വെള്ളായണി കാർഷിക കോളജിലെ മൂന്ന് വിദ്യാർഥികൾ കോതയാറിൽ മുങ്ങിമരിച്ചു

കുലശേഖരം: വെള്ളായണി കാർഷിക കോളജിലെ മൂന്ന് വിദ്യാർഥികൾ പേച്ചിപ്പാറക്ക്​ സമീപം കോതയാറിൽ മുങ്ങിമരിച്ചു. പാറശ്ശാല പ്ലാട്ടുമൂട്ട്ക്കട വിഷ്ണു നിവാസിൽ വിജയ​​െൻറ മകൻ വിഷ്ണു (24), ശ്രീകാര്യം പാങ്ങാപ്പാറ വിവേക് വില്ലയിൽ സുഭാഷി​െൻറ മകൻ ശന്തനു (24), വെള്ളായണി വണ്ടിതടം പൊറ്റവിളവീട്ടിൽ മോഹ​​െൻറ മകൻ അരുൺ (24) എന്നിവരാണ് മരിച്ചത്.

ഞായറാഴ്ച ഉച്ചകഴിഞ്ഞാണ് സംഭവം. രണ്ട് ബൈക്കുകളിലായി എത്തിയ ഇവർ കോതയാറിന് സമീപം പവർഹൗസി​​െൻറ താഴെ പാലത്തിനടുത്ത് കുളിക്കാനിറങ്ങിയപ്പോഴാണ് മുങ്ങിമരിച്ചത്. പേച്ചിപ്പാറ പൊലീസ്, ​ ഫയർഫോഴ്സ്​ ഉദ്യോഗസ്​ഥർ, നാട്ടുകാർ ഇവർ ചേർന്നാണ് മൃതദേഹങ്ങൾ പുറത്തെടുത്തത്. മൃതദേഹങ്ങൾ കുലശേഖരം സർക്കാർ ആശുപത്രിയിൽ കൊണ്ടുപോകുമെന്നാണ് പൊലീസ്​ പറഞ്ഞത്. പേച്ചിപ്പാറ പൊലീസ്​ കേസെടുത്തു.