റ​മ്മി ക​ളി​ക്കാ​ത്ത​വ​ർ ഭാ​ഗ്യ​വാ​ന്മാ​ർ

​റമ്മി​ക​ളി​യും പ്ര​വ​ച​ന ഗെ​യി​മും എം.​പി.​എ​ല്ലും അ​ട​ക്ക​മു​ള്ള ഓ​ൺ​ലൈ​ൻ ഗെ​യി​മിെൻറ നീ​രാ​ളി​പ്പി​ടി​ത്തത്തെ കുറിച്ച്​ 'മാ​ധ്യ​മം' ന​ട​ത്തു​ന്ന അ​ന്വേ​ഷ​ണ പരമ്പരയുടെ രണ്ടാം ഭാഗം.

ഓ​ൺ​ലൈ​ൻ റ​മ്മി​ക​ളി​യി​ൽ പ​തി​യി​രി​ക്കു​ന്ന അ​പ​ക​ട​ത്തിെൻറ ആ​ഴം മ​ല​യാ​ളി​ക​ൾ​ക്ക് മു​ന്നി​ൽ തു​റ​ന്നു​കാ​ട്ടി​യ​ത് ര​ണ്ടു​പേ​രാ​ണ്. തി​രു​വ​ന​ന്ത​പു​രം വ​ഞ്ചി​യൂ​ർ സ​ബ്ട്ര​ഷ​റി​യി​ലെ സീ​നി​യ​ർ അ​ക്കൗ​ണ്ട​ൻ​റ്​ എം.​ആ​ർ. ബി​ജു​ലാ​ലും കോ​ട്ട​യം താ​ഴ​ത്ത​ങ്ങാ​ടി ദ​മ്പ​തി കൊ​ല​ക്കേ​സി​ലെ പ്ര​തി ബി​ലാ​ലും.

നാ​ട​റി​ഞ്ഞ വ​മ്പ​ൻ കേ​സു​ക​ളി​ൽ ഉ​ൾ​പ്പെ​ട്ട​തു കൊ​ണ്ടു​മാ​ത്രം ഇ​വ​രു​ടെ ക​ഥ പു​റ​ത്ത​റി​ഞ്ഞു. എ​ന്നാ​ൽ, ല​ക്ഷ​ങ്ങ​ൾ ന​ഷ്​​ട​പ്പെ​ട്ടി​ട്ടും മാ​ന​ക്കേ​ടും പ​രാ​തി​പ്പെ​ട്ടാ​ൽ കു​ടു​ങ്ങു​മോ​യെ​ന്ന പേ​ടി​യും കാ​ര​ണം പു​റ​ത്തു​പ​റ​യാ​ത്ത എ​ത്ര​യോ ഇ​ര​ക​ൾ കേ​ര​ള​ത്തി​ലെ 14 ജി​ല്ല​ക​ളി​ലു​മു​ണ്ട്.

കോ​ട്ട​യം താ​ഴ​ത്ത​ങ്ങാ​ടി ഷാ​നി മ​ൻ​സി​ലി​ൽ മു​ഹ​മ്മ​ദ് സാ​ലി (65), ഭാ​ര്യ ഷീ​ബ (60) എ​ന്നി​വ​രെ അ​വ​രു​ടെ വീ​ട്ടി​ൽ പ​ണം ത​ട്ടു​വാ​നെ​ത്തി​യ മു​ഹ​മ്മ​ദ്​ ബി​ലാ​ൽ എ​ന്ന 23കാ​ര​ൻ കൊ​ല​പ്പെ​ടു​ത്തു​ക​യാ​യി​രു​ന്നു. ഓ​ൺ​ലൈ​ൻ റ​മ്മി​ക്ക് അ​ടി​മ​യാ​യി​രു​ന്ന യു​വാ​വി​ന്​ പ​ബ്ജി, റ​മ്മി ക​ളി വ​ഴി ല​ക്ഷ​ങ്ങ​ളാ​ണ്​ ന​ഷ്​​ട​പ്പെ​ട്ട​ത്.

തു​ട​ർ​ന്ന്​ ക​ളി​ക്കാ​ന​ു​ള്ള പ​ണം മോ​ഷ്​​ടി​ക്കാ​നാ​ണ് പ​രി​ച​യ​ക്കാ​ര​നാ​യ മു​ഹ​മ്മ​ദ് സാ​ലി​യു​ടെ വീ​ട്ടി​ൽ എ​ത്തി​യ​തും കൊ​ല​യി​ൽ ക​ലാ​ശി​ച്ച​തു​മെ​ന്ന്​ പൊ​ലീ​സി​ൽ വെ​ളി​പ്പെ​ടു​ത്തി​യി​രു​ന്നു.

പ​ണ​വും പോ​യി, പി​ന്നാ​ലെ പ​ണി​യും

ഇ​നി കേ​ര​ള​ത്തി​ലെ പ്ര​മാ​ദ​മാ​യ ട്ര​ഷ​റി പ​ണം ത​ട്ടി​പ്പ്​ കേ​സി​ലെ ബി​ജു​ലാ​ലി​‍െൻറ ക​ഥ നോ​ക്കാം. ഒ​രു​വ​ർ​ഷം മു​മ്പ് ര​സ​ത്തി​ന് തു​ട​ങ്ങി​യ​താ​ണ്​ റ​മ്മി​ക​ളി. കൂ​ടു​ത​ൽ നേ​രം ജോ​ലി ചെ​യ്യു​ന്നു എ​ന്ന വ്യാ​ജേ​ന മ​ണി​ക്കൂ​റു​ക​ള്‍ ഓ​ഫി​സി​ല്‍ ഇ​രു​ന്ന് ഓ​ൺ​ലൈ​ൻ പോ​ർ​ട്ട​ലി​ൽ റ​മ്മി ക​ളി​ക്കും. പി​ന്നെ വീ​ട്ടി​ൽ വ​ന്ന്​ ഫോ​ണി​ലൂ​ടെ തു​ട​രും.

ഒ​രു സൈ​റ്റി​ൽ ഒ​രു​മാ​സം പ​ത്തു​ല​ക്ഷം രൂ​പ​ക്ക് ക​ളി​ച്ചു. ആ​കെ 70 ല​ക്ഷ​മാ​ണ് മൂ​ന്ന് ൈസ​റ്റു​ക​ളി​ൽ മാ​റി​മാ​റി ക​ളി​ച്ചു തു​ല​ച്ച​ത്. തു​ട​ക്ക​ത്തി​ൽ പ​ണം കി​ട്ടി​യ​ത് ഹ​രം കൂ​ട്ടി. കീ​ശ കാ​ലി​യാ​യ​പ്പോ​ൾ സ​ഹ​പ്ര​വ​ർ​ത്ത​ക​െൻറ 65,000 രൂ​പ ക​വ​ർ​ന്നു. അ​ധ്യാ​പി​ക​യാ​യ ഭാ​ര്യ​യു​ടെ അ​ക്കൗ​ണ്ടി​ലെ പ​ണ​വു​മെ​ടു​ത്ത്​ ക​ളി​ച്ചു. പി​ന്നെ ഓ​ഫി​സ് അ​ക്കൗ​ണ്ടി​ലെ പ​ണം സ്വ​ന്തം അ​ക്കൗ​ണ്ടി​ലേ​ക്കും ഭാ​ര്യ​യു​ടെ അ​ക്കൗ​ണ്ടി​ലേ​ക്കും മാ​റ്റി. 2.74 കോ​ടി രൂ​പ ട്ര​ഷ​റി​യി​ൽ​നി​ന്ന് ത​ട്ടി​യെ​ടു​ത്ത കേ​സി​ൽ അ​റ​സ്​​റ്റി​ലാ​യ​തോ​ടെ ജോ​ലി​യും പോ​യി.

കേ​ര​ള​ത്തി​ൽ മാ​ത്ര​മ​ല്ല, മ​റ്റു സം​സ്ഥാ​ന​ങ്ങ​ളി​ലും ബി​ജു​ലാ​ൽ​മാ​ർ ഉ​ണ്ട്. അ​ഞ്ചു​വ​ർ​ഷ​മാ​യി ആ​ന്ധ്ര​പ്ര​ദേ​ശിെ​ല പ​ഞ്ചാ​ബ് നാ​ഷ​ന​ൽ ബാ​ങ്കിെൻറ നു​സീ​വേ​ഡു ശാ​ഖ​യി​ൽ ചീ​ഫ് കാ​ഷ്യ​റാ​യി​രു​ന്നു ഗു​ന്ദ്ര ര​വി തേ​ജ. ഓ​ൺ​ലൈ​ൻ റ​മ്മി​ക​ളി​ക്കാ​യി സ് ​ഥി​ര​നി​ക്ഷേ​പ അ​ക്കൗ​ണ്ടു​ക​ളി​ലെ പ​ണം പ​തി​വാ​യി സ്വ​ന്തം അ​ക്കൗ​ണ്ടു​ക​ളി​ലേ​ക്ക് മാ​റ്റി​യി​രു​ന്നു. 1.56 കോ​ടി​യാ​ണ് ഓ​ൺ‌​ലൈ​ൻ റ​മ്മി ക​ളി​ക്കാ​ൻ ര​വി തേ​ജ വ​ക​മാ​റ്റി​യ​ത്. സ്ഥി​ര നി​ക്ഷേ​പ അ​ക്കൗ​ണ്ടു​ക​ളി​ലെ വ്യ​ത്യാ​സം ബാ​ങ്ക് മാ​നേ​ജ​ർ മോ​ഹ​ൻ റാ​വു ക​ണ്ടെ​ത്തി​യ​തോ​ടെ സം​ഗ​തി പു​റ​ത്താ​യി.

ന​ഷ്​​ട​പ്പെ​ടു​ന്ന​വ​ർ പ​റ​യാ​റി​ല്ല

ആ​ദ്യം ക​ളി​ച്ച​പ്പോ​ൾ ചെ​റി​യ തു​ക കി​ട്ടി​യെ​ന്നും പി​ന്നെ വ​ൻ​തു​ക െവ​ച്ച് ക​ളി​ച്ച​പ്പോ​ൾ അ​ഞ്ചു​ല​ക്ഷ​ത്തോ​ളം ന​ഷ്​​ട​പ്പെ​ട്ടെ​ന്നും ഓ​ൺ​ലൈ​ൻ റ​മ്മി ക​ളി​യി​ലൂ​ടെ പ​ണം ന​ഷ്​​ട​പ്പെ​ട്ട കോ​ഴി​ക്കോ​ട്ടെ സ​ർ​ക്കാ​ർ ഉ​ദ്യോ​ഗ​സ്ഥ​ൻ വ്യ​ക്ത​മാ​ക്കു​ന്നു.

ലോ​ക്ഡൗ​ണി​ൽ മൂ​ന്നു ല​ക്ഷം രൂ​പ​യാ​ണ് പോ​യ​ത്. ചി​ട്ടി​കി​ട്ടി​യ​തും വീ​ടു​പ​ണി​ക്ക് സൂ​ക്ഷി​ച്ച​തു​മാ​യ തു​ക​യാ​ണ് ക​ളി​ച്ചു​ക​ള​ഞ്ഞ​ത്. ആ​ദ്യം പ്രാ​ക്ടി​സ് ഗെ​യിം ക​ളി​ക്കുേ​മ്പാ​ൾ തോ​ന്നും പ​ണം​വെ​ച്ചു ക​ളി​ച്ചാ​ൽ കു​ടു​ത​ൽ പ​ണം കി​ട്ടു​മ​ല്ലോ​യെ​ന്ന്. അ​ങ്ങ​നെ​യാ​ണ് പ​ണം ഇ​റ​ക്കി​ത്തു​ട​ങ്ങു​ന്ന​ത്. ചെ​റി​യ തു​ക കി​ട്ടു​ന്ന​ത് വ​ലി​യ തു​ക വെ​ക്കാ​ൻ പ്ര​ചോ​ദ​ന​മാ​കും. പ​ക്ഷേ, വ​ലി​യ തു​ക​ക്ക് ക​ളി​ച്ചാ​ൽ ഒ​രി​ക്ക​ലും വി​ജ​യി​ക്കാ​ൻ ക​ഴി​യി​ല്ലെ​ന്നും അ​ദ്ദേ​ഹം സ്വ​ന്തം അ​നു​ഭ​വം സാ​ക്ഷി​യാ​ക്കി പ​റ​യു​ന്നു.

കോ​ഴി​ക്കോ​ട് ബാ​ലു​ശ്ശേ​രി സ്വ​ദേ​ശി​യാ​യ 30 വ​യ​സ്സു​ള്ള കെ​ട്ടി​ട​നി​ർ​മാ​ണ​ത്തൊ​ഴി​ലാ​ളി 2.75 ല​ക്ഷം രൂ​പ​യാ​ണ് പ​ല ത​വ​ണ​യാ​യി റ​മ്മി ക​ളി​ച്ച് ന​ശി​പ്പി​ച്ച​ത്. റ​മ്മി ക​ളി​ച്ച് പൈ​സ ന​ഷ്​​ട​പ്പെ​ട്ട 60ഓ​ളം സു​ഹൃ​ത്തു​ക്ക​ൾ ഇ​യാ​ൾ​ക്കു​ണ്ട്. 'ആ​യി​രം കി​ട്ടി​യ​വ​ർ അ​യ്യാ​യി​രം കി​ട്ടി​യെ​ന്ന്​ പ​റ​യും, പ​ക്ഷേ, അ​തി​ല​ധി​കം ന​ഷ്​​ട​പ്പെ​ടു​ന്ന​ത് ആ​രും മി​ണ്ടാ​റി​ല്ലെ'​ന്ന് യു​വാ​വ് പ​റ​യു​ന്നു.

കോ​ഴി​ക്കോ​​ട്​ സ്വ​ദേ​ശി​നി വീ​ട്ടു​ജോ​ലി ചെ​യ്ത്​ സ​മ്പാ​ദി​ച്ച മൂ​ന്ന​ര ല​ക്ഷം രൂ​പ​യാ​ണ് ഭ​ർ​ത്താ​വിെൻറ റ​മ്മി​ക​ളി​യി​ലൂ​ടെ പോ​യ​ത്. ക​ളി​ച്ച് പോ​യ പ​ണം പി​ന്നെ​യും കാ​ശെ​റി​ഞ്ഞാ​ൽ തി​രി​കെ​പി​ടി​ക്കാ​മെ​ന്ന തോ​ന്ന​ലി​ൽ ചി​ല യു​വാ​ക്ക​ൾ പ​ണ​മു​ണ്ടാ​ക്കാ​ൻ ക​ഞ്ചാ​വ്- മ​യ​ക്കു​മ​രു​ന്ന് ക​ട​ത്തി​ലേ​ക്കും തി​രി​യു​ന്നു. ഈ​യി​ടെ പി​ടി​യി​ലാ​യ പ​ല ചെ​റു​പ്പ​ക്കാ​രും ഓ​ൺ​ലൈ​ൻ ഗെ​യി​മി​ന്​ പ​ണം ക​ണ്ടെ​ത്താ​ൻ ഈ ​ജോ​ലി തി​ര​ഞ്ഞെ​ടു​ത്ത​വ​രാ​ണ്. റ​മ്മി ക​ളി​ച്ച് പ​ണം ന​ഷ്​​ട​പ്പെ​ട്ട കോ​ഴി​ക്കോ​ട്ടെ 23കാ​ര​ൻ വി​ഷ​മം മ​റ​യ്ക്കാ​ൻ അ​ഭ​യം തേ​ടി​യ​ത് ക​ഞ്ചാ​വി​ലാ​യി​രു​ന്നു. ചോ​ദ്യം ചെ​യ്ത കൂ​ലി​പ്പ​ണി​ക്കാ​ര​നാ​യ പി​താ​വി​നെ​യും കി​ട​പ്പു​രോ​ഗി​യാ​യ മാ​താ​വി​നെ​യും ക്രൂ​ര​മാ​യി ആ​ക്ര​മി​ച്ചു.

'ഓ​ൺ​ലൈ​ൻ ഗെ​യി​മു​ക​ൾ​ക്ക് യു​വാ​ക്ക​ളെ എ​ളു​പ്പ​ത്തി​ൽ അ​ടി​മ​യാ​ക്കാ​നു​ള്ള ക​ഴി​വു​ണ്ട്. അ​തി​നാ​ൽ, ഗെ​യി​മു​ക​ൾ​ക്കാ​യി അ​വ​ർ ചെ​ല​വ​ഴി​ക്കു​ന്ന പ​ണം തി​രി​ച്ച​റി​യു​ന്നി​ല്ല. ഈ ​ആ​സ​ക്തി അ​വ​രെ മ​നഃ​ശാ​സ്ത്ര​പ​ര​മാ​യും ബാ​ധി​ക്കു​ന്നു. ക​ളി​ക്കാ​ൻ ക​ഴി​യാ​തെ വ​രു​മ്പോ​ൾ അ​വ​ർ അ​ക്ര​മാ​സ​ക്ത​മാ​യി പെ​രു​മാ​റു​ക​യും ആ​ത്മ​ഹ​ത്യ​ക​ളി​ൽ അ​ഭ​യം തേ​ടു​ക​യും ചെ​യ്യു​ന്ന​താ​യി തൂ​ത്തു​ക്കു​ടി​യി​ലെ സ​ന്ന​ദ്ധ​സം​ഘ​ട​ന​യാ​യ എം.​പ​വ​റിെൻറ എ​ക്സി​ക്യൂ​ട്ടി​വ് ഡ​യ​റ​ക്ട​ർ എ. ​ശ​ങ്ക​ർ വ്യ​ക്ത​മാ​ക്കു​ന്നു.

ടി​ക്ടോ​ക്കു​ൾ​പ്പെ​ടെ​യു​ള്ള ചൈ​നീ​സ്​ ആ​പ്പു​ക​ൾ നി​ര​വ​ധി നി​രോ​ധി​ച്ചി​ട്ടും യു​വാ​ക്ക​ളു​ടെ ജീ​വി​തം ന​ഷ്​​ട​പ്പെ​ടു​ത്തു​ന്ന ഓ​ൺ​ലൈ​ൻ ഗെ​യി​മു​ക​ൾ​ക്കും റ​മ്മി പോ​ർ​ട്ട​ലു​ക​ൾ​ക്കും പൂ​ട്ടി​ടാ​ൻ സ​ർ​ക്കാ​റി​ന്​ ആ​ലോ​ച​ന​പോ​ലു​മി​ല്ല.

കു​ടു​ക്കി​ലാ​യാ​ൽ പ​ണം പോ​കും

ആ​ൻ​ഡ്രോ​യി​ഡ്, ഐ.​ഒ.​എ​സ് ആ​പു​ക​ളാ​യും വെ​ബ്സൈ​റ്റു​ക​ളാ​യും റ​മ്മി നി​ല​വി​ലു​ണ്ട്. തു​ട​ക്ക​ക്കാ​ർ​ക്ക്​ ക​ളി​ക്കാ​ൻ ക​മ്പ​നി ത​ന്നെ ന​ൽ​കു​ന്ന ചെ​റി​യ തു​ക (വെ​ൽ​കം ബോ​ണ​സ്​)​യി​ൽ ആ​കൃ​ഷ്​​ട​രാ​യാ​ണ് പ​ല​രും ക​ളി തു​ട​ങ്ങു​ന്ന​ത്. ചി​ല​പ്പോ​ൾ ആ​യി​ര​വും ര​ണ്ടാ​യി​ര​വും ആ​ളും ത​ര​വും നോ​ക്കി ക​മ്പ​നി​ക​ൾ ന​ൽ​കും.

ര​സം​പി​ടി​ച്ചു ക​ഴി​ഞ്ഞെ​ന്ന് ക​ണ്ടാ​ൽ പി​ന്നെ ഒ​ന്നും ന​ൽ​കി​ല്ല. കാ​ശ് ക​മ്പ​നി പ​തി​യെ​പ്പ​തി​യെ ഊ​റ്റി​യെ​ടു​ക്കും. പോ​യ​തെ​ല്ലാം തി​രി​കെ​പ്പി​ടി​ക്കാ​മെ​ന്ന തോ​ന്ന​ലി​ലൂ​ടെ കു​റ​ഞ്ഞ തു​ക​വെ​ച്ച് ക​ളി​ക്കു​ന്ന​വ​രെ കൊ​ണ്ട് വ​ൻ​തു​ക​ക​ൾ ഇ​റ​ക്കി​പ്പി​ക്കും. അ​ങ്ങ​നെ ഒ​രി​ക്ക​ലും ഊ​രാ​നാ​വാ​ത്ത ക​ടും​കെ​ട്ടാ​ണ് ഈ ​ക​ളി.

25 മു​ത​ൽ 12,000 രൂ​പ വ​രെ​യാ​ണ് എ​ൻ​ട്രി ഫീ​സ്. 50 രൂ​പ മു​ത​ൽ 50,000 രൂ​പ വ​രെ വാ​ല​റ്റി​ൽ ഇ​ടാം. എ​തി​ർ​വ​ശ​ത്ത്​ ബോ​ട്ട് അ​ഥ​വാ ആ​ർ​ട്ടി​ഫി​ഷ്യ​ൽ ഇ​ൻ​റ​ലി​ജ​ൻ​സ് (നി​ർ​മി​ത​ബു​ദ്ധി) പി​ന്തു​ണ​യു​ള്ള ക​മ്പ്യൂ​ട്ട​ർ പ്രോ​ഗ്രാ​മാ​ണെ​ന്നാ​ണ് ക​ളി​ച്ച​വ​രു​ടെ പ​രാ​തി. അ​വ​ക്ക് ന​മ്മു​ടെ കൈ​യി​ലെ ചീ​ട്ടു​ക​ൾ അ​റി​യാ​ൻ ക​ഴി​യു​മെ​ന്നാ​ണ് ആ​രോ​പ​ണം. ന​മു​ക്കാ​ക​ട്ടെ അ​വ​രു​ടെ ചീ​ട്ടു​ക​ൾ ഏ​താ​ണെ​ന്ന് ഊ​ഹി​ക്കാ​നും ക​ഴി​യി​ല്ല.

നാ​ളെ: ഇ​തൊ​രു ക​ളി​യാ​ണ് മോ​നെ