താനൂർ ബോട്ടപകടത്തിൽ മരിച്ചവർ

താനൂർ/പരപ്പനങ്ങാടി: താ​നൂ​ർ പൂ​ര​പ്പു​ഴ​യി​ൽ ഉ​ല്ലാ​സ​ബോ​ട്ട്​ മു​ങ്ങിയുണ്ടായ അപകടത്തിൽ മരണം 22 ആയി. പരപ്പനങ്ങാടി ആവിൽ ബീച്ച്​ കുന്നുമ്മൽ സൈതലവിയുടെ ഭാര്യ സീനത്ത്​ (43), മക്കളായ ഹസ്ന (18), ഷംന (16), ഷഫ്​ല (13), സഫ്ന (17​), സൈതലവിയുടെ സഹോദരൻ സിറാജിന്‍റെ ഭാര്യ റസീന (27), മക്കളായ ഷഹ്​റ (8), ഫാത്തിമ റിഷിദ (7​), നൈറ ഫാത്തിമ (പത്ത്​ മാസം), ആവിൽ ബീച്ച് കുന്നുമ്മൽ ജാബിറിന്‍റെ ഭാര്യ കുന്നുമ്മൽ ജൽസിയ എന്ന കുഞ്ഞിമ്മു (42), ജാബിറിന്‍റെ മകൻ ജരീ​ർ (12), താനുർ സ്റ്റേഷനിലെ സി.പി.ഒ പരപ്പനങ്ങാടി ചിറമംഗലം മീനടം സബറുദ്ദീൻ (37), ആനക്കയം കളത്തിങ്ങൽപടി ചെമ്പനിയിൽ മച്ചിങ്ങൽ നിഹാസ്-ഫരീദ ദമ്പതികളുടെ മകൾ ആദി ഫാത്തിമ (ആറ്), പരപ്പനങ്ങാടി ചെട്ടിപ്പടി വെട്ടികുറ്റി വീട്ടിൽ സൈനുൽ ആബിദിന്റെ ഭാര്യ ആയിശാബി, സൈനുൽ ആബിദിന്റെ മകൾ ആദില ഷെറി, സൈനുൽ ആബിദിന്റെ മകൻ അർഷാൻ, പെരിന്തൽമണ്ണ ശാന്തപുരം കോക്കാട് വയങ്കര നവാസിന്റെയും അസീജയുടെയും മകൻ അഫ്ലഹ് (ഏഴ്), പെരിന്തൽമണ്ണ ശാന്തപുരം കോക്കാട് വയങ്കര അസീമിന്റെയും ഫസീജയുടെയും മകൻ അൻഷിദ് (10), താനൂർ ഓലപ്പീടിക കാട്ടിൽപീടിയേക്കൽ സിദ്ദീഖ്‌ (35), സിദ്ദീഖിന്റെ മകൻ ഫൈസാൻ (മൂന്ന്), സിദ്ദീഖിന്റെ മകൾ ഫാത്തിമ മിൻഹ (ഒന്ന്), ചെട്ടിപ്പടി സ്വദേശി അദ്നാൻ എന്നിവരാണ് താനൂർ ബോട്ടപകടത്തിൽ മരിച്ചത്. ഇതിൽ 14 പേർ ഒരു കുടുംബത്തിൽ നിന്നുള്ളവരാണ്.

എത്രപേർ ബോട്ടിലുണ്ടായിരുന്നു എന്നതിനെ കുറിച്ച് വ്യക്തതയില്ല. 35 പേരാണ് ബോട്ടിലുണ്ടായിരുന്നതെന്നാണ് കരുതുന്നത്. ഒമ്പതു പേർ വിവിധ ആശുപത്രികളിലായി ചികിത്സയിലുണ്ട്. നാലുപേർ നീന്തി രക്ഷപ്പെട്ടിട്ടുണ്ട്. എങ്കിലും ആരെയെങ്കിലും രക്ഷപ്പെടുത്താനുണ്ടോ എന്നത് ഉറപ്പു വരുത്താൻ തെരച്ചിൽ തുടരുന്നുണ്ട്. വിവിധ ആശുപത്രികളിലായി മരിച്ചവരുടെ പോസ്റ്റ്മോർടടം നടപടികൾ പുരോഗമിക്കുകയാണ്.