സാമുദായിക-വർഗീയ-മത-പാർട്ടി ചിന്തകൾക്കതീതരായി പ്രവർത്തിക്കുന്നവരെ വിജയിപ്പിക്കണം -കത്തോലിക്ക സഭ

കൊച്ചി: കത്തോലിക്കസഭക്ക്​ എല്ലാ പാർട്ടികളോടും മുന്നണികളോടും തുറന്ന സമീപനമാ​െണന്ന് െക.സി.ബി.സി പ്രസിഡൻറ് കർദിനാൾ ജോർജ് ആലഞ്ചേരി, സെക്രട്ടറി ജനറൽ ബിഷപ് ഡോ. ജോസഫ് മാർ തോമസ്, വൈസ്​ പ്രസിഡൻറ്​ ബിഷപ് ഡോ. വർഗീസ്​ ചക്കാലയ്ക്കൽ എന്നിവർ വാർത്തക്കുറിപ്പിൽ വ്യക്തമാക്കി.

പാർട്ടികളും മുന്നണികളും മുന്നോട്ടുവെക്കുന്ന വികസന പദ്ധതികളും ജനനന്മക്കുള്ള കർമപരിപാടികളും വിലയിരുത്തി അനുയോജ്യരായ നല്ല സ്ഥാനാർഥികളെ തെരഞ്ഞെടുക്കണം.

സ്വതന്ത്രമായും രാജ്യനന്മയെ കരുതിയുള്ള ശരിയായ വിലയിരുത്തലിെൻറ അടിസ്ഥാനത്തിലും വോട്ട് രേഖപ്പെടുത്തുന്നതാണ് പക്വതയാർന്ന രാഷ്​ട്രീയ പ്രവർത്തനം. ഇടുങ്ങിയ സാമുദായിക-വർഗീയ-മത-പാർട്ടി ചിന്തകൾക്കതീതരായി പ്രവർത്തിക്കുന്ന ജനപ്രതിനിധികളെയാണ് ആവശ്യം.

മതസാംസ്​കാരിക, സാമുദായിക പാരമ്പര്യങ്ങൾ അനുസരിച്ച് സമാധാനപൂർവം മുന്നേറാൻ എല്ലാവർക്കും അവസരം സൃഷ്​ടിക്കുക, മതസൗഹാർദം നിലനിർത്താനുതകുന്ന സമീപനങ്ങൾ സൃഷ്​ടിക്കുക, ദലിത് ൈക്രസ്​തവർക്ക് സംവരണംപോലുള്ള ന്യായമായ അവകാശങ്ങൾ ഉറപ്പുവരുത്തുക, നിയമനങ്ങളിൽ സുതാര്യത ഉറപ്പുവരുത്തുക, മലയോര കർഷകരുടെ കൃഷിക്കും സ്വത്തിനും സംരക്ഷണം നൽകുക, കടൽഭിത്തി നിർമാണം തുടങ്ങിയ വിഷയങ്ങൾ നടപ്പാക്കണമെന്നും സഭ അധികൃതർ ആവശ്യപ്പെട്ടു.