മലപ്പുറം അരീക്കോട് കോഴി വേസ്റ്റ് പ്ലാന്‍റിൽ വീണ് മൂന്ന് തൊഴിലാളികൾ മരിച്ചു

അ​രീ​ക്കോ​ട് (മ​ല​പ്പു​റം): ഊ​ർ​ങ്ങാ​ട്ടി​രി​യി​ൽ കോ​ഴി​മാ​ലി​ന്യ സം​സ്ക​ര​ണ പ്ലാ​ന്റി​ലെ ടാ​ങ്ക് വൃ​ത്തി​യാ​ക്കു​ന്ന​തി​നി​ടെ മൂ​ന്ന് അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ൾ​ക്ക് ദാ​രു​ണാ​ന്ത്യം. അ​സം സ്വ​ദേ​ശി​ക​ളാ​യ സ​മ​ദ് അ​ലി (20), ഹി​തേ​ഷ് ശ​ര​ണ്യ (46), ബി​ഹാ​ര്‍ സ്വ​ദേ​ശി വി​കാ​സ് കു​മാ​ര്‍ (29) എ​ന്നി​വ​രാ​ണ് മ​രി​ച്ച​ത്. ബു​ധ​നാ​ഴ്ച രാ​വി​ലെ 11ഓ​ടെ ഊ​ർ​ങ്ങാ​ട്ടി​രി ക​ള​പ്പാ​റ​യി​ൽ സ്വ​കാ​ര്യ വ്യ​ക്തി​യു​ടെ ഉ​ട​മ​സ്ഥ​ത​യി​ലു​ള്ള കെ.​ടി ഹാ​ച്ച​റി​യി​ലാ​ണ് സം​ഭ​വം.

പ്ലാ​ന്റി​ലെ സ്ഥി​രം ജീ​വ​ന​ക്കാ​രാ​യ മൂ​വ​രെ​യും രാ​വി​ലെ മു​ത​ൽ കാ​ണാ​താ​യി​രു​ന്നു. മ​റ്റു ജീ​വ​ന​ക്കാ​ർ തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. തു​ട​ർ​ന്ന് അ​ക​ത്ത് ന​ട​ത്തി​യ തി​ര​ച്ചി​ലി​ലാ​ണ് മൂ​വ​രെ​യും ടാ​ങ്കി​ൽ കു​ഴ​ഞ്ഞു​വീ​ണ നി​ല​യി​ൽ ക​ണ്ടെ​ത്തി​യ​ത്. ടാ​ങ്ക് വെ​ട്ടി​പ്പൊ​ളി​ച്ച് പ്ലാ​ന്റി​ലെ തൊ​ഴി​ലാ​ളി​ക​ളും നാ​ട്ടു​കാ​രും ഇ​വ​രെ മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

പ്ലാ​ന്റി​ലെ വാ​ട്ട​ർ ലെ​വ​ലും മ​റ്റും പ​രി​ശോ​ധി​ക്കാ​നു​ള്ള ചു​മ​ത​ല​യു​ണ്ടാ​യി​രു​ന്ന​ത് സ​മ​ദ് അ​ലി​ക്കാ​ണ്. ഇ​യാ​ളെ ര​ക്ഷി​ക്കാ​ൻ ശ്ര​മി​ക്ക​വെ​യാ​ണ് ഹി​തേ​ഷും വി​കാ​സും ടാ​ങ്കി​ൽ വീ​ണ​തെ​ന്നാ​ണ് പ്രാ​ഥ​മി​ക നി​ഗ​മ​നം. കോ​ഴി​മാ​ലി​ന്യം സം​സ്ക​രി​ക്കു​ന്ന പ്ലാ​ന്റി​ലെ 5000 ലി​റ്റ​റി​ന്റെ പ്ലാ​സ്റ്റി​ക് ടാ​ങ്കി​ലെ വി​ഷ​വാ​ത​കം ശ്വ​സി​ച്ച​താ​ണ് മ​ര​ണ​കാ​ര​ണ​മെ​ന്നാ​ണ് സൂ​ച​ന. പൊലീസും അ​ഗ്നി​ര​ക്ഷാ​സേ​നയും ഊ​ർ​ങ്ങാ​ട്ടി​രി ഗ്രാ​മ​പ​ഞ്ചാ​യ​ത്ത് അ​ധി​കൃ​ത​ർ, റ​വ​ന്യൂ-​മാ​ലി​ന്യ സം​സ്ക​ര​ണ ബോ​ർ​ഡ് ഉ​ദ്യോ​ഗ​സ്ഥ​ർ തുടങ്ങിയവർ സ്ഥ​ല​ത്തെ​ത്തി.

മൂ​ന്നു പേ​രു​ടെ​യും മൃ​ത​ദേ​ഹ​ങ്ങ​ൾ മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി മോ​ർ​ച്ച​റി​യി​ൽ സൂ​ക്ഷി​ച്ചി​രി​ക്കു​ക​യാ​ണ്. ടാ​ങ്കി​ൽ ഇ​റ​ങ്ങേ​ണ്ട ആ​വ​ശ്യ​മി​ല്ലെ​ന്നാ​ണ് പ്ലാ​ന്റ് ന​ട​ത്തി​പ്പു​കാ​ർ പ​റ​യു​​ന്ന​ത്. കൊ​ണ്ടോ​ട്ടി ഡി​വൈ.​എ​സ്.​പി സ​ന്തോ​ഷ്, അ​രീ​ക്കോ​ട് എ​സ്.​എ​ച്ച്.​ഒ സി​ജി​ത്ത് ഉ​ൾ​പ്പെ​ടെ​യു​ള്ള​വ​രു​ടെ നേ​തൃ​ത്വ​ത്തി​ൽ അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്.