്ത്​ പെ​ൺ​കു​ട്ടി​യും മാ​താ​പി​താ​ക്ക​ളും ഉ​ള്ള വീ​ട്ടി​ലെ​ത്തി​ച്ച്​ പെ​ൺ​കു​ട്ടി​യു​മാ​യി സം​സാ​രി​ക്കാ​മെ​ന്ന് പ​റ​ഞ്ഞ്​ മു​റി​യി​ൽ ക​യ​റ്റി​യ ശേ​ഷം പൂ​ട്ടി.

ഉ​ട​ൻ ക​ർ​ണാ​ട​ക പൊ​ലീ​സെ​ന്ന്​ പ​റ​ഞ്ഞ് സം​ഘാം​ഗ​ങ്ങ​ൾ വീ​ട്ടി​ലെ​ത്തി വ്യ​വ​സാ​യി​യെ ഭീ​ഷ​ണി​പ്പെ​ടു​ത്തി. ന​ഗ്​​ന​ഫോ​ട്ടോ​ക​ൾ എ​ടു​ത്തു. കൈ​യി​ലു​ണ്ടാ​യി​രു​ന്ന ല​ക്ഷം രൂ​പ​യും വി​ല​പി​ടി​പ്പു​ള്ള വാ​ച്ചും കൈ​ക്ക​ലാ​ക്കി.

മു​ദ്ര​പ്പ​ത്ര​ങ്ങ​ളി​ൽ ഒ​പ്പി​ടു​വി​ച്ച ശേ​ഷം നാ​ദാ​പു​ര​ത്തെ​ത്തി​ച്ച്​ ര​ണ്ടു ല​ക്ഷം കൂ​ടി ത​ട്ടി. പീ​ഡ​ന​ക്കേ​സി​ലും മ​യ​ക്കു​മ​രു​ന്ന്​ കേ​സി​ലും കു​ടു​ക്കു​മെ​ന്ന്​ പ​റ​ഞ്ഞ് കൂ​ടു​ത​ൽ പ​ണം ആ​വ​ശ്യ​പ്പെ​ട്ട് ഭീ​ഷ​ണി തു​ട​ർ​ന്ന​തോ​ടെ​യാ​ണ് പ​രാ​തി ന​ൽ​കി​യ​ത്. മൂ​ന്നാം പ്ര​തി​യെ നേ​ര​േ​ത്ത അ​റ​സ്​​റ്റ്​ ചെ​യ്തി​രു​ന്നു. മ​റ്റ്​ പ്ര​തി​ക​ളെ അ​ന്വേ​ഷി​ച്ചു വ​രു​ന്നു.