Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightസി.എ.ജി റിപ്പോര്‍ട്ട്...

സി.എ.ജി റിപ്പോര്‍ട്ട് നിഷ്‌കളങ്കമല്ല; കേരള ഭരണം സ്​തംഭിപ്പിക്കാൻ കേന്ദ്രശ്രമം -തോമസ്​ ഐസക്​

text_fields
bookmark_border
സി.എ.ജി റിപ്പോര്‍ട്ട് നിഷ്‌കളങ്കമല്ല; കേരള ഭരണം സ്​തംഭിപ്പിക്കാൻ കേന്ദ്രശ്രമം -തോമസ്​ ഐസക്​
cancel

തിരുവനന്തപുരം: കിഫ്​ബിക്കെതിരായ സി.എ.ജി റിപ്പോര്‍ട്ട് നിഷ്‌കളങ്കമായ ഒന്നല്ലെന്ന് ധനമന്ത്രി തോമസ് ഐസക്. കേരള ഭരണം സ്​തംഭിപ്പിക്കാനുള്ള കേന്ദ്ര ശ്രമത്തിൻെറ ഭാഗമാണിത്​. കിഫ്ബി മസാല ബോണ്ടില്‍ സി.എ.ജി റിപ്പോര്‍ട്ട് അടിസ്​ഥാനമാക്കി ഇ.ഡി അന്വേഷണം ആരംഭിച്ച സാഹചര്യത്തില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

കരട് റിപ്പോര്‍ട്ടില്‍ കിഫ്ബിയെക്കുറിച്ച് രണ്ട് പാരഗ്രാഫ് മാത്രമെയുള്ളു. എന്നാല്‍ അന്തിമ റിപ്പോര്‍ട്ടില്‍ വന്നത് കരടിൽ ചര്‍ച്ചചെയ്യാത്ത ഭരണഘടനാ സ്ഥാപനങ്ങളെക്കുറിച്ചുള്ള നിഗമനങ്ങളാണ്. ഇത് നാല് പേജില്‍ വിസ്തരിച്ച് എഴുതിയിരിക്കുകയാണ്. റിപ്പോർട്ട്​ എൻഫോഴ്​സ്​ ഡയരക്​ടറേറ്റിന്​ എങ്ങനെ ലഭിച്ചുവെന്നും തോമസ് ഐസക് ചോദിച്ചു.

സംസ്ഥാന സര്‍ക്കാരിനെ അസ്ഥിരപ്പെടുത്താൻ സി.എ.ജി തന്നെ ഇറങ്ങുകയും അതിനുവേണ്ടി വാര്‍ത്തകള്‍ ചോര്‍ത്തുകയുമാണ്​ ചെയ്യുന്നത്​. കേരളത്തിൻെറ വികസന പ്രവർത്തനങ്ങൾ അട്ടിമറിക്കാനാണ്​ ശ്രമം. കിഫ്​ബിയിൽ നിക്ഷേപിക്കുന്നവരിൽ ആശയക്കുഴപ്പമുണ്ടാക്കാൻ ഇത്​ ഇടയാക്കും. ഫണ്ട്​ തരുന്നവരെ പിന്തിരിപ്പിച്ച്​ പ്രവർത്തനം തടസ്സപ്പെടുത്താനാണ്​ നീക്കം. അടിസ്ഥാനരഹിതമായ വിവാദങ്ങള്ളാണ്​ ഉയർത്തുന്നത്​.

കിഫ്ബിയുടെ 2150 കോടിയുടെ മസാല ബോണ്ട് ഇടപാടുകൾ ഭരണഘടനാ വിരുദ്ധമാണെന്നാണ്​ കൺട്രോളർ ആൻഡ് ഓഡിറ്റർ ജനറലിൻെറ (സി.എ.ജി) കണ്ടെത്തൽ. സർക്കാരിനു 3100 കോടി രൂപയുടെ ബാധ്യതയാണ്​ വരുത്തിയത്​. മസാല ബോണ്ട് വഴി കിഫ്ബി പണം സമാഹരിച്ചത്,​ രാജ്യത്തിന്​ പുറത്തു നിന്നു സംസ്ഥാനങ്ങൾ കടമെടുക്കരുതെന്ന ഭരണഘടനാ അനുച്ഛേദം ലംഘിച്ചാണെന്നും സി.എ.ജി റിപ്പോർട്ടിൽ പറയുന്നുണ്ട്​. സി.എ.ജി റിപ്പോർട്ടിൻെറ അടിസ്ഥാനത്തിൽ അന്വേഷണം ആരംഭിച്ച എൻഫോഴ്​സ്​മെൻറ്​ ഡയരക്​ടറേറ്റ്,​ വിശദാംശങ്ങൾ തേടി ഇ.ഡി ആർ.ബി.ഐയ്ക്ക് കത്തയച്ചിട്ടുണ്ട്​.

Show Full Article
TAGS:Thomas Isaac kifbi CAG ed 
Web Title - Thomas Isaac against CAG report and Central govt
Next Story