യേശുവിൽ വിശ്വസിക്കുന്നവർ സത്യത്തി‍ന്‍റെ പക്ഷത്ത്​ നിൽക്കും -വൈശാഖൻ

തൃശൂർ: യേശുവിൽ വിശ്വസിക്കുന്നവർ സത്യത്തി​െൻറ പക്ഷത്ത്​ നിൽക്കുമെന്ന് കേരള സാഹിത്യ അക്കാദമി പ്രസിഡൻറ്​ വൈശാഖൻ. അക്കാദമി പ്രസിദ്ധീകരിച്ച ബിഷപ്പ് ഡോ. പൗലോസ് മാർ പൗലോസി​െൻറ തെരഞ്ഞെടുത്ത പ്രബന്ധങ്ങൾ പ്രകാശനം ചെയ്യുകയായിരുന്നു അദ്ദേഹം. നിന്ദിതർക്കും പീഡിതർക്കും വേണ്ടി പ്രവർത്തിക്കുമ്പോൾ മാർക്‌സിസവും വിമോചന ദൈവശാസ്ത്രവും കൈകോർക്കുകയാണ്. സത്യത്തി​െൻറ പക്ഷത്തുനിന്നുള്ള നിർഭയ ശബ്​ദമായിരുന്നു ബിഷപ്പ് മാർ പൗലോസി​േൻറതെന്നും അദ്ദേഹം പറഞ്ഞു.

നിരന്തരം പ്രതികരിക്കേണ്ടത് സ്വാതന്ത്രേച്ഛയുള്ള ഏതൊരു മനുഷ്യ​െൻറയും കടമയാണെന്ന് പുസ്​തകം ഏറ്റുവാങ്ങിയ ബിഷപ്പ് യൂഹോന്നാൻ മാർ മിലിത്തോസ് പറഞ്ഞു. പാലാ ബിഷപ്പി​െൻറ പരാമർശത്തിന് എതിരെ താൻ പ്രതികരിച്ചത് പല എതിർപ്പുകളെയും ക്ഷണിച്ചുവരുത്തി. പക്ഷേ ത​െൻറ മുമ്പ്​ നടന്ന ബിഷപ്പ് തന്നെ ഓർമിപ്പിക്കുന്നത് മിണ്ടാതിരിക്കാൻ പാടില്ലെന്നാണ്. ലോകത്തി​െൻറ ദൈന്യത പേറാൻ തനിക്ക് ബാധ്യതയുണ്ടെന്നും അദ്ദേഹം പറഞ്ഞു.

അക്കാദമി സെക്രട്ടറി ഡോ. കെ.പി. മോഹനൻ അധ്യക്ഷത വഹിച്ചു. അധികാര രൂപമെന്ന നിലയിൽ മതം മനുഷ്യനെ പീഡിപ്പിക്കുന്ന ഏതൊരു സന്ദർഭത്തിലും പ്രതികരിക്കാനുള്ള ധൈര്യം അദ്ദേഹത്തിന്​ ഉണ്ടായിരുന്നുവെന്ന്​ അദ്ദേഹം ചൂണ്ടിക്കാട്ടി.

പുസ്​തകങ്ങളുടെ ആദ്യ വിൽപന സെക്രട്ടറി മാത്യു തോമസിന്​ നൽകി ഡോ. കെ.പി. മോഹനൻ നിർവഹിച്ചു. ഡോ. കാവുമ്പായി ബാലകൃഷ്ണൻ പുസ്തക പരിചയം നിർവഹിച്ചു. പി.എസ്. ഇക്ബാൽ, സിസ്​റ്റർ ജെസ്​മി, ഇ.ടി. വർഗീസ്, സിസ്​റ്റർ ഡോ. ജിൻസി ഓത്തോത്തിൽ, അഡ്വ. ജോർജ്​ പുലിക്കുത്തിയിൽ, ഫാ. ജോർജ് തേനാടിക്കുളം എന്നിവർ സംസാരിച്ചു. കെ.എസ്. സുനിൽകുമാർ സ്വാഗതവും ഇ.ഡി. ഡേവീസ് നന്ദിയും പറഞ്ഞു.