വെഞ്ഞാറമൂട്ടിൽ മൂന്ന് കുട്ടികളെ കാണാതായി

തിരുവനന്തപുരം: വെഞ്ഞാറമൂട് പുല്ലമ്പാറയിൽ ബന്ധുക്കളായ മൂന്ന് ആൺകുട്ടികളെ കാണാതായതായി പരാതി. 11, 13, 14 വയസുള്ള കുട്ടികളെ ഇന്നലെ രാവിലെ മുതലാണ് കാണാതായത്. രക്ഷിതാക്കളുടെ പരാതിയിൽ പൊലീസ് അന്വേഷണം തുടങ്ങി.

രാവിലെ ഒമ്പത് മുതലാണ് കുട്ടികളെ കാണാതായത്. അടുത്ത വീടുകളിൽ താമസിക്കുന്നവരും ബന്ധുക്കളുമാണ് കുട്ടികൾ.

കാണാതായ ഒരു കുട്ടിയുടെ വീട്ടിലെ കുടുക്ക പൊട്ടിച്ച് അതിലുണ്ടായിരുന്ന പണം എടുത്തതായി നാട്ടുകാർ പറയുന്നു. പൊലീസ് അന്വേഷണം ഊർജിതമാക്കി.