യുവാവിനെ അടിച്ചുകൊന്ന കേസിൽ മൂന്നു സുഹൃത്തുക്കൾ അറസ്റ്റിൽ

കു​ന്നം​കു​ളം: ചി​റ്റ​ഞ്ഞൂ​രി​ൽ യു​വാ​വി​നെ സം​ഘം​ചേ​ർ​ന്ന് മ​ർ​ദി​ച്ച് കൊ​ല​പ്പെ​ടു​ത്തി​യ സം​ഭ​വ​ത്തി​ൽ മൂ​ന്നു​പേ​രെ പൊ​ലീ​സ് അ​റ​സ്റ്റ് ചെ​യ്തു. ചെ​റു​വ​ത്താ​നി സ്വ​ദേ​ശി​ക​ളാ​യ പോ​ലി​യ​ത്ത് വീ​ട്ടി​ൽ ഷി​ജി​ത്ത് (27), ഉ​ള്ളി​ശ്ശേ​രി ചു​ങ്ക​ത്ത് വീ​ട്ടി​ൽ ശ്രീ​ശാ​ന്ത് (23), ചി​റ്റ​ഞ്ഞൂ​ർ മൂ​ർ​ത്താ​ട്ടി​ൽ വീ​ട്ടി​ൽ വി​ഷ്ണു​രാ​ജ് (27) എ​ന്നി​വ​രെ​യാ​ണ് കു​ന്നം​കു​ളം സ്റ്റേ​ഷ​ൻ ഹൗ​സ് ഓ​ഫി​സ​ർ യു.​കെ. ഷാ​ജ​ഹാ​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം അ​റ​സ്റ്റ് ചെ​യ്ത​ത്.

ചെ​റു​വ​ത്താ​നി അ​മ്മാ​ട്ട് വീ​ട്ടി​ൽ ര​വി​യു​ടെ മ​ക​ൻ വി​ഷ്ണു (കു​ഞ്ഞ​ൻ-26) ഞാ​യ​റാ​ഴ്ച രാ​ത്രി​യാ​ണ് കൊ​ല്ല​പ്പെ​ട്ട​ത്. മ​രി​ച്ച വി​ഷ്ണു​വും അ​റ​സ്റ്റി​ലാ​യ​വ​രും സ​മീ​പ​വാ​സി​ക​ളും സു​ഹൃ​ത്തു​ക്ക​ളു​മാ​ണ്. മ​ർ​ദ​ന​ത്തി​ൽ ക​ഴു​ത്തി​ലെ ഞ​ര​മ്പു​ക​ൾ​ക്കേ​റ്റ ക്ഷ​ത​മാ​ണ് മ​ര​ണ​കാ​ര​ണ​മെ​ന്ന് പൊ​ലീ​സ് വ്യ​ക്ത​മാ​ക്കി. ചി​റ്റ​ഞ്ഞൂ​രി​ൽ പാ​ക്ക​ത്ത് ശ്രീ​ക്കു​ട്ട​ൻ എ​ന്ന ആ​ന​യെ ത​ള​ച്ചി​രു​ന്ന പ​റ​മ്പി​നു സ​മീ​പം​വെ​ച്ചാ​യി​രു​ന്നു മ​ർ​ദ​നം.

മ​രി​ച്ച വി​ഷ്ണു ഉ​ൾ​പ്പെ​ടെ എ​ല്ലാ​വ​രും സം​ഭ​വ​സ​മ​യം മ​ദ്യ​ല​ഹ​രി​യി​ലാ​യി​രു​ന്നു. വി​ഷ്ണു ആ​ന​പ്പാ​പ്പാ​ന്മാ​രു​ടെ അ​ടു​ത്ത് മ​ദ്യ​പി​ച്ചി​രി​ക്കെ ബൈ​ക്കി​ലെ​ത്തി​യ പ്ര​തി​ക​ൾ അ​വി​ടെ​നി​ന്ന് വി​ളി​ച്ച് റോ​ഡി​ലി​റ​ക്കി മ​ർ​ദി​ക്കു​ക​യാ​യി​രു​ന്നു.

കൈ​കൊ​ണ്ടാ​ണ് ഇ​വ​ർ മ​ർ​ദി​ച്ച​തെ​ന്നും പൊ​ലീ​സ് പ​റ​ഞ്ഞു. മ​ർ​ദ​ന​ത്തി​ൽ കു​ഴ​ഞ്ഞു​വീ​ണ വി​ഷ്ണു​വി​നെ ഞാ​യ​റാ​ഴ്ച രാ​ത്രി ഒ​മ്പ​തോ​ടെ സം​ഘ​ത്തി​ലെ ര​ണ്ടു​പേ​ർ ബൈ​ക്കി​ലി​രു​ത്തി കു​ന്നം​കു​ള​ത്തെ ദ​യ റോ​യ​ൽ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​രി​ച്ചി​രു​ന്നു. അ​റ​സ്റ്റി​ലാ​യ പ്ര​തി വി​ഷ്ണു​രാ​ജും മ​രി​ച്ച വി​ഷ്ണു​വും ത​മ്മി​ൽ ഒ​രു മാ​സം മു​മ്പ് സം​ഘ​ട്ട​നം ന​ട​ന്നി​രു​ന്നു. ഇ​തി​ന്റെ വൈ​രാ​ഗ്യം മ​ർ​ദ​ന​ത്തി​ന് കാ​ര​ണ​മാ​യ​താ​യി പൊ​ലീ​സ് പ​റ​ഞ്ഞു.

ആ​ന​യെ ത​ള​ക്കു​ന്നി​ട​ത്ത് വി​ഷ്ണു ചെ​ന്നി​രി​ക്കു​ന്ന​തി​നെ ചൊ​ല്ലി​യും ത​ർ​ക്കം നി​ല​നി​ന്നി​രു​ന്നു. വാ​ക്കേ​റ്റ​ത്തെ തു​ട​ർ​ന്ന് റോ​ഡി​ലേ​ക്ക് വി​ളി​ച്ച് കൂ​ട്ട​മാ​യി മ​ർ​ദി​ക്കു​ന്ന​തി​നി​ടെ വി​ഷ്ണു താ​ഴെ വീ​ണു. വി​ഷ്ണു​വി​ന്റെ ത​ല​ക്കും ക​ഴു​ത്തി​ലും ദേ​ഹ​ത്തി​ന്റെ പ​ല​യി​ട​ത്തും മ​ർ​ദ​ന​മേ​റ്റി​രു​ന്നു. മ​ർ​ദി​ക്കു​ന്ന​ത് സ​മീ​പ​ത്തെ സി.​സി.​ടി.​വി​യി​ൽ പ​തി​ഞ്ഞ​തി​നാ​ൽ പ്ര​തി​ക​ളെ ക​ണ്ടെ​ത്താ​നും എ​ളു​പ്പ​മാ​യി.

മ​ര​ണ​വി​വ​ര​മ​റി​ഞ്ഞ് സ്ഥ​ല​ത്തെ​ത്തി​യ പൊ​ലീ​സ് കൊ​ല​പാ​ത​ക​മാ​ണെ​ന്ന് നി​ഗ​മ​ന​ത്തി​ലെ​ത്തി​യി​രു​ന്നു. മ​രി​ച്ച വി​ഷ്ണു അ​ലു​മി​നി​യം ഫാ​ബ്രി​ക്കേ​ഷ​ൻ തൊ​ഴി​ലാ​ളി​യാ​യി​രു​ന്നു. മൃ​ത​ദേ​ഹം മെ​ഡി​ക്ക​ൽ കോ​ള​ജി​ൽ പോ​സ്റ്റ്മോ​ർ​ട്ട​ത്തി​നു​ശേ​ഷം ബ​ന്ധു​ക്ക​ൾ​ക്ക് വി​ട്ടു​കൊ​ടു​ത്തു. പ്ര​തി​ക​ളെ ചൊ​വ്വാ​ഴ്ച കോ​ട​തി​യി​ൽ ഹാ​ജ​രാ​ക്കും. മ​രി​ച്ച വി​ഷ്ണു​വി​ന്റെ മാ​താ​വ് ര​ത്ന. ലീ​ഷ്മ, രേ​ഷ്മ എ​ന്നി​വ​ർ സ​ഹോ​ദ​രി​മാ​രാ​ണ്.