മൂന്നാറിൽ റിസോർട്ട് ഉടമയും സഹായിയും കൊല്ലപ്പെട്ട നിലയിൽ

രാജക്കാട്​ (ഇടുക്കി): ചിന്നക്കനാൽ ഗ്യാപ് റോഡിന്​ സമീപം ഏലത്തോട്ടത്തിൽ പ്രവർത്തിക്കുന്ന റിസോർട്ടി​​​​െൻറ ഉട മയെയും സഹായിയെയും കൊല്ലപ്പെട്ട നിലയിൽ കണ്ടെത്തി. നടുപ്പാറ ‘റിഥം ഓഫ് മൈൻഡ്‌സ്’ റിസോർട്ട് ഉടമ കോട്ടയം മാന്നാ നം കൊച്ചക്കൽ ജേക്കബ് വർഗീസ് (രാജേഷ് -40), ജേക്കബി​​​​െൻറ സഹായി പെരിയകനാൽ ടോപ്​ ഡിവിഷൻ എസ്​റ്റേറ്റ്​ ലയത്തിൽ മു ത്തയ്യ (55) എന്നിവരാണ്​ മരിച്ചത്. ജേക്കബ്​ വെടിയേറ്റ് മരിച്ചനിലയിൽ ഏലച്ചെടികൾക്കിടയിലും തലക്ക് വെട്ടേറ്റ് മരിച ്ചനിലയിൽ മുത്തയ്യയുടെ മൃതദേഹം റിസോർട്ടിന് സമീപത്തെ ഏലക്ക സ്​റ്റോറിലുമാണ്​ ഞായറാഴ്​ച ഉച്ചയോടെ കണ്ടെത്തിയത ്.

കവർച്ചയാണ്​ കൊലപാതക ലക്ഷ്യമെന്നാണ്​ പ്രാഥമിക നിഗമനം. ക്വ​േട്ടഷൻ സാധ്യതയും പൊലീസ്​ തള്ളുന്നില്ല. ഒരാഴ ്ച മുമ്പ് റിസോർട്ടിൽ ഡ്രൈവർ ജോലിക്കെത്തിയ രാജകുമാരി കുളപ്പാറച്ചാൽ സ്വദേശി പഞ്ഞിപറമ്പിൽ ബോബിനെ (30) കാണാതായിട്ട ുണ്ട്​. ഇയാൾക്കായി തിരച്ചിൽ ആരംഭിച്ചതായി ശാന്തമ്പാറ സർക്കിൾ ഇൻസ്​പെക്​ടർ എസ്​. ചന്ദ്രകുമാർ പറഞ്ഞു.

ഗ്യാപ് റോഡിന് സമീപം ജേക്കബി​​​​െൻറ ഉടമസ്ഥതയിലെ 40 ഏക്കർ ഏലത്തോട്ടത്തിലാണ് റിസോർട്ട്. മുത്തയ്യ രണ്ടു ദിവസമായി വീട്ടിൽ വരാതിരുന്നതിനെ തുടർന്ന് വീട്ടുകാർ അന്വേഷിച്ചെത്തിയപ്പോഴാണ് ഇയാൾ താമസിച്ച മുറിക്കുള്ളിൽ രക്തം തളംകെട്ടിക്കിടക്കുന്നത് കണ്ടത്. പരിശോധനയിൽ സമീപത്തെ ഏലക്ക സ്​റ്റോറിൽ മരിച്ചനിലയിൽ കണ്ടെത്തി. ഏലക്ക സ്​റ്റോറിനടുത്ത്​ റിസോട്ടിലേക്കുള്ള റോഡിൽനിന്ന്​ വലിച്ചെറിയപ്പെട്ട നിലയിലായിരുന്നു ജേക്കബി​​​​െൻറ മൃതദേഹം. രണ്ടുചാക്ക് ഉണക്ക ഏലക്ക, ജേക്കബി​​​​െൻറ മൊബൈൽ ഫോൺ, ജീപ്പ് എന്നിവ കവർന്നതായി കണ്ടെത്തിയിട്ടുണ്ട്. ശാന്തമ്പാറ സി.ഐയുടെ നേതൃത്വത്തിൽ പൊലീസ് പരിശോധന നടത്തി. ജില്ല പൊലീസ്​ മേധാവിയും സ്​ഥലത്തെത്തി.

മോഷണംപോയ ജീപ്പിൽ ബോബിൻ നെടുങ്കണ്ടത്തേക്ക് പോയതായി പൊലീസിന് വിവരം ലഭിച്ചിട്ടുണ്ട്. ഇയാളെ പിടികൂടുന്നതോടെ കൊലപാതകത്തി​​​​െൻറ ചുരുളഴിക്കാനാകുമെന്നാണ്​ ​െപാലീസി​​​​െൻറ പ്രതീക്ഷ. ജേക്കബി​​​​െൻറ തോക്കിൽനിന്നാണ് വെടി ഉതിർത്തതെന്നും റിസോർട്ടിനുള്ളിൽവെച്ചാണ് ജേക്കബിന് വെടിയേറ്റതെന്നുമാണ്​ പ്രാഥമിക നിഗമനം. വെടിയേറ്റ് രക്തം റിസോട്ടിലെ ഭിത്തിയിൽ ചിതറിത്തെറിച്ചിട്ടുണ്ട്. ഇത് കഴുകിക്കളയാൻ ശ്രമം നടത്തിയതായും സംശയിക്കുന്നു.

വെടിയേറ്റ ജേക്കബ് വെളിയിലേക്ക് ഓടി റോഡിൽ വീഴുകയായിരുന്നെന്ന്​ കരുതുന്നു. റിസോർട്ട് പുറത്തുനിന്ന്​ പൂട്ടിയ നിലയിലായിരുന്നു. വെള്ളിയാഴ്​ച അർധരാത്രി വരെ ജേക്കബ് വാട്‌സ്​ആപ്പിൽ ഓൺലൈനിൽ ഉണ്ടായിരുന്നതിനാൽ, ഇതിനുശേഷമാണ് സംഭവമെന്നാണ് നിഗമനം. ബോബിനെതിരെ പാലായിലും കൊച്ചിയിലും അടിപിടി കേസുകളുള്ളതായി പൊലീസ്​ കണ്ടെത്തിയിട്ടുണ്ട്​. ഡോ. വർഗീസാണ്​ രാജേഷി​​​​െൻറ പിതാവ്​. മാതാവ്​: ഡോ. സുശീല. ഭാര്യ: ടെസി. ഏകമകൾ: നതാനിയ. മുത്തയ്യയുടെ ഭാര്യ: മുത്തുമാരി. മക്കൾ: പവിത്ര, പവിൻ കുമാർ.

നാടിനെ നടുക്കി റിസോർട്ടിലെ കൊലപാതകം
മൂന്നാര്‍: റിസോർട്ട്​ ഉടമയെയും സഹായിയെയും കൊല്ലപ്പെട്ട നിലയിൽ കണ്ടെത്തിയെന്ന വാർത്തകേട്ട്​ മൂന്നാർ നടുങ്ങി​. ഉടമ ജേക്കബ് വർഗീസ്, പ്രദേശവാസി മുത്തയ്യ എന്നിവരുടെ മൃതദേഹങ്ങളാണ്​ ഏലത്തോട്ടത്തിലും ഏലക്ക സ്​റ്റോറിലുമായി കണ്ടെത്തിയത്​. ജീവനക്കാരനായ മുത്തയ്യയെ കാണാത്തതിനെ തുടർന്ന് വീട്ടുകാർ അന്വേഷിച്ചെത്തിയപ്പോഴാണ്​ മുറിക്കുള്ളിൽ രക്തം കിടക്കുന്നത് കണ്ടത്. തുടർന്ന് നടത്തിയ പരിശോധനയിൽ സമീപത്തെ എലക്ക സ്​റ്റോറിൽ മരിച്ചനിലയിൽ മുത്തയ്യയെ കണ്ടെത്തി. ഇതിനുശേഷമാണ് സ്​റ്റോറിന്​ സമീപത്തെ ഏലക്കാട്ടിൽനിന്ന്​ രാജേഷി​​​​െൻറ മൃതദേഹം കണ്ടെത്തിയത്. വിവരമറിഞ്ഞ് ഇടുക്കി എസ്.പി, ശാന്തമ്പാറ സി.ഐ എന്നിവരുടെ നേതൃത്വത്തിൽ പൊലീസ് സംഘം സ്ഥലത്തെത്തി. രാജേഷി​​​​െൻറ ആഡംബര കാറും ഉണങ്ങിയ ഏലക്കയും മോഷണം പോയിട്ടുണ്ട്​. തുടർന്ന്​ നടത്തിയ അന്വേഷണത്തിൽ റിസോർട്ട് ജീവനക്കാരൻ കുരുവിള സിറ്റി സ്വദേശി റോബിൻ ഒളിവിലാണെന്ന്​ കണ്ടെത്തി.

മൂന്നാർ ഗ്യാപ് റോഡിന് അടിവശത്ത്​ ഒറ്റപ്പെട്ട സ്ഥലത്താണ്​ റിസോർട്ട്​ സ്​ഥിതി ചെയ്യുന്നത്​. കൊലപാതകം പുറംലോകമറിഞ്ഞത് ഞായറാഴ്​ച ഉച്ചയോടെയാണ്​. മൃതദേഹങ്ങൾക്ക്​ രണ്ടു ദിവസത്തോളം പഴക്കമുള്ളതായാണ്​ കരുതുന്നത്​. റോഡില്‍നിന്ന്​ ഏകദേശം ഒരുകിലോമീറ്റര്‍ വാഹനത്തില്‍ കയറിവേണം ഇവിടെ എത്താന്‍. പ്രകൃതിമനോഹരമായ മേഖലയായതിനാല്‍ സഞ്ചാരികളുടെ തിരക്കേറുമെന്ന് കരുതിയാണ് റിസോർട്ട്​ നിർമിച്ചത്​. കെട്ടിടത്തില്‍ സന്ദര്‍ശകരെ എത്തിച്ചിരുന്നത് ഉടമ രാജേഷ് നേരിട്ടായിരുന്നു. സന്ദര്‍ശകര്‍ക്ക് ഭക്ഷണംനൽകാനും എസ്‌റ്റേറ്റിലെ കണക്കുകള്‍ നോക്കുന്നതിനുമാണ് മുത്തയ്യയെയും റോബിനെയും ജോലിക്കെടുത്തത്​. ഉടമയുടെ കാര്‍ റോബിന്‍ ഓടിച്ചുപോകുന്നത്​ കണ്ടതായി പ്രദേശവാസികളിലൊരാൾ പൊലീസിന്​ മൊഴിനൽകിയിട്ടുണ്ട്​. ഇയാളെ കേന്ദ്രീകരിച്ചാണ്​ അന്വേഷണം.